2 Corinto 3:1-18
3 Irugrugimi manen aya nga irekomenda ti bagbagimi?+ Wenno, nalabit, kas iti sumagmamano a tattao, kasapulanmi aya dagiti surat+ ti rekomendasion a maipaay kadakayo wenno manipud kadakayo?
2 Dakayo ti suratmi,+ a nailanad iti puspusomi ket am-ammo ken basbasaen ti intero a sangatauan.+
3 Ta dakayo maipakpakitakayo a surat ni Kristo nga insuratmi kas ministro,+ nailanad saan a babaen ti tinta no di ket babaen ti espiritu+ ti sibibiag a Dios, saan a kadagiti taptapi a bato,+ no di ket iti nainlasagan a taptapi, iti puspuso.+
4 Ita baeten iti Kristo addaankami itoy a kita ti panagtalek+ iti Dios.
5 Saan a gapu ta dakami a mismo ket makaanayen a kualipikado a mangibilang iti aniaman a banag kas agtaud iti bagbagimi,+ no di ket ti panagbalinmi a makaanayen a kualipikado agtaud iti Dios,+
6 a pudno unay a namagbalin kadakami a makaanayen a kualipikado a ministro ti maysa a baro a tulag,+ saan nga iti naisurat a kodigo,+ no di ket iti espiritu;+ ta ti naisurat a kodigo mangkondenar+ iti ipapatay, ngem ti espiritu mangpabiag.+
7 Mainayon pay, no ti kodigo a mangipaay iti ipapatay+ ken naikitikit kadagiti letra iti batbato+ immay a sidadayag,+ iti kasta ti annak ti Israel saanda a kabaelan a perrengen ti rupa ni Moises gapu iti dayag ti rupana,+ maysa a dayag a mapukaw idi,
8 apay a ti pannakaipaay ti espiritu+ saan nga ad-adda pay ti dayagna?+
9 Ta no ti kodigo a mangipapaay iti pannakakondenar+ ket nadayag+ idi, ad-adda pay a ti pannakaipaay ti kinalinteg+ ket aglaplapusanan iti dayag.+
10 Iti kinapudnona, uray pay daydi napagbalin a nadayag nauksoban iti dayag iti daytoy a banag,+ gapu iti dayag a mangringbaw iti dayta.+
11 Ta no daydiay mapukaw idi ket naiyeg nga addaan dayag,+ ad-adda pay nga addaan dayag daydiay agtalinaed.+
12 Gapuna, yantangay addaankami iti kasta a namnama,+ us-usarenmi ti dakkel a wayawaya nga agsao,
13 ket saanmi nga ar-aramiden ti kas idi panangikabil ni Moises iti abbungot+ iti rupana, tapno ti annak ti Israel saanda a maperreng ti panungpalan+ daydiay mapukaw idi.
14 Ngem napangudel dagiti pannakabalin ti isipda.+ Ta agingga itoy agdama nga aldaw agtalinaed a di nailukais ti isu met laeng nga abbungot no maibasbasa ti daan a tulag,+ agsipud ta naikkaten dayta babaen ken Kristo.+
15 Iti kinapudnona, agingga ita nga aldaw no ni Moises ket mabasa,+ adda abbungot iti puspusoda.+
16 Ngem inton adda panagturong ken Jehova, ti abbungot maikkat.+
17 Ita ni Jehova isu ti Espiritu;+ ket no sadino ti ayan ti espiritu+ ni Jehova,+ adda wayawaya.+
18 Ket datayo amin,+ bayat a datayo nga addaan di naabbungotan a ruprupa iyanninawtayo ti dayag ni Jehova+ a kasla kadagiti sarming, mapagbalbaliwtayo+ nga agturong iti isu met laeng a ladawan+ manipud iti dayag nga agturong iti dayag,+ apag-isu a kas iti inaramid ni Jehova+ nga Espiritu.
