TAWALA YA MULIBELELI No. 3 2017 | Bapahami ba Lipizi Babane—Bamiama Cwañi?
MUBONA CWAÑI?
Litaba za bapahami ba lipizi babaya kwa kusinya lifasi ki zeñwi za likezahalo zezibahala hahulu mwa buka ya Sinulo. Babañwi baikalezwi ka za likezahalo zeo. Babañwi bona babata kuziba ka zateñi. Hamunyakisise zeibulela Bibele ka za bupolofita bo:
“Tabo ki ya mutu yabala ka kutumusa ni babautwa manzwi a bupolofita bo.”—Sinulo 1:3.
Tawala ya Mulibeleli ye, italusa mo taba ya bapahami ba lipizi babane ikona kulutuseza.
TOHO YA TABA
Momuamelwa ki Bapahami ba Lipizi Babane
Lipizi zeene—yesweu, yefubelu, yensu, ni yeseta. Kutakisa kwa lipizi zeo kutalusizwe hande mwa buka ya Sinulo, kamba mwa litaba zebulela za kusinyiwa kwa lifasi.
Bupaki Bobuñwi Bobufumanwi
Mwendi hamuzibi kuli Tatenai neli mañi, kono litaba zebafumani bapumbuli lilutusa kuziba taba ya butokwa.
BIBELE YACINCANGA BUPILO BWA BATU
Nenilata Hahulu Mbola Kufita Nto Ifi Kamba Ifi!
Bo Samuel Hamilton nebalata hahulu papali ya Baseball, kono kuituta Bibele nekucincize bupilo bwabona.
MULIKANYISE TUMELO YABONA
“U Musali Yabuheha”
Mwa Egepita, manduna ba Faro balemuha kubuheha kwa Sara. Zeezahala hasamulaho zakona kumikomokisa.
Bibele Ibulelañi?
Kana Mulimu walata batu babañwi ni kutoya babañwi? Kana batu babañwi bafuyauzwi mi babañwi bakutilwe?
