Abụ nke 75
Ihe Mere Anyị Ji Enwe Ọṅụ
1. Ihe n’eny’anyị ọṅụ dị ọtụtụ,
Dị ka akụ̀ dị ok’ọnụ ahịa.
Ihe a n’achọs’ike nke mba dum
N’esonyer’anyị n’ụwa dum.
Anyị nwere ezigbo ọṅụ
Nke si n’Okwu Chineke.
Ọ n’ezi anyị ihe kw’ụbọchị,
N’eme k’anyị nwee okwukwe.
Ọṅụ anyị nwere si anyị n’obi.
Ọ n’enwu n’obi anyị k’ọkụ.
Ọnwụnwa na nsogbu n’abịa.
Jehova n’akwado anyị.
(KORỌS)
Jehova bụ ọṅụ anyị; ọrụ
Ya n’amasị anyị; uche
Ya miri emi; ọrụ ya dịkwa
Ukwuu, dị mma, dịkwa ike.
2. Anyị ji ọṅụ n’ahụ ọrụ aka ya,
El’igwe, mmiri, n’ala.
Anyị n’ahụ ihe ndị o kere
Ma n’eto ọrụ aka ya.
Anyị ji ọṅụ n’agb’àmà ugbu a,
N’ekwus’Al’eze Chineke.
Anyị n’ekwusa ọmụmụ ya
Na ngọzi ya n’ụwa dum.
Ọṅụ ebigh’ebi dị nso,
Dị k’ụtụtụ n’eso abalị.
El’igwe na ụw’ọhụrụ ya
G’ewet’ọṅụ ebigh’ebi.
(KORỌS)
Jehova bụ ọṅụ anyị; ọrụ
Ya n’amasị anyị; uche
Ya miri emi; ọrụ ya dịkwa
Ukwuu, dị mma, dịkwa ike.
(Gụọkwa Diut. 16:15; Aịza. 12:6; Jọn 15:11.)