Saan a ti panangpaadu iti produksion a taraon ti solusion tapno mapasardeng ti bisin. Maipagarup nga umdas a taraon ti patpatauden dagiti mannalon agpaay iti 12 a bilion a tattao—ad-adu iti 5 a bilion ngem iti populasion ti lubong. Dagiti kangrunaan a problema ket mainaig iti ekonomia, panagiwaras, ken pannakasayang ti taraon.

Patien ti 24% kadagiti nasurbey a propesional a mainaig iti kuarta ti trabahoda a “mabalin a kasapulan nga agkusit wenno agaramidda iti illegal tapno agballigida.” Inadmitir ti 16% nga agaramidda iti krimen “basta la ketdi dida matiliw.”

Iti Argentina, agbakasion ti 3 iti kada 5 a mannursuro gapu iti stress wenno kinaranggas iti eskuelaan.

Asidegen ti tiempo a gagangayto laengen kadagiti umili iti South Korea ti agbiag nga agsolsolo.

Maipagarup a 2/3 kadagiti siudad ti China ti di makapasa iti baro a pagannurotan ti gobierno para iti nadalus nga angin a maipatungpal inton 2016. Maibilang a “narugit wenno nakarugrugit” met ti kaaduan a danum a maala iti uneg ti daga.