Namaga a sukat a katupag ti sangapulo nga omer (Ex 16:36) wenno ti apagkapullo ti maysa a homer. Ti efa tumupag iti likido a bat a sukat ket ngarud napattapatta a 22 L (20 namaga a qt). (Eze 45:11) Iti Kasuratan, ti “efa” naaramat mainaig iti kaadu ti arina (Le 5:11), sebada (Ru 2:17), kinirog a bukel (1Sm 17:17), ken trigo (Eze 45:13). Ti termino tumukoy met iti pagkargaan a naaramat a pangsukat iti efa. (Le 19:36; Am 8:5) Ibaga ti Zacarias 5:6-11 maipapan iti efa a sukat a natakkaban iti nagsirkulo a kalub a buli, a nakaipupokan ti babai a “Kinadangkes.”