2 Ar-ari 4:1-44
4 Ita adda maysa a babai kadagiti assawa ti annak+ dagiti mammadto a nagpukkaw ken Eliseo, a kunkunana: “Ti adipenmo, nga asawak, natay; ket sika pagaammom unay a ti bukodmo nga adipen nagtultuloy a nagbuteng+ ken Jehova, ket ti met laeng nagpautang+ dimteng tapno alaenna ti dua nga annakko maipaay nga ad-adipenna.”
2 Iti kasta kinuna kenkuana ni Eliseo: “Ania ti aramidek maipaay kenka?+ Ibagam kaniak; ania ti adda kenka iti balay?” Iti daytoy kinunana: “Ti adipenmo a babai awanan a pulos idiay balay no di ti maysa nga adda paparukpokanna a gorita ti lana.”+
3 Idin kinunana: “Mapanka, agkiddawka kadagiti basehas maipaay kenka manipud iti ruar, manipud iti amin a kaarrubam, dagiti basehas nga awan nagyanna. Saanka a mapnek lattan iti sumagmamano.
4 Ket mapankanto ket iserram ti ridaw iti likudam ken ti annakmo, ket mangibukbokkanto kadagitoy amin a basehas, ket dagidiay napno rebbeng nga ilasinmo.”
5 Kalpasan dayta pimmanaw kenkuana.
Idi inserrana ti ridaw iti likudanna ken ti annakna, iyas-asidegda idi kenkuana dagiti basehas, ket isu agibukbukbok idi.+
6 Ket naaramid nga apaman a dagiti basehas napno kinunana iti anakna: “Mangyasidegka kaniak iti sabali pay a basehas.”+ Ngem kinunana kenkuana: “Awanen ti sabali pay a basehas.” Iti kasta nagsardeng ti lana.+
7 Gapuna isu simrek ket imbagana iti lalaki ti pudno a Dios, ket kinunana ita: “Mapanka, ilakom ti lana ket bayadam dagiti utangmo,+ ket sika ken ti annakmo agbiagkayto iti matedda.”+
8 Ket naaramid iti maysa nga aldaw a ni Eliseo lumablabas idi nga agturong idiay Sunem,+ a sadiay adda maysa a natan-ok a babai, ket isu rinugianna a piliten+ a mangan iti tinapay. Ket naaramid a tunggal lumabas, isu agturong sadiay tapno mangan iti tinapay.
9 Idi agangay kinunana iti asawana:+ “Adtoy, ita, ammok unay a maysa a nasantuan a lalaki ti Dios+ ti lumablabas kadata a patinayon.
10 Pangngaasim, mangaramidta koma iti maysa a bassit a siled iti pangatepan+ iti pader ket mangikabilta sadiay maipaay kenkuana iti maysa a sopa ken maysa a lamisaan ken maysa a tugaw ken maysa a pagsaadan ti silaw;+ ket mapasamakto a kaanoman nga umay kadata mabalinna ti agturong sadiay.”+
11 Ket naaramid iti maysa nga aldaw a kas iti gagangay isu simrek sadiay ket nagturong iti siled iti pangatepan ket nagidda sadiay.
12 Gapuna kinunana ken Gehazi+ a katulonganna: “Ayabam daytoy babai a Sunamita.”+ Iti kasta inayabanna tapno agtakder iti sanguananna.
13 Idin kinunana kenkuana: “Pangngaasim, sawem kenkuana, ‘Adtoy pinawpawilam ta bagim gapu kadakami buyogen amin daytoy a panangipawil.+ Ania ti maaramid maipaay kenka?+ Adda kadi aniaman a maisao iti ari+ wenno iti panguluen+ ti buyot maipaay kenka?’” Iti daytoy kinunana: “Iti tengnga ti mismo nga ilik agnanaedak.”+
14 Ket kinunana: “Ania, ngarud, ti maaramid maipaay kenkuana?” Kinuna ita ni Gehazi: “Iti kinapudnona, isu awanan anak,+ ket ti asawana lakayen.”
15 Dagus a kinunana: “Ayabam.” Gapuna inayabanna, ket nagtalinaed a sitatakder iti pagserkan.
16 Idin kinunana: “Iti daytoy naituding a tiempo iti sumaganad a tawen ar-arakupemton ti maysa nga anak a lalaki.”+ Ngem kinunana: “Saan, apok, O lalaki ti pudno a Dios! Dika saritaen dagiti kinaulbod mainaig iti adipenmo a babai.”
17 Nupay kasta, ti babai nagsikog ket nangipasngay iti maysa nga anak a lalaki+ iti daytoy naituding a tiempo iti simmaganad a tawen, kas iti sinao kenkuana ni Eliseo.+
18 Ket ti ubing nagtultuloy a dimmakkel, ket naaramid iti maysa nga aldaw a kas iti gagangay isu rimmuar a napan ken amana agraman dagiti managani.+
19 Ket kinunkunana iti amana: “Ti ulok, O ti ulok!”+ Iti kamaudianan kinunana iti katulongan: “Awitem nga ipan ken inana.”+
20 Iti kasta inawitna ket impanna ken inana. Ket nagtugtugaw kadagiti tumeng ni inana agingga iti agmatuon, ket nagin-inut a natay.+
21 Kalpasanna immuli ket impaiddana iti sopa+ ti lalaki ti pudno a Dios+ ket inserrana kenkuana ti ridaw ket rimmuar.
22 Inayabanna ita ti asawana ket kinunana: “Mangibaonka kaniak, pangngaasim, iti maysa kadagiti katulongan ken maysa kadagiti asna, ket bay-am nga agtarayak agingga iti lalaki ti pudno a Dios ken agsubliak.”+
23 Ngem kinunana: “Apay a mapanka kenkuana ita nga aldaw? Saan a baro a bulan+ wenno uray sabbath.” Nupay kasta, kinunana: “Awan parikut.”
24 Gapuna siniliaanna ti asna+ ket kinunana iti katulonganna: “Agabugka ket mapanka nga umun-una. Dika gawidan ti panagpataray maipagapu kaniak malaksid no sinaokton kenka a kasta.”
25 Ket napan ket dimteng iti lalaki ti pudno a Dios idiay Bantay Carmelo. Ket naaramid nga, apaman nga isu nakita ti lalaki ti pudno a Dios iti adayo pay iti sanguanan, dagus a kinunana ken Gehazi a katulonganna:+ “Adtoy! Ti babai a Sunamita adda sadiay.
26 Ita, pangngaasim, agtarayka a sumabet kenkuana ket sawem kenkuana, ‘Naimbag kadi ti kasasaadmo? Naimbag kadi ti kasasaad ti asawam? Naimbag kadi ti kasasaad ti ubing?’” Iti daytoy kinunana: “Naimbag.”
27 Idi dimteng iti lalaki ti pudno a Dios idiay bantay, dagus nga iniggamanna kadagiti sakana.+ Gapu itoy immasideg ni Gehazi tapno paadaywenna,+ ngem kinuna ti lalaki ti pudno a Dios:+ “Baybay-am,+ ta ti kararuana napait+ iti unegna; ket ni met laeng Jehova inlimedna+ dayta kaniak ken saanna nga imbaga kaniak.”
28 Kinunana ita: “Nagkiddawak kadi iti anak babaen iti apok? Saan aya a kinunak, ‘Saannak koma nga iturong iti ulbod a namnama’?”+
29 Dagus a kinunana ken Gehazi:+ “Bariksam dagiti lomom+ ket alaem ita imam ti sarukodko+ ket mapanka. No kas pagarigan adda asinoman a masabatmo, dika kablaawan;+ ket no kas pagarigan adda asinoman a mangkablaaw kenka, dika sungbatan. Ket masapul nga iparabawmo ti sarukodko iti rupa ti ubing.”+
30 Gapu itoy kinuna ti ina ti ubing: “Kas sibibiag ni Jehova+ ken kas sibibiag ti kararuam,+ saankanto a panawan.”+ Gapuna timmakder ket napan a nakikuyog kenkuana.
31 Ket ni met laeng Gehazi limmabas iti sanguananda ket kalpasanna imparabawna ti sarukod iti rupa ti ubing, ngem awan idi ti timek wenno uray panangipangag.+ Gapuna nagsubli a sumabet kenkuana ket imbagana kenkuana, a kunkunana: “Ti ubing saan a nagriing.”+
32 Iti kamaudianan dimteng ni Eliseo iti balay, ket sadiay ti ubing natay, a naipaidda iti sopana.+
33 Idin simrek ket inserrana ti ridaw iti likudanda a dua+ ket nangrugi nga agkararag ken Jehova.+
34 Kamaudiananna immuli ket nagpakleb iti rabaw ti ubing+ ket inkabilna ti bukodna a ngiwat iti rabaw ti ngiwatna ken dagiti bukodna a mata iti rabaw dagiti matana ken dagiti bukodna a dakulap iti rabaw dagiti dakulapna ket nagtalinaed a sipapakleb iti rabawna, ket in-inut a pimmudot ti lasag ti ubing.
35 Idin nagna manen iti balay, naminsan iti daytoy a turong ket naminsan iti dayta a turong, a kalpasan dayta immuli ket nagpakleb iti rabawna. Ket ti ubing nangrugi nga agbaen iti namimpito a daras amin, a kalpasan dayta ti ubing linuktanna dagiti matana.+
36 Inayabanna ita ni Gehazi ket kinunana: “Ayabam daytoy babai a Sunamita.”+ Gapuna inayabanna ket simrek a napan kenkuana. Idin kinunana: “Bagkatem ti anakmo.”+
37 Ket simrek ket nagpasag kadagiti sakana ken nagruknoy kenkuana agingga iti daga,+ a kalpasan dayta binagkatna ti anakna ket rimmuar.+
38 Ket ni met laeng Eliseo nagsubli idiay Gilgal,+ ket adda idi nakaro a bisin+ iti daga. Bayat a situtugaw idi iti sanguananna+ ti annak+ dagiti mammadto, idi agangay kinunana iti katulonganna:+ “Isaangmo ti dakkel a paglutuan a banga ket mangipaburekka iti gisado maipaay iti annak dagiti mammadto.”+
39 Iti kasta adda maysa a rimmuar a napan iti tay-ak tapno agpuros kadagiti malba,+ ket nakasarak iti atap a lanot ket nagpuros kadagiti atap a tabungaw manipud iti dayta, napno ti kawesna, ket kalpasanna dimteng ket ginalipna ida iti dungdong, ta saanda a pagaammo dagita.
40 Kamaudiananna imbukbokda maipaay kadagiti lallaki tapno kanenda. Ket naaramid nga, apaman a nakakaanda iti gisado, isuda imkisda ket rinugianda a kinuna: “Adda patay iti banga,+ O lalaki ti pudno a Dios.”+ Ket saanda a nakapangan.
41 Gapuna kinunana: “Mangyegkayo, ngarud, iti arina.” Kalpasan nga impisokna dayta iti banga, kinunana: “Mangibukbokkayo maipaay kadagiti umili tapno manganda.” Ket awan idin ti makadangran iti banga.+
42 Ket adda idi maysa a lalaki a dimteng manipud Baal-salisa,+ ket nangyeg+ iti lalaki ti pudno a Dios iti tinapay kadagiti umuna a naluom a bunga,+ duapulo a tinapay a sebada,+ ken baro a bukel iti supot ti tinapayna. Idin kinunana: “Itedmo dayta kadagiti umili tapno manganda.”+
43 Nupay kasta, kinuna ti serbidorna: “Kasano nga ikabilko daytoy iti sanguanan ti sangagasut a lallaki?”+ Iti daytoy kinunana: “Itedmo dayta kadagiti umili tapno manganda, ta daytoy ti kinuna ni Jehova, ‘Addanto pannangan ket addanto dagiti tedda.’”+
44 Iti kasta inkabilna dayta iti sanguananda, ket nangrugida a mangan, ket naaddaanda kadagiti tedda sigun iti sao ni Jehova.+
