Gaa n'Isiokwu

2024

Ncheta Ọnwụ Jizọs

Olee Uru Àjà Ọ Chụrụ Ga-abara Gị?

Anyị na-akpọ gị ka ị bịa nnọkọ abụọ a, a gaghịkwa ana gị ego:

  • Okwu pụrụ iche a ga-esi na Baịbụl kwuo nke isiokwu ya bụ, “Mbilite n’Ọnwụ Ga-emeri Ọnwụ”

  • Ncheta Ọnwụ Jizọs

Ncheta Ọnwụ Jizọs

Sọnde, Mach 24, 2024

Otu ugboro n’afọ ọ bụla, Ndịàmà Jehova na-echeta ọnwụ Jizọs dị ka o nyere anyị iwu ka anyị na-eme. Ọ sịrị: “Na-emenụ nke a iji na-echeta m.” ​—Luk 22:19.

Gosi M Ebe A Ga-anọ Eme Ncheta Ọnwụ Jizọs

OKWU PỤRỤ ICHE A GA-ESI NA BAỊBỤL KWUO

“Mbilite n’Ọnwụ Ga-emeri Ọnwụ”

A ga-ekwu okwu a ná ngwụcha izu a ga-enwe obere oge tupu Ncheta Ọnwụ Jizọs. Onye ga-ekwu okwu a ga-akọwa uru mbilite n’ọnwụ Jizọs ga-abara gị na ndị ị hụrụ n’anya.

Ajụjụ Ndị A Na-ajụkarị Banyere Ncheta Ọnwụ Jizọs

Awa ole ka ọ ga-ewe?

Ọ ga-ewe ihe dị ka otu awa.

Olee ebe a ga-anọ eme ya?

Kpọtụrụ Ndịàmà Jehova nọ gị nso ka ha gwa gị ya.

À ga-akwụ ụgwọ tupu a bata?

Mba.

À ga-ana ụtụ?

Mba. Ndịàmà Jehova anaghị ana ụtụ n’ọmụmụ ihe ha.

È nwere ụdị uwe a chọrọ ka mmadụ yiri bịa?

Ọ bụ eziokwu na e nweghị ụdị uwe a kpọrọ aha na mmadụ ga-eyirịrị abịa, ma Ndịàmà Jehova na-eme ihe Baịbụl kwuru, nke bụ́ ịna-eji ejiji dị mma nke na-egosi na ha na-emeru ihe n’ókè. (1 Timoti 2:9) Ọ bụghị iwu na uwe ị ga-eyi abịa ga-abụ nke oké ọnụ ma ọ bụ nke e yi aga ememme.

Gịnị ka a na-eme ná Ncheta Ọnwụ Jizọs?

A na-eji abụ na ekpere ebido ya, jirikwa abụ na ekpere mechie ya. Ọ bụ Onyeàmà Jehova na-ekpe ekpere a. A ga-esi na Baịbụl kwuo okwu ga-akọwa uru ọnwụ Jizọs bara na otú anyị ga-esi rite uru n’ihe a Chineke na Jizọs meere anyị.

Olee ụbọchị ndị a ga-eme Ncheta Ọnwụ Jizọs n’afọ ndị na-abịa abịa?

2024: Sọnde, Mach 24

2025: Satọdee, Eprel 12

2026: Tọzdee, Eprel 2

Ị chọọ ịmatakwu gbasara Ncheta Ọnwụ Jizọs, lee vidio ndị a.

Na-echeta Ọnwụ Jizọs

Na vidio a, ị ga-amata ihe ọma ndị ga-emere anyị n’ọdịnihu n’ihi àjà Jizọs ji ndụ ya chụọ.

Gịnị Mere Jizọs Ji Nwụọ?

Ọ ga-abụ na ị nụla na Jizọs nwụrụ maka mmehie anyị. Ma, ì kwetara na ọnwụ otu nwoke ga-abara ọtụtụ nde mmadụ uru?

Pịa ebe a ka i nweta akwụkwọ a nke i nwere ike ibipụta ebipụta.