Numeri 2:1-34
-
Eenhanda da unganekwa pamapata, oo a tukulwa ooatatu (1-34)
-
Omapata omonhanda yaJuda okombinga yokoushilo (3-9)
-
Omapata omonhanda yaRuben okombinga yokolukadi (10-16)
-
Onhanda yOvalevi oi na okukala pokati (17)
-
Omapata omonhanda yaEfraim okombinga yokouninginino (18-24)
-
Omapata omonhanda yaDan okombinga yokolundume (25-31)
-
Omuvalu aushe wovalumenhu ovo ve lishangifa (32-34)
-
2 Jehova okwa popya naMoses naAron a ti:
2 “Ovaisrael ove na okwoonga onhanda ponhele opo pe na omapata avo, oo a tukulwa ooatatu,+ keshe omulumenhu e li popepi nedidiliko loukwaneumbo wepata lavo. Ove na okwoonga onhanda va taalela ketwali lokwoongalela, ve li dingilila alishe.
3 “Ovo tava ongo onhanda kombinga yokoushilo, oko haku piti etango, ovovo vomapata, oo a tukulwa ooatatu omonhanda yaJuda paengudu davo;* elenga lomovanamati vaJuda oNashon,+ omonamati waAminadab.
4 Ovo ve lishangifa metangakwaita laye ove li 74 600.+
5 Ovo tava ka onga onhanda popepi naye ovomepata laIsaskar; elenga lomovanamati vaIsaskar oNetanel,+ omonamati waSuar.
6 Ovo ve lishangifa metangakwaita laye ove li 54 400.+
7 Taku shikula epata laSebulon; elenga lomovanamati vaSebulon oEliab,+ omonamati waHelon.
8 Ovo ve lishangifa metangakwaita laye ove li 57 400.+
9 “Aveshe ovo ve lishangifa metangakwaita lonhanda yaJuda ove li 186 400. Ovo votete okudikulula po onhanda yavo.+
10 “Omapata, oo a tukulwa ooatatu, omonhanda yaRuben+ otaa ka onga onhanda kombinga yokolukadi paengudu dao;* elenga lomovanamati vaRuben oElisur,+ omonamati waSedeur.
11 Ovo ve lishangifa metangakwaita laye ove li 46 500.+
12 Ovo tava ka onga onhanda popepi naye ovomepata laSimeon; elenga lomovanamati vaSimeon oSelumiel,+ omonamati waSurisaddai.
13 Ovo ve lishangifa metangakwaita laye ove li 59 300.+
14 Taku shikula epata laGad; elenga lomovanamati vaGad oEliasaf,+ omonamati waRehuel.
15 Ovo ve lishangifa metangakwaita laye ove li 45 650.+
16 “Aveshe ovo ve lishangifa metangakwaita lonhanda yaRuben ove li 151 450. Ovo ovativali okudikulula po onhanda.+
17 “Ngeenge etwali lokwoongalela tali tembulwa,+ onhanda yOvalevi oi na okukala pokati keenhanda dikwao.
“Ove na okweenda va landulafana ngaashi hava ongo onhanda,+ keshe umwe ponhele yaye, she likolelela komapata avo, oo a tukulwa ooatatu.
18 “Omapata, oo a tukulwa ooatatu, omonhanda yaEfraim otaa ka onga onhanda kombinga yokouninginino paengudu dao;* elenga lomovanamati vaEfraim oElisama,+ omonamati wAmmihud.
19 Ovo ve lishangifa metangakwaita laye ove li 40 500.+
20 Opo nee taku shikula epata laManasse; elenga lomovanamati vaManasse+ oGamaliel,+ omonamati waPedasur.
21 Ovo ve lishangifa metangakwaita laye ove li 32 200.+
22 Taku shikula epata laBenjamin; elenga lomovanamati vaBenjamin oAbidan,+ omonamati waGideoni.
23 Ovo ve lishangifa metangakwaita laye ove li 35 400.+
24 “Aveshe ovo ve lishangifa metangakwaita lonhanda yaEfraim ove li 108 100. Ovo ovatitatu okudikulula po onhanda yavo.+
25 “Omapata, oo a tukulwa ooatatu, omonhanda yaDan otaa ka onga onhanda kombinga yokolundume paengudu dao;* elenga lomovanamati vaDan oAhieser,+ omonamati waAmmisaddai.
26 Ovo ve lishangifa metangakwaita laye ove li 62 700.+
27 Ovo tava ka onga onhanda popepi naye ovomepata laAsser; elenga lomovanamati vaAsser oPagiel,+ omonamati waOkran.
28 Ovo ve lishangifa metangakwaita laye ove li 41 500.+
29 Taku shikula epata laNaftali; elenga lomovanamati vaNaftali oAhira,+ omonamati waEnan.
30 Ovo ve lishangifa metangakwaita laye ove li 53 400.+
31 “Aveshe ovo ve lishangifa monhanda yaDan ove li 157 600. Ovo ve na okudikulula po onhanda xuuninwa,+ she likolelela komapata avo, oo a tukulwa ooatatu.”
32 Ovo Ovaisrael aveshe ovo ve lishangifa she likolelela komaukwaneumbo omapata avo; omuvalu waavo va li meenhanda ve lishangifa metangakwaita owa li 603 550.+
33 Ashike Ovalevi inave lishangifa+ pamwe nOvaisrael vakwao,+ ngaashi ashike Jehova a lombwela Moses.
34 Ovaisrael ova ninga ashishe osho Jehova a lombwela Moses. Osho va onga onhanda ngaho, she likolelela komapata avo, oo a tukulwa ooatatu,+ nanghee va dikulula eenhanda davo+ keshe umwe paukwaneumbo, she likolelela komaukwaneumbo omapata avo.
