Maseli 9:1-18
9 Ua patu te paari mau i to ˈna fare.Ua tarai oia e hitu pou no ˈna.
2 Ua faaineine maite oia i ta ˈna inaˈi.*Ua anoi oia i ta ˈna uaina.Ua faanaho atoa oia i ta ˈna amuraa maa.
3 Ua tono oia i ta ˈna mau tavini vahineE tuô na te mau vahi teitei i nia ˈˈe i te oire, a na ô ai:+
4 “Pauroa te maˈua, a haere mai i ǒ nei.”
Te parau ra oia i tei ere ra i te haroˈaroˈa:*
5 “A haere mai a amu i ta ˈu maaE a inu atoa i te uaina ta ˈu i anoi.
6 A haapae i to outou maˈua,* e ora ïa outou.+A haere i mua na nia i te eˈa o te maramarama.”+
7 Tei aˈo i te hoê taata faaooo, e vahavaha te noaa mai ia ˈna,+E te taata atoa o te tamaˈi i te hoê taata ino, e pepe oia.
8 Eiaha e tamaˈi i te hoê taata faaooo, a hae oia ia oe.+
A tamaˈi i te hoê taata feruriraa paari, e e here oia ia oe.+
9 A horoa i te ite i te hoê taata feruriraa paari, e e rahi atu â to ˈna paari.+
A haapii atu i te hoê taata parau-tia, e e rahi atu â to ˈna ite.
10 Te mǎtaˈu ia Iehova, o te haamataraa ïa o te paari,+E te ite i Tei Moˈa Roa ˈˈe,+ o te maramarama ïa.
11 Maoti hoi au e rahi ai to oe mau mahana+E e rahi ai te mau matahiti e ora ˈi oe.
12 Ia noaa ia oe te paari, e riro taua paari ra ei maitai no oe.Mai te peu râ e taata faaooo oe, na oe noa e amo i te utua.
13 Mea ahoahoa te hoê vahine maamaa.+
Mea maˈua oia e aita hoê aˈe mea ta ˈna i ite.
14 E parahi oia i te tomoraa o to ˈna fareI nia i te tahi parahiraa i te mau vahi teitei o te oire,+
15 A tuô ai i te feia e haere ra na reira,I te feia e haere afaro ra i to ratou eˈa:
16 “Pauroa te taata maˈua, a haere mai i ǒ nei.”
Te parau ra oia i te feia o te ere ra i te haroˈaroˈa:*+
17 “Mea maaro te pape tei eiâhia,E mea au te maa tei amu-huna-hia.”+
18 Aita râ ratou i ite tei reira te feia puai ore i roto i te pohe,Tei te hohonuraa o te Apoo* ta ˈna mau manihini.+
Nota i raro i te api
^ Heb: “Ua tupai oia i ta ˈna tupairaa.”
^ Heb: “aau.”
^ Aore ra “te feia maˈua.”
^ Heb: “aau.”
