2 Corinto 10:1-18
10 Ita siak, ni Pablo, dawatek kadakayo babaen ti kinaalumamay+ ken kinaasi+ ti Kristo, nupay nanumo ti panaglanglangak+ kadakayo, idinto ta no awanak naturedak kadakayo.+
2 Kinapudnona ipakaasik a, no addaak, saanak koma nga agusar iti kinatured buyogen ti panagtalek a dayta ti pagpannurayak a pangsaranget a situtured+ iti sumagmamano a mangibilang kadakami a kasla ketdin nagnakami maitunos iti kasasaadmi iti lasag.
3 Ta nupay magnakami iti lasag,+ saankami a makigubat a maitunos iti kinasiasinomi iti lasag.+
4 Ta dagiti igam ti pannakigubatmi saan a nainlasagan,+ ngem mannakabalin babaen iti Dios+ a maipaay a pangbalintuag iti natibker ti pannakasarikedkedna a bambanag.
5 Ta ibalbalintuagmi dagiti panagrasrason ken tunggal natan-ok a banag a naibangon maibusor iti pannakaammo iti Dios;+ ket kautibuenmi ti tunggal panunot tapno pagbalinen a natulnog iti Kristo;
6 ket isagsaganami ti bagbagimi tapno ipatay ti pannusa iti tunggal kinasukir,+ apaman a ti bukodyo a panagtulnog ket naan-anay a naitungpalen.+
7 Kitkitaenyo ti bambanag sigun iti makinruar a pategda.+ No ti asinoman agtalek iti bagina nga isu kukua ni Kristo, imutektekanna koma manen daytoy a kinapudno iti bagina, a, no kasano nga isu kukua ni Kristo, kastakami met.+
8 Ta uray no agpasindayagak+ iti nalabes bassit maipapan ti kinaturay nga inted kadakami ti Apo tapno pabilgendakayo ket saan a tapno rebbaendakayo,+ saanakto a maibabain,
9 tapno diak agparang a kasla kayatkayo a butbutngen babaen kadagiti suratko.
10 Ta, kunada: “Nadagsen ken napuersa dagiti suratna, ngem ti kaaddana a mismo nakapuy+ ket ti panagsasaona uumsien.”+
11 Imutektekan koma daytoy ti kasta a tao, a no aniakami iti saomi babaen kadagiti surat no awankami, kastakaminto met iti panagtignay no addakami.+
12 Ta saanmi a maitured nga ibilang ti bagbagimi kadagiti sumagmamano wenno ipadis ti bagbagimi kadagiti sumagmamano a mangirekomenda iti bagbagida.+ Pudno unay nga iti panagririnnukodda a mismo ken iti panagpipinnadisda a mismo awananda ti pannakaawat.+
13 Iti biangmi agpasindayagkaminto, saan nga iti ruar ti naituding a pagbeddenganmi,+ no di ket sigun iti pagbeddengan ti teritoria nga imbingay ti Dios kadakami babaen iti rukod, a padpadanonenna uray pay agingga kadakayo.+
14 Pudno unay a saanmi nga iyun-unnat nga aglablabes ti bagbagimi a kasla saankami a nakadanon kadakayo, ta dakami ti immuna a dimteng agingga a mismo kadakayo iti panangideklara iti naimbag a damag maipapan iti Kristo.+
15 Saan, saankami nga agpaspasindayag iti ruar ti naituding a pagbeddenganmi kadagiti nagbannogan ti sabali,+ no di ket abrasaenmi ti namnama a, bayat a rumangrang-ay ti pammatiyo,+ mapagbalinkami a naindaklan iti tengngayo mainaig iti teritoriami.+ Iti kasta umadukaminto nga ad-adda pay,
16 tapno ideklarami ti naimbag a damag kadagiti pagilian iti labesyo,+ tapno saankami nga agpasindayag iti teritoria ti sabali a sadiay naisaganan ti bambanag.
17 “Ngem ti agpasindayag, agpasindayag koma mainaig ken Jehova.”+
18 Ta saan a daydiay mangirekomenda iti bagina ti maanamongan,+ no di ket ti tao nga irekomenda+ ni Jehova.+
