Oseas 6:1-11
6 “Umaykayo, ket agsublitayo ken Jehova,+ ta isu nangrangrangkay+ ngem paimbagennatayto.+ Nangkabkabil, ngem bedbedannatayto.+
2 Biagennatayto kalpasan ti dua nga aldaw.+ Iti maikatlo nga aldaw patakderennatayto, ket agbiagtayto iti sanguananna.+
3 Ket maam-ammotayto, ikagumaantayto nga am-ammuen ni Jehova.+ Kas iti bannawag,+ ti iruruarna naipasdek a sititibker.+ Ket umayto kadatayo a kas iti agbuyat a tudo;+ kas iti tudo iti primavera nga umagsep iti daga.”+
4 “Ania ti aramidekto kenka, O Efraim? Ania ti aramidekto kenka, O Juda,+ idinto ta ti naayat a kinamanangngaasiyo kasla kadagiti ulep iti bigat ken kas iti linnaaw a masapa a pumanaw?
5 Dayta ti makagapu a kasapulanto a tagaek ida babaen kadagiti mammadto;+ kasapulanto a papatayek ida babaen iti sasao ti ngiwatko.+ Ket dagiti panangukom kenka kasladanto iti lawag a rummuar.+
6 Ta naragsakanak iti naayat a kinamanangngaasi,+ ket saan nga iti sakripisio;+ ken iti pannakaammo iti Dios imbes a kadagiti sibubukel a daton a mapuoran.+
7 Ngem isuda, kas iti naindagaan a tao, sinalungasingda ti tulag.+ Sadiay a nakilangenda a sigugulib kaniak.+
8 Ti Galaad+ ket maysa nga ili dagiti managaramid iti makadangran; dagiti tugotda ket dara.+
9 Ket kas iti panangpadpadaan iti maysa a tao,+ ti timpuyog ti papadi ket tulisan a buybuyot.+ Iti igid ti dalan mangpapatayda idiay Siquem,+ agsipud ta awan inar-aramidda no di ti nalulok a kababalin.+
10 Iti balay ti Israel nakakitaak iti nakaal-alingget a banag.+ Sadiay adda pannakiabig iti biang ti Efraim.+ Tinulawan ti Israel ti bagina.+
11 Kanayonanna pay, O Juda, ti maysa a panagani naikeddengen maipaay kenka, inton ummongek nga isubli dagidiay kautibo iti ilik.”+
