Oseas 12:1-14
12 “Ti Efraim agtartaraon iti angin+ ken kamkamatenna ti wayaway nga angin iti intero nga agmalem.+ Panagulbod ken panangagaw ti paaduenna.+ Ket mamatalgedda iti tulag iti Asiria,+ ket idiay Egipto maipan ti mismo a lana.
2 “Ket ni Jehova addaan legal a kaso iti Juda,+ makikuenta pay maibusor ken Jacob maitunos iti daldalanna;+ maitunos kadagiti pannakilangenna supapakannanto.+
3 Iti tian ginammatanna ni kabsatna iti mukodna,+ ket buyogen ti dinamiko nga enerhiana nakiranget iti Dios.+
4 Ket nakirangranget iti maysa nga anghel ket in-inut a nangabak.+ Nagsangit, tapno ipakaasina ti parabur maipaay kenkuana.”+
Idiay Bethel Isu nasarakanna,+ ket sadiay Isu nangrugi a nakisao kadatayo.+
5 Ket ni Jehova a Dios ti buybuyot,+ Jehova ti pakalaglagipanna.+
6 “Ket no maipapan kenka, rebbeng nga agsublika iti Diosmo,+ a salimetmetam ti naayat a kinamanangngaasi+ ken kinahustisia;+ ket adda koma patinayon a panangnamnama iti Diosmo.+
7 No maipapan iti agtagtagilako, adda iti imana dagiti timbangan ti panangallilaw;+ inayatna ti panangsaur.+
8 Ket kunkunaen ti Efraim, ‘Kinapudnona, bimmaknangak;+ nakasarakak iti napapateg a bambanag maipaay iti bagik.+ No maipapan iti isuamin a panagbannogko, awanto ti masarakanda, iti biangko, a biddut nga isu ti basol.’+
9 “Ngem siak ni Jehova a Diosmo manipud iti daga ti Egipto.+ Kaskasdi a pagnaedenkanto kadagiti tolda kas iti al-aldaw ti maysa a naituding a tiempo.
10 Ket nagsaoak kadagiti mammadto,+ ket siak pinaaduk dagiti sirmata, ket babaen iti ima dagiti mammadto nangar-aramidak kadagiti panagaasping.+
11 “Iti Galaad napasamak ti karkarna,+ kasta met ti di kinapudno.+ Idiay Gilgal nagisakripisioda uray kadagiti toro.+ Mainayon pay, dagiti altarda kaslada kadagiti gabsuon a batbato kadagiti gulis ti nawayang a tay-ak.+
12 Ket ni Jacob nagtalaw a napan iti tay-ak ti Siria,+ ket ti Israel+ nagserserbi maipaay iti maysa nga asawa,+ ket maipaay iti maysa nga asawa nagaywan kadagiti karnero.+
13 Ket babaen iti maysa a mammadto inaon ni Jehova ti Israel manipud Egipto,+ ket babaen iti maysa a mammadto isu naaywanan.+
14 Ti Efraim nangpataud iti panagrurod agingga iti kinapait,+ ket ti ar-aramidna a panagibukbok iti dara ibatina iti bukodna a bagi,+ ket ti panangumsina ti isupapakto kenkuana ti Naindaklan nga Apona.”+
