Oseas 4:1-19
4 Denggenyo ti sao ni Jehova, O annak ti Israel, ta ni Jehova addaan legal a kaso kadagiti agnanaed iti daga,+ ta iti daga awan kinapudno+ wenno naayat a kinamanangngaasi wenno uray pannakaammo iti Dios.+
2 Adda rimsua a panangibalikas kadagiti lunod+ ken panangyugali iti panangallilaw+ ken pammapatay+ ken panagtakaw+ ken pannakikamalala,+ ket ti ar-aramid a panagibukbok iti dara immabut iti sabsabali nga ar-aramid a panagibukbok iti dara.+
3 Dayta ti makagapu nga agleddaangto ti daga+ ket tunggal agnanaed iti dayta kasapulanto nga aglumen agraman dagiti atap nga animal iti tay-ak ken ti agtaytayab a parsua iti langlangit, ket uray dagiti mismo nga ikan iti baybay maurnongdanto ken patay.+
4 “Nupay kasta, awan koma ti tao a makisupiat,+ awan met koma ti tao a mangtubngar, yantangay ti ilim ket kas kadagidiay makisupsupiat iti padi.+
5 Ket sigurado a maitibkolkanto iti aldaw,+ ket uray ti maysa a mammadto maitibkolto a mairaman kenka, kas iti rabii.+ Ket pagulimekekto ni inam.+
6 Pudno unay a ti ilik mapagulimekto, agsipud ta awan ti pannakaammo.+ Agsipud ta sika linaksidmo ti pannakaammo,+ laksidenkanto met manipud panagserbi a kas padi kaniak;+ ket agsipud ta liplipatem ti linteg ti Diosmo,+ lipatekto ti annakmo, siak a mismo.+
7 Kas mairukod iti kinaaduda, kasta ti panagbasolda a maikaniwas kaniak.+ Ti bukodko a dayag insukatda iti pannakaibabain laeng.+
8 Ti basol ti ilik isu ti itultuloyda nga alun-onen, ket itultuloyda a pagtarigagayen ti kararuada iti biddutda.+
9 “Ket kasapulanto a ti agpaay iti ili kasta met laeng ti agpaay iti padi;+ ket sigurado a makikuentaakto maibusor kadakuada gapu iti daldalanda;+ ket dagiti pannakilangenda isublikto kadakuada.+
10 Ket pudno a mangandanto, ngem saandanto a mapnek.+ Pudno a tratuendanto dagiti babbai a kas balangkantis; ngem saandanto nga umadu,+ agsipud ta inidianda ti mangipaay iti panagraem ken Jehova a mismo.+
11 Ti pannakiabig ken arak ken nasam-it nga arak isuda ti mangikkat iti nasayaat a motibo.+
12 Ti bukodko nga ili agtultuloy nga umuman+ iti kayo+ nga idoloda, ket ti bukodda a sarukod ti ima agtultuloy nga agibaga kadakuada; agsipud ta intawtaw ida ti mismo nga espiritu ti pannakiabig,+ ket babaen iti pannakiabig pimmanawda iti sidong ti Diosda.+
13 Kadagiti tuktok ti bambantay agisakripisioda,+ ket kadagiti turod mangpataudda iti asuk a sakripisio,+ iti sirok ti nakarangrangpaya a kayo ken kayo nga estorake ken dakkel a kayo, agsipud ta nasayaat ti linongna.+ Dayta ti makagapu a ti annakyo a babbai makiabigda ket dagiti bukodyo a manugang-a-babbai makikamalalada.
14 “Saanakto a makikuenta maibusor iti annakyo a babbai agsipud ta makiabigda, ken maibusor kadagiti manugangyo-a-babbai agsipud ta makikamalalada. Ta, no maipapan kadagiti lallaki, suminada tapno makikaduada kadagiti balangkantis,+ ket agisakripisioda a kadua dagiti babbai a balangkantis iti templo;+ ket ti ili a saan a makaawat+ maibaddebaddekto.
15 Nupay makiab-abigka, O Israel,+ saan koma a makabasol ti Juda,+ ket dikay umay iti Gilgal,+ dikay met sumang-at idiay Bet-aven+ wenno uray agsapata iti ‘Kas sibibiag ni Jehova!’+
16 Ta, kas iti nabanus a baka, simmungit+ ti Israel. Ita kadi nga ipastoran ida ni Jehova kas iti urbon a kalakian a karnero iti nalawa a lugar?
17 Ti Efraim naitipon kadagiti idolo.+ Baybay-am!+
18 Yantangay awanen ti serbesada a trigo,+ pudno unay a trinatoda ti babai kas maysa a balangkantis.+ Dagiti manangikaluyana+ pudno unay nga inayatda ti pannakaibabain.+
19 Maysa nga angin ti nangbungon kenkuana kadagiti payakna.+ Ket ibaindanto dagiti sakripisioda.”+
