APAY A NAPATEG: Iti din agbayag, adda dagiti nakaam-amak a pasamak a mangsubok iti kinatured ken panagtalektayo ken Jehova iti pamay-an a ditay pay napadpadasan. Mangrugi ti dakkel a rigat iti pannakadadael ti ulbod a relihion. (Mt 24:21; Apo 17:16, 17) Kabayatan dayta a nakaam-amak a tiempo, posible nga ipakaammotayo ti nadagsen a mangukom a mensahe. (Apo 16:21) Atakarennatayto ni Gog iti Magog. (Eze 38:10-12, 14-16) Ngem agtignay ni Jehova ket iyegna ti “gubat ti naindaklan nga aldaw ti Dios a Mannakabalin-amin.” (Apo 16:14, 16) Tapno naturturedtayto inton mapasamak dagita, masapul nga agtakdertayo a sititibker no masubok ti pammatitayo ita.

NO KASANO NGA ARAMIDEN:

• Situtured nga iyaplikarmo dagiti nangato a moral a pagalagadan ni Jehova.​—Isa 5:20

• Itultuloymo ti agdaydayaw a kadua dagiti kapammatiam.​—Heb 10:24, 25

• Sisasaganaka nga agtulnog iti instruksion manipud iti organisasion ni Jehova.​—Heb 13:17

• Utobem no kasano nga insalakan ni Jehova ti ilina iti napalabas.​—2Pe 2:9

• Agkararagka ken Jehova, ken agtalekka kenkuana.​—Sal 112:7, 8

BUYAEN TI VIDEO A DAGITI PASAMAK ITI MASANGUANAN NGA AGKASAPULAN ITI TURED​—ABABA A PASET SA ISALUDSOD DAGITOY:

• Kasano a nasubok ti panagtulnog dagiti kakabsat idi naitipon ti kongregasionda kadagiti sabali a kongregasion?

• Kasano nga ad-adda a tumuredtayo no agtulnogtayo?

• Apay a kasapulantayo ti tured inton umay ti Armagedon?

• Ania a salaysay iti Biblia ti makatulong kadatayo a mangpatibker iti pammatitayo iti pannakabalin ni Jehova a mangisalakan?​—2Cr 20:1-24