MUZUHE! No. 2 2020 | Lipuzo ze 5 ka za Manyando Zaalabiwa
Ka linako zeñwi, mañi ni mañi ukopananga ni miinelo yetaata mwa bupilo, inge cwalo kukula butuku bobuñwi, kuba mwa kozi, kuipumana mwa kozi ya ka taho, kamba kueziwa maswe hakuba ni mifilifili.
Batu babatanga kuziba zetahisa lika zemaswe.
Babañwi balumela kuli batu baipumananga mwa miinelo yetaata kabakala kuli ki mona mone kulukiselizwe kamba kabakala kuli batu habana feela maata a kutibela zeezahala mwa bupilo bwabona.
Babañwi balumela kuli lukopananga ni manyando kabakala zene luezize kwamulaho mwa bupilo bo kamba mwa bupilo bobufelile.
Batu habakopananga ni miinelo yetaata, bapalelwanga kuutwisisa libaka hakubile cwalo.
Zebalumela Babañwi
Munyakisise mobulumelela bulapeli ni bulapeli ka zetahisa manyando.
1 Kana Mulimu ki Yena Yalutahiseza Manyando?
Ka lilimo zeñata, batu sebalutilwe lituto za buhata ka za Mulimu. Ki ifi tuto ya niti ka za Mulimu?
2 Kana Manyando Atahiswa ki Luna Batu?
Haiba kuli ki luna babatahisa manyando, uzibe mwendi lwakona kukusufaza kwa manyando elukopana ni ona.
3 Ki Kabakalañi Batu Babande Habanyanda?
Bibele ilutusa kufumana kalabo.
4 Kana Nelubupezwi Kuli Lukopanange ni Manyando?
Kana Mulimu yabupile lika zende hahulu fa lifasi wakona kutahiseza batu manyando hape? Haiba Mulimu haki yena yatahiseza batu manyando, ki lika mañi zene ezahezi?
5 Kana Manyando Akafela Nako Yeñwi?
Bibele ilutaluseza hande mwakafeliseza manyando Mulimu.
Mwakona Kufumana Tuso
Niha kukona kubonahala kuli butata bwaluna ki bobutuna hahulu, kunani nto yeñwi yekona kulutusa.
