[Mangipapaay iti Parabur; Managparabur].

  1. Maysa kadagiti “annak ni Sasac”; maysa a Benjamita.​—1Cr 8:1, 23-25.

  2. Anak ni Maaca; maysa kadagiti nabileg a lallaki iti puersa militar ni David.​—1Cr 11:26, 43.

  3. Maysa kadagiti innem nga annak ni Azel; kaputotan ni Ari Saul.​—1Cr 8:33-38; 9:44.

  4. Anak ni Igdalias, “maysa a lalaki ti pudno a Dios.” Iti siled a panganan ti annak ni Hanan, sinubok ni mammadto Jeremias ti kinatulnog dagiti Recabita iti bilin daydi amada a ni Jehonadab a saanda nga uminum iti arak.​—Jer 35:3-6.

  5. Pannakaulo ti maysa a pamilia dagiti Netineo nga ad-adipen iti templo, a dagiti kameng dayta nagsublida a kadua ni Zorobabel manipud Babilonia idi 537 K.K.P.​—Esd 2:1, 2, 43, 46; Ne 7:46, 49.

  6. Maysa kadagiti Levita a nangtulong ken Esdras iti panangilawlawag iti Linteg iti kongregasion ti Israel a naummong iti publiko a plasa iti sango ti Ruangan ti Danum ti Jerusalem. (Ne 8:1, 7) Mabalin nga isu met laeng ti Num. 7 wenno Num. 10.

  7. Maysa a Levita a ti kaputotanna, no saan nga isu a mismo, pinatalgedanna babaen iti selio ti “mapagpiaran nga urnos” a nabukel bayat ti kinagobernador ni Nehemias. (Ne 9:38; 10:1, 9, 10) No ni Hanan a mismo ti nangselio iti daytoy a tulagan, mabalin nga isu met laeng ti Num. 6 wenno Num. 10.

8,     9. Dua a “pannakaulo dagiti umili” a dagiti kaputotanda, no saan nga isuda a mismo, pinatalgedanda ti katulagan ti panagipudno bayat ti kinagobernador ni Nehemias.​—Ne 9:38; 10:1, 14, 22, 26.

  10. Anak ni Zacur; matalek a Levita a dinutokan ni Nehemias a mangibunong kadagiti maiparbeng a bingay dagiti Levita, iti sidong ti panangiwanwan da Selemias, Sadok, ken Pedaias. (Ne 13:13) Mabalin nga isu met laeng ti Num. 6 wenno Num. 7.