Numeri 29:1-40
29 “‘Mefiku lotete lomwedi omutiheyali, omu na okuninga oshoongalele shiyapuki. Kamu na nande okulonga oshilonga shidjuu.+ Mefiku olo omo mu na okushika enghuma.+
2 Omu na okuyandja ondumetana imwe, odi imwe yondume needjona heyali deendume, keshe imwe yomudo umwe, adishe da koshoka, di li exwikiloyambo ledimba liwa* kuJehova,
3 neendjayambo dayo doufila wa nakwa nawa wa pilulilwa mumwe nomaadi, oitimulongo itatu yoshiyelekifo shoefa mongobe yomhedi, oitimulongo ivali yoshiyelekifo shoefa modi yondume,
4 oshitimulongo shimwe shoshiyelekifo shoefa modjona keshe yondume yomeedjona heyali deendume
5 nosho yo oshikombo shimwe shetimbayambo, opo mu kwatakanifwe.
6 Oinima oyo otai wedwa kexwikiloyambo neendjayambo+ dalo nosho yo exwikiloyambo olo hali yandjwa pandjikilile neendjayambo+ dalo omwedi keshe, pamwe noikunwayambo+ yayo, she likolelela kwaasho hashi ningwa pandjikilile, e li edimba liwa,* eyambo la yambelwa Jehova okupitila momundilo.
7 “‘Nomefiku etimulongo lomwedi oo omutiheyali, omu na okuninga oshoongalele shiyapuki+ nomu na okunyika oluhodi.* Kamu na nande okulonga oshilonga shidjuu.+
8 Omu na okuyandja ondumetana imwe, odi imwe yondume needjona heyali deendume, keshe imwe yomudo umwe, adishe da koshoka, di li exwikiloyambo ledimba liwa* kuJehova.+
9 Eendjayambo dayo doufila wa nakwa nawa wa pilulilwa omaadi, oitimulongo itatu yoiyelekifo yoefa mongobe yomhedi, oitimulongo ivali yoiyelekifo ivali yoefa modi imwe yondume,
10 noshitimulongo shoshiyelekifo shoefa modjona keshe yondume yomeedjona heyali deendume
11 nosho yo oshikombo shimwe shi li etimbayambo, kakele ketimbayambo lekwatakanifo+ nosho yo exwikiloyambo olo hali yambwa pandjikilile, neendjayambo dalo pamwe noikunwayambo yalo.
12 “‘Nomefiku eti-15 lomwedi omutiheyali, omu na okuninga oshoongalele shiyapuki. Kamu na nande okulonga oshilonga shidjuu, nomu na okudana oshivilo oule womafiku aheyali omolwaJehova.+
13 Omu na okuyandja eendumetana 13, eedi deendume 2, eedjona deendume 14, keshe imwe yomudo umwe, adishe da koshoka+ di li exwikiloyambo,+ eyambo la yambwa okupitila momundilo ledimba liwa* kuJehova.
14 Eendjayambo dayo doufila wa nakwa nawa wa pilulilwa omaadi, oitimulongo itatu yoshiyelekifo shoefa momhedi keshe yomeemhedi 13, oitimulongo ivali yoshiyelekifo shoefa modi keshe yondume yomeedi 2 deendume
15 noshitimulongo shoshiyelekifo shoefa modjona keshe yondume yomeedjona 14 deendume.
16 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
17 “‘Nomefiku etivali, eendumetana 12, eedi 2 deendume, eedjona 14 deendume, keshe imwe yomudo umwe, adishe da koshoka+
18 neendjayambo dayo pamwe noikunwayambo yado, eengobe deemhedi, eedi deendume, eedjona deendume, pamuvalu wado, she likolelela kwaasho hashi ningwa pandjikilile.
19 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
20 “‘Nomefiku etitatu, eengobe deemhedi 11, eedi 2 deendume nosho yo eedjona 14 deendume, keshe imwe yomudo umwe, adishe da koshoka+
21 neendjayambo dayo pamwe noikunwayambo yado, eengobe deemhedi, eedi deendume, eedjona deendume, pamuvalu wado, she likolelela kwaasho hashi ningwa pandjikilile.
22 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
23 “‘Nomefiku etine, eengobe deemhedi 10, eedi 2 deendume nosho yo eedjona 14 deendume, keshe imwe yomudo umwe, adishe da koshoka+
24 neendjayambo dayo pamwe noikunwayambo yado, eengobe deemhedi, eedi deendume, eedjona deendume pamuvalu wado, she likolelela kwaasho hashi ningwa pandjikilile.
25 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
26 “‘Nomefiku etitano, eengobe deemhedi 9, eedi 2 deendume nosho yo eedjona 14 deendume, keshe imwe yomudo umwe, adishe da koshoka,+
27 neendjayambo dayo pamwe noikunwayambo yado, eengobe deemhedi, eedi deendume, eedjona deendume, pamuvalu wado, she likolelela kwaasho hashi ningwa pandjikilile.
28 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
29 “‘Nomefiku etihamano, eengobe deemhedi 8, eedi 2 deendume nosho yo eedjona 14 deendume, keshe imwe yomudo umwe, adishe da koshoka+
30 neendjayambo dayo pamwe noikunwayambo yado, eengobe deemhedi, eedi deendume, eedjona deendume, pamuvalu wado, she likolelela kwaasho hashi ningwa pandjikilile.
31 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
32 “‘Nomefiku etiheyali, eengobe deemhedi 7, eedi 2 deendume nosho yo eedjona 14 deendume, keshe imwe yomudo umwe, adishe da koshoka+
33 neendjayambo dayo pamwe noikunwayambo yado, eengobe deemhedi, eedi deendume, eedjona deendume pamuvalu wado, she likolelela kwaasho hashi ningwa pandjikilile.
34 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
35 “‘Nomefiku etihetatu, omu na okuninga oshoongalele shiyapuki. Kamu na nande okulonga oshilonga shidjuu.+
36 Omu na okuyandja ongobe yomhedi imwe, odi imwe yondume nosho yo eedjona heyali deendume, keshe imwe yomudo umwe, adishe da koshoka, di li exwikiloyambo, eyambo la yambwa okupitila momundilo ledimba liwa* kuJehova+
37 neendjayambo dayo pamwe noikunwayambo yado, ongobe yomhedi, odi yondume, eedjona deendume, pamuvalu wado, she likolelela kwaasho hashi ningwa pandjikilile.
38 Kakele kexwikiloyambo olo hali yambwa pandjikilile, neendjayambo dalo pamwe noikunwayambo yalo, omu na yo okuyandja oshikombo shimwe shi li etimbayambo.+
39 “‘Oinima ei omu na oku i yandja kuJehova poivilo yeni yokomudo,+ tamu i weda pomayambo eni eano+ nosho yo pomayambo ehalo liwa+ e li omaxwikiloyambo+ eni, eendjayambo+ deni, oikunwayambo+ yeni nosho yo omayambo eni oukumwe.’”+
40 Moses okwa lombwela Ovaisrael ashishe osho Jehova e mu lombwela.
Omashangelo opedu
^ Ile “tali udifa nawa; tali tulumukifa.” Eln., “tali fuwifa.”
^ Ile “tali udifa nawa; tali tulumukifa.” Eln., “tali fuwifa.”
^ “Okunyika oluhodi” ohashi udiwa ko meenghedi da yoolokafana di na sha nokulingabeka oinima, mwa kwatelwa okulidilika.
^ Ile “tali udifa nawa; tali tulumukifa.” Eln., “tali fuwifa.”
^ Ile “tali udifa nawa; tali tulumukifa.” Eln., “tali fuwifa.”
^ Ile “tali udifa nawa; tali tulumukifa.” Eln., “tali fuwifa.”
