Bani
[nagtaud iti sao a kaipapananna ti “mangbangon”].
1. Levita iti linia ni Merari, ken inapo ti Etan a dinutokan ni David iti panagserbi iti templo.—1Cr 6:31, 44, 46.
2. Maysa kadagiti nabileg a lallaki ni David, maysa a Gadita.—2Sm 23:36.
3. Kaputotan ni Juda babaen ken Perez, a makinkaputotan kadagiti nagnaed idiay Jerusalem kalpasan ti pannakaidestiero. (1Cr 9:3, 4) Mabalin a daytoy nga ulo ti pamilia ket isu met laeng ti Num. 4 ken 5 wenno ti 4 ken 6 iti baba.
4. Ulo ti pamilia a dagiti kaputotanna, nasurok nga 600 ti bilangda, ket nagsublida a kadua ni Zorobabel idiay Jerusalem. (Esd 2:1, 10) Naawagan Binui iti Nehemias 7:15.—Kitaenyo ti Num. 3 iti ngato.
5. Ulo ti pamilia, nga innem kadagiti kaputotanna ti nangpapanaw iti ganggannaet nga assawada a babbai ken annakda idi tiempo ni Esdras. Saan nga isu ti Num. 6 iti baba.—Esd 10:29, 44; kitaenyo ti Num. 3 iti ngato.
6. Ulo ti pamilia iti Israel a nalabit naaddaan iti 12 a kaputotan a nangpapanaw iti ganggannaet nga assawada a babbai ken annakda idi kaaldawan ni Esdras. Saan nga isu ti Num. 5 iti ngato.—Esd 10:34, 44; kitaenyo ti Num. 3 iti ngato.
7. Levita a ti anakna a ni Rehum timmulong a mangtarimaan iti pader ti Jerusalem idi 455 K.K.P. Idiligyo ti Num. 8-10, 12 iti baba.—Ne 3:17.
8. Levita a timmulong ken Esdras iti panangibasa ken panangilawlawag iti Linteg kadagiti umili.—Ne 8:7; 9:4, 5; kitaenyo ti Num. 7 iti ngato.
9. Ti maikadua a nailista kadagiti dua a Levita nga agnagan Bani nga adda iti plataporma idi publiko a naipudno ti basbasol ti Israel idi 455 K.K.P.—Ne 9:4.
10. Levita a ti kaputotanna, no saan nga isu a mismo, nangpatalged babaen iti selio iti “mapagpiaran nga urnos” ni Nehemias.—Ne 9:38; 10:13.
11. Maysa kadagiti “pannakaulo dagiti umili” a ti kaputotanna, no saan nga isu a mismo, pinatalgedanna met ti “mapagpiaran nga urnos.”—Ne 9:38; 10:14.
12. Levita a kaputotan ni Asaf a ti anakna a ni Uzzi isu ti manangaywan kadagiti Levita idiay Jerusalem idi kaaldawan ni Nehemias.—Ne 11:22; kitaenyo ti Num. 7 iti ngato.
