Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

2 Samwele 22:1-51

22  Aya e mashiwi ya lwimbo+ ulo Davidi aimbiile Yehova mu bushiku Yehova amupokolwele mu minwe ya balwani+ bakwe bonse na mu minwe ya kwa Shauli;+  atile:“Yehova e cilibwe candi,+ e cubo candi+ kabili e wa kumpokolola.+   Lesa wandi e cilibwe candi.+ E mo nakulauba,Ni nkwela+ yandi kabili e lusengo*+ lwandi ulwe pusukilo, e lupili lwandi ulwasansuka,+Kabili e ko mfulumukila,+ e Mupusushi wandi;+ uuntuula ku ba lubuli.+   Yehova, uwalinga ukulumbanya,+ e o ndelililako,Kabili akampususha ku balwani bandi.+   Pantu amabimbi ya kulenga imfwa yalinshingulwike;+Abantu ifinangwa na bo baisa nga mukukulule wa menshi ku kuntiinya.+   Imyando ya Nshiishi* yalimpombele;+Nakumene ne fiteyo fya mfwa.+   Mu kucula kwandi nalelilila kuli Yehova,+Nalelilila kuli Lesa wandi.+Awe mwi tempele lyakwe aumfwile ishiwi lyandi,+Aumfwile inkuuta yandi mu matwi yakwe.+   Kabili isonde lyatendeke ukusunkana no kutenta;+Amashinte ya myulu yalitenkene,+Yalesunkana pantu alikalipe.+   Mu myona yakwe mwafumine icushi, no mulilo uwafumine mu kanwa kakwe waleoca;+Kuli ena kwafumine amalasha ayaleaka.+ 10  E lyo asendeke imyulu no kwika;+Kabili imfifi yafiitisha yali mwi samba lya makasa yakwe.+ 11  Aishile nanina pali kerubi+ no kwisa alepupuka;Aali pa mapindo ya kwa malaika.*+ 12  Aikupile imfifi nge nsakwe,+Iya menshi yafiita kabili iya makumbi yafiita sana.+ 13  Inkuba ishalebyasha pa ntanshi yakwe shalengele imisolilo ya mulilo ukwaka.+ 14  Yehova atampile ukubulukuta mu muulu,+Kabili Uwapulamo atampile ukulanda.+ 15  Kabili akonkenyepo fye ukupoosa imifwi, pa kuti abasalanganye;+Apoosele inkuba, ukuti abafulunganye.+ 16  Na pa nshi ya bemba palimoneke,+Na mashinte ya calo+ yashele pa mbilibili,Pa mulandu wa kukalipa kwa kwa Yehova, pa mulandu wa mupu wa maka uwa mu myona yakwe.+ 17  Antambike ukuboko ukufuma mu muulu no kumbuula,+Anjabwile mu menshi ayengi.+ 18  Ampokolwele ku mulwani wandi uwakosa,+Na ku bampata; pantu bali aba maka ukuncila.+ 19  Balenjimina mu bushiku bwa kucula kwandi,+Lelo Yehova e walentungilila.+ 20  Kabili andetele pa ncende apabula ica kuntiinya;+Alimpokolwele, pantu alintemenwe.+ 21  Yehova anambula pa mulandu wa bulungami bwandi;+Anambula pa mulandu wa kusanguluka kwa minwe yandi.+ 22  Pantu ndakonka inshila sha kwa Yehova,+Kabili nshacitile icabipa, e kutila nshafumineko kuli Lesa wandi.+ 23  Pantu ubupingushi+ bwakwe bonse bwaba ku cinso candi;Na ku fipope fyakwe, nshakatalukeko.+ 24  Kabili nkaba uwa kaele+ kuli ena,Kabili nkataluka ku membu.+ 25  Lekeni Yehova anambule pa mulandu wa bulungami bwandi,+Pa mulandu wa kusanguluka kwandi ukwaba pa ntanshi ya menso yakwe.+ 26  Ku wa cishinka mukaba aba cishinka;+Ku wa kaele, mukaba aba kaele;+ 27  Ku wasanguluka mukaba abasanguluka,+Kabili incenjeshi mukashicenjesha.+ 28  Na baicefya mukabapususha;+Lelo amenso yenu yali pa ba matutumuko, pa kuti mubawishe.+ 29  Pantu imwe muli nyali yandi, mwe Yehova,+Kabili Yehova e ulenga imfifi yandi ukuba ulubuuto.+ 30  Pantu pa mulandu wa kwafwa kwenu kuti nalwisha ifipondo;+Ku maka ya kwa Lesa wandi kuti naciluka icibumba.+ 31  Lelo Lesa wa cine ena, imibele yakwe yalipwililika;+Icebo ca kwa Yehova calilopololwa.+Ni nkwela kuli bonse abooba muli ena.+ 32  Pantu ni Lesa nshi uwingacila pali Yehova,+Kabili cilibwe nshi icingacila pali Lesa wesu?+ 33  Lesa wa cine e ca kufisamamo candi icakosa,+Kabili alenga imibele yandi ukutambalala,+ 34  Alenga amakasa yandi ukuba nga ya mpombo iikota;+Na pa ncende ishasansuka e po anjimika.+ 35  Asambilisha iminwe yandi ukulwa;+Na maboko yandi yalishiba ukubomfya ubuta bwa mukuba.+ 36  Kabili mukampeela inkwela yenu iye pusukilo,+Kabili ukuicefya kwenu kulankusha.+ 37  Mukalefya intampulo shandi;+Ne nkolokoso shandi tashakasokone.+ 38  Nkakonka abalwani bandi, ukuti mbonaule,Kabili nshakabwele mpaka bakalobe.+ 39  Nkabalofya no kubasansaula+ ica kuti tabakeme;+Kabili bakawila mwi samba lya makasa yandi.+ 40  Mukampeela amaka ya kulwa ubulwi;+Mukalenga abalenjimina ukuwila mwi samba lyandi.+ 41  Kumfwa abalwani bandi, mukalenga bafulumuke;+Abampata sana, na bo nkabonaula.+ 42  Bapunda mutuule, lelo takuli wa kubapususha;+Balilila kuli Yehova, lelo tabaasuka.+ 43  Nkabashonaula ngo lukungu lwa pa nshi;Nkabakandaula nga matipa ya mu misebo;+Kabili nkabanyantaula. 44  Mukampususha ku fyo abantu bandi banengulula.+Mukansunga pa kuti nkabe intungulushi ya nko;+Abantu abo nshaishibe—bakamombela.+ 45  Bambi bambi bakesa nabaipetamika kuli ine;+Bakaba ne cumfwila kabili bakomfwa kuli ine.+ 46  Bambi bambi bakabulwa amaka,Bakesa baletutuma ukufuma mu malinga yabo ayasansuka.+ 47  Yehova wa mweo;+ kabili cibe icapaalwa Icilibwe candi;+Asansabikwe Lesa icilibwe ce pusukilo lyandi.+ 48  Lesa wa cine e unandwilako+E ulenga abantu na bantu ukunakila ine,+ 49  Kabili e umpususha ku balwani bandi.+Mukansansabika ukucila abanjimina;+Mukampokolola ku muntu wa bunkalwe.+ 50  E co ndemutashisha mu nko,+ mwe Yehova;Kabili ndeimbila ishina lyenu amalumbo:+ 51  Uucitila imfumu yakwe ifya kupususha ifikalamba+No kuba ne cikuuku ku wasubwa wakwe,+Kuli Davidi na ku bana bakwe umuyayaya.”+

Amafutunoti

Nangu, “umupusushi wa maka.” Ulusengo lwa nama mu Baibolo lwimininako ukukosa, amaka, nelyo amaka ya kutungulula.
Moneni Icipande calenga 4 ica Ifyalundwako.
Nelyo, “pa mapindo ya mwela.”