Zasoneka Yoane 2:1-25
2 E lumbu kina kiatatu muna Kana a Ngalili mwakala nkinzi a longo, o ngudi a Yesu i mûna kakala.
2 O Yesu mpe ye alongoki andi babokelwa kuna nkinzi a longo.
3 Vava e vinyu yafokokanga, o ngudi a Yesu umvovese vo: “Ke bena ye vinyu ko.”
4 Kansi Yesu umvovese vo: “E nkento, omono yo ngeye nkia diambu tuna diau?* E ntangw’ame ke yafwene ko.”
5 O ngudi andi ovovese awana basadidinge vo: “Nuvanga konso dina kekunuvovesa.”
6 Mvungu sambanu mia matadi miakala ko, mun’owu wa fu kia Ayuda+ kia luveleleso, konso mvungu, nzongo miole yovo mintatu mia maza* miakotanga mo.
7 Yesu ubavovese vo: “Nuzadisa e mvungu yo maza.” Bazadisi mio yavana ntu.
8 I bosi, ubavovese vo: “Owau nubonga mio, nuenda mio vana kuna kwa mfidi a nkinzi.” Banete mio.
9 O mfidi a nkinzi vava kayelekele o maza makitukidi se vinyu, kazaya kuna yatuka ko (kansi e selo ana babonga o maza bazaya kuna yatuka), o mfidi a nkinzi obokele toko diansompi,
10 umvovese vo: “Wantu awonso vinyu ambote beteka vananga, avo wantu batomene nua, i bosi bevananga ina yambi. Kansi ongeye, oswekele e vinyu ambote yamu wau.”
11 O Yesu muna Kana ya Ngalili kavangidi e diadi se lubantiku lwa masivi mandi, osengomwene nkembo andi,+ alongoki andi bakwikidi muna yandi.
12 I bosi okulumukini kuna Kafanau+ yo ngudi andi, ye aleke andi,+ ye alongoki andi, kansi ke bakala ko lumbu yayingi ko.
13 Vava kiafinamanga o nkinzi a Ndut’a+ Ayuda, Yesu otombokele kuna Yerusaleme.
14 Muna tempelo, owene mo ana betekanga ngombe, mameme ye mayembe,+ asobi a nzimbu* mpe bavuanda.
15 Ovangidi nzwangi wa nsinga, ovaikisi muna tempelo awonso ana bakala ye mameme ye ngombe, omwangidi e nzimbu za asobi a nzimbu,* okindwidi meza mau.+
16 Ovovese ana batekelenge mayembe vo: “Nukatula e lekwa yayi omwamu! Nuyambula kitula nzo a Se diame se nzo ya kinkita!”*+
17 Alongoki andi basungamene dina diasonama vo: “O vema muna nzo aku kukweme omu mono nze tiya.”+
18 I bosi, Ayuda bamvutwidi vo: “Nkia sinsu okutusonga+ wau ovanganga mambu mama?”
19 O Yesu ubavutwidi vo: “Nubwisa e tempelo yayi, itelamesa yo muna lumbu tatu.”+
20 Ayuda bavovele vo: “E tempelo yayi mu mvu 46 yatungwa, ongeye mu lumbu tatu otelamesa yo e?”
21 Kansi e tempelo kavovèlenge i nitu andi.+
22 Muna kuma kiaki, vava kafuluka muna mafwa, alongoki andi basungamena vo, i wau kavovanga,+ bakwikila mpe e sono ye diambu dina diavova Yesu.
23 Ekolo kakedi kuna Yerusaleme, kuna nkinzi a Nduta, wantu ayingi bakwikidi muna nkumbu andi vava bamwene e sinsu ina kavangidi.
24 Kansi, o Yesu kababundanga vuvu ko, kadi wabazaya yau awonso,
25 ye kavavanga ko vo bansila e kimbangi mu kuma kia wantu, kadi yandi kibeni wazayanga mana makala muna ntim’a mia wantu.+
Mvovo vana yand'a lukaya
^ Mvovo wa sina: “Nki kwa mono yo ngeye, e nkento?” E yayi i mpila ya vakulwila nkalu. O sadila e mvovo “nkento” ke kondwa luzitu ko.
^ I sia vo, “awana basobanga e nzimbu mu baka nluta.”
^ I sia vo, “awana basobanga e nzimbu mu baka nluta.”
^ Yovo “se zandu.”
