Mapinda 23:1-35
23 Ndi cakuti wikala nu kutandika ukuliila pamwi nu mwene,Waikishako sana mano kuli vino iyakupekanyizizya;
2 Waikanya*Ndi cakuti uli sana ni nzala.
3 Utaakumbwa ivyakulya vyakwe ivilyompe,Pano i vyakulya vya ufi.
4 Utaombesha ukucila umu cipimo pakuti ukwate ivyuma.+
Ta ukucita vivyo nupya uwailuka.
5 Lino ulalolekesha pa vyuma vivyo, utalavilola,+Vilamela maapa wakwe lyang’anda nupya vilapapuka.+
6 Utaalya ivyakulya vya muntu wa lusoko;Nupya utaakumbwa ivyakulya vyakwe ivilyompe.
7 Waya wa muntu aakapenda vyonsi vino ukulya.
Akalanda ati: “Lyanga nu kumwa,” nomba asilanda vivyo nu mwenzo onsi.
8 Ulaluka vino watulyaNupya ulonona amazwi yako asuma.
9 Utaalanda uku muwelewele,+Pano alasuula amazwi yako aamano.+
10 Utaasezya umupaka wa mpiti+Nanti ukwingilila umu calo ca mwana wa nsiwa.
11 Pano Kacingilila wao wakwata maka;Alayavwangilako.+
12 Waleka umwenzo wako wauvwila ukusalapula,Nupya wakutika uku mazwi ya mano.
13 Wasalapula umwanako umulumendo+
Pano ndi cakuti wamuma nu mukota atanga afwe.
14 Wamuma nu mukota,Pakuti umupusushe ukwi Lindi.*
15 Mwanane ndi cakuti umwenzo wako waya na mano,Umwenzo wane ulaya ni nsansa.+
16 Ndaya sana ni nsansaLino imilomo yako yalanda ivilungame.
17 Utauvwila ya kacita ya viipe uzuwa,+Lelo uwatiina Yeova lyonsi.+
18 Pano lyene ivintu vilakuzipila uku nkoleelo+Nupya ulatwalilila ukuya nu upaalilo.
19 Kutika mwanane nu kuya na mano,Watungulula umwenzo wako umu nzila ilungame.
20 Utaaya pamwi na antu aakamwesha waini,+Na aakalisha inyama.+
21 Pano cakolwa na aakalisha yalaya apiina,+Nupya uwatemwa ukulaala alazwala insamu.
22 Wauvwila tata wako uwakuviile,Nupya utaasuula mayo wako pa mulandu wakuti watakota.+
23 Kala icumi nupya utaca ucikazye,+Ukale na mano, kusalapula alino nu kwiluka.+
24 Isi wa mulungami alaya ni nsansa;Wensi uwakwata umwana wa mano alasansamukila muli aliwe.
25 Tata wako na mayo wako yalasansamuka,Nupya umwanaci uwakuviile alaya ni nsansa.
26 Mwanane uwakutika kuli nene,Nupya uwasansamukila umu masunde yane.+
27 Umwanaci iule waya wa ciwina icizike,Nupya umwanaci uwa miyele iipe waya wa cisima icifyenkane.+
28 Akateyamila wa cipondo;+Nupya akavuzya aonsi aataya ni cisinka.
29 A weni aakucula? A weni aakusakamikwa?
A weni aakulemanila na auze? A weni aakuilizyanya?
A weni akweti vilonda apaula umulandu? A weni uwataenza manso?
30 A yayo aakaikala insita itali pali waini;+Yayo aakalonda waini umukalipishe.
31 Utaalolekesha ukuyenza kwakwe wainiNa vino akuyengesa muli kapu nu kupita ningo pa nsingo
32 Pano pa cisila akaluma wa nzokaNupya akasalanganya usungu wa nzoka ya usungu.
33 Manso yako yalalola ivitayako,Nupya umwenzo wako ulalanda ivya ufi.+
34 Nupya ulaya wa muntu aaizi pakasi kakwe yembaWa muntu aaizi papelapela ya ciwato.
35 Ulalanda uti: “Iyanguma, lelo ntuvwile ukuwaya.
Iyanguma, nomba ntamanyile.
A lilaci lino nimazyuka?+
Nkulondekwa waini na muze.”
