Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Dagiti Video iti Ginasut a Lengguahe

Dagiti Video iti Ginasut a Lengguahe

Pagaammo dagiti Saksi ni Jehova iti trabaho a panagipatarus. Idi Nobiembre 2014, naipatarusmin ti Biblia iti 125 a lengguahe ken dagiti naibatay iti Biblia a publikasion iti 742 a lengguahe. Ipatpatarusmi met dagiti video. Idi Enero 2015, magun-odanen ti video nga Ania ti Maar-aramid iti Kingdom Hall? iti 398 a lengguahe, ken ti video nga Apay nga Adalem ti Biblia? iti 569 a lengguahe. Apay ken kasano a naaramid daytoy?

Idi Marso 2014, imbilin ti Bagi a Manarawidwid dagiti Saksi ni Jehova dagiti sanga nga opisina iti intero a lubong nga isaganada dagiti audio a linaon dagiti video iti adu a lengguahe agingga ti mabalin tapno maiparegta ti panagadal iti Biblia.

Adu ti pagnaan ti panangipatarus iti video. Umuna, ipatarus ti translation team iti dayta a lengguahe ti iskrip ti video. Sumaganad, mapili dagiti agsasao iti dayta a lengguahe para iti tunggal timek iti video. Kalpasanna, irekord dagiti audio/video team ti audio iti naipatarus a lengguahe, i-edit ti nairekord, ken ikabilda iti video ti aniaman nga on-screen text. Kamaudiananna, mapagtitipon ti audio, text, ken ti video tapno makapataud iti nalpasen a file a mabalin nga i-upload iti website.

Sumagmamano a sanga ti addaan kadagiti estudio a pagirekordan ken nasanay a kakabsat para iti dayta a trabaho. Dagiti ngay lengguahe a maus-usar ken maipatpatarus kadagiti naiputputong a lugar?

Iti intero a lubong, dagiti audio technician nga addaan kadagiti maitugottugot a recording system ti mapan kadagita a lugar. Babaen ti panangusar iti mikropono ken laptop a computer nga addaan iti audio recording software, sangalen ti technician ti temporario nga estudio a pagirekordan iti maysa nga opisina, Kingdom Hall, wenno pribado a pagtaengan. Dagiti tattao nga agsasao iti dayta a lengguahe ti agbasa, agbalin a coach, ken checker. No nalpas ken naaprobaranen ti panagirekord, iyempake ti technician dagiti alikamenna sa umakar iti sumaruno a lugar a pagirekordanna.

Gapu iti kastoy a pamay-an, tallo a daras ti ad-aduan dagiti lengguahe ngem iti napalpalabas kadagiti maar-aramid a video.

Idi nabuya dagiti tattao dagitoy a video, nagustuanda la unay. Dagiti video-tayo ti kaunaan pay laeng a nabuya ti adu a tattao iti mismo a lengguaheda.

Ti maysa kadagiti nairekord a lengguahe ket ti Pitjantjatjara, a nasurok a 2,500 a tattao iti Australia ti agsasao iti dayta. Nairekord dayta idiay Alice Springs iti Northern Territory. “Nagustuanda unay dagita a video,” kuna ni Callan Thomas, a timmulong iti pannakaaramid dagiti audio recording. “Saan nga agkirem ti mata dagiti lumugar iti panagbuyada iti tablet ken sangkasaludsodda no sadino ti pakasarakanda kadagitoy a video. Manmano ti literatura iti daytoy a lengguahe. Masmasdaawda no mangngegda dayta, ken nangnangruna pay no mabuyada.”

Dua a Saksi iti Cameroon ti nangsurong iti karayan babaen ti bilog. Simmardengda iti maysa a purok dagiti Pygmy ket kinasaritada ti lider, a dati a mannursuro iti lokal nga eskuelaan. Idi naammuanda nga isu ket agsasao iti Bassa, impabuyada kenkuana babaen ti tablet ti video nga Apay nga Adalem ti Biblia? iti mismo a lengguahena. Nagustuan unay ti lider ti nabuyana ket nagkiddaw kadagiti literatura.

Iti maysa a purok iti Indonesia, ti lider ti relihion busbusorenna dagiti Saksi ni Jehova, ket pinuoranna amin a literatura nga inwarasda iti dayta a lugar. Impangta pay ti dadduma a pumurok a puoranda ti Kingdom Hall. Kalpasan dayta, uppat a polis ti napan iti pagtaengan ti maysa a Saksi ket pinagsaludsodanda ti kabsat ken ti pamiliana. Kayatda a maammuan no ania ti maar-aramid iti Kingdom Hall, isu nga impabuyana kadakuada ti video nga Ania ti Maar-aramid iti Kingdom Hall? iti lengguahe nga Indonesian.

Idi nabuyadan ti video, kuna ti maysa a polis: “Ita, ammokon a saan nga umiso ti panangmatmat dagiti tattao kadakayo ken talaga a saandakayo nga am-ammo.” Kuna met ti sabali a polis: “Mabalin kadi ti dumawat iti kopia daytoy a video tapno maipabuyak met iti sabsabali? Naglaon daytoy a video iti umiso nga impormasion maipapan kadakayo.” Positibo itan ti panangmatmat dagiti polis kadagiti Saksi ket ipaayanda idan iti proteksion.

No saanmo pay a nabuya dagitoy a video, apay a dimo buyaen iti mismo a lengguahem?

Ammuem ti Ad-adu Pay

Ania ti Panagadal iti Biblia?

Ammuem ti sungbat dagiti saludsod maipapan iti programa a libre a panagadal iti Biblia.

Kasano a Maisursurat ken Maipatpatarus Dagiti Literatura Dagiti Saksi ni Jehova?

Mangpatpataudkami kadagiti literatura iti nasurok a 750 a lengguahe. Apay nga ar-aramidenmi daytoy?