Dlulela kokuphakathi

Dlulela kuyi-menu yesibili

OFakazi BakaJehova

IsiZulu

Kungani UJesu Ebizwa Ngokuthi UyiNdodana KaNkulunkulu?

Kungani UJesu Ebizwa Ngokuthi UyiNdodana KaNkulunkulu?

Impendulo YeBhayibheli

UNkulunkulu akanayo inkosikazi engumama wabantwana bakhe. Kodwa unguMdali wakho konke okuphilayo. (IsAmbulo 4:11) Ngakho, umuntu wokuqala uNkulunkulu amdala, u-Adamu, ubizwa ngokuthi “indodana kaNkulunkulu.” (Luka 3:38) Ngokufanayo, iBhayibheli lifundisa ukuthi uJesu wadalwa uNkulunkulu. Ngakho noJesu ubizwa ngokuthi “uyiNdodana kaNkulunkulu.”—Johane 1:49.

UNkulunkulu wadala uJesu ngaphambi kokudala u-Adamu. Mayelana noJesu, umphostoli uPawulu wabhala: ‘Ungumfanekiso kaNkulunkulu ongabonakali, izibulo layo yonke indalo.’ (Kolose 1:15) Ukuphila kukaJesu kwaqala esikhathini eside ngaphambi kokuba azalwe esitebeleni eBhetlehema. Eqinisweni, iBhayibheli lithi ‘isiqalo sakhe sisukela ezikhathini zakuqala, ezinsukwini zesikhathi esingaziwa.’ (Mika 5:2) NjengeNdodana kaNkulunkulu eyizibulo, uJesu wayeyisidalwa somoya ezulwini ngaphambi kokuba azalwe emhlabeni njengomuntu. Yena ngokwakhe wathi: ‘Ngehle ezulwini.’—Johane 6:38; 8:23.