Mapan iti linaonna

Mapan iti segundario a pagpilian

Dagiti Saksi ni Jehova

Iloko

Raraemen Kadi Dagiti Saksi ni Jehova Dagiti Sabali a Relihion?

Raraemen Kadi Dagiti Saksi ni Jehova Dagiti Sabali a Relihion?

Sursurotenmi ti balakad ti Biblia nga “agraemkayo kadagiti amin a tattao”—aniaman dagiti narelihiosuan a patpatienda. (1 Pedro 2:17, Ti Baro a Naimbag a Damag Biblia) Kas pagarigan, adda ginasut a ribu a Saksi ni Jehova iti dadduma a pagilian. Nupay kasta, saanmi a pilpiliten dagiti politiko wenno mammanday iti linteg nga ingetan wenno paritanda dagiti dadduma a relihion. Saanmi met nga ikamkampania ti pannakaipatungpal dagiti linteg a mangobligar kadagiti tattao a sumurot kadagiti pagalagadanmi iti moral ken relihion. Imbes ketdi, raraemenmi dagiti sabali a relihion a kas met iti panangraemda kadakami.—Mateo 7:12.