Maseli 19:1-29

  • I te feruriraa haroˈaroˈa e ore ai e riri hanoa (11)

  • Mai te tahi tapoˈi fare mǎmǎ te vahine faaipoipo imi hara (13)

  • No ǒ mai ia Iehova te vahine faaipoipo haroˈaroˈa (14)

  • A aˈo i te tamarii a vai noa ˈi te tiaturiraa e farii oia (18)

  • E haerea paari ia faaroo i te aˈoraa (20)

19  Mea maitai aˈe e ora ei taata veve e ia haere ma te hapa ore+I te ora ei taata maamaa e ia haavare.+   E ere mea maitai aita anaˈe e ite to te hoê taata,*+E e hara te taata e ru i te rave i te tahi ohipa.*   No te maamaa o te hoê taata e piˈo ai to ˈna eˈa,E e riri rahi to to ˈna aau ia Iehova.   E rahihia te hoa ia rahi te taoˈa,E faaruehia râ te taata veve e to ˈna atoa hoa.+   E faautuahia iho â te ite haavare,+E eita te taata o te haavare i te mau taime atoa e faahereherehia.+   Mea rahi te imi i te farii maitai a te hoê taata mana,*E e hoa te mau taata atoa no tei pûpû i te ô.   Pauroa te taeae o te hoê taata veve, mea hae na ratou ia ˈna.+Hau atu â ïa to ˈna mau hoa i te ape ia ˈna!+ E tamau noa oia i te taparu ia ratou, aita râ hoê e pahono.   Te taata e noaa mai ia ˈna te haroˈaroˈa,* mea here na ˈna ia ˈna iho.*+ E manuïa* te taata e poihere i te haroˈaroˈa.+   E faautuahia iho â te ite haavare,E e mou te taata o te haavare i te mau taime atoa.+ 10  Eita e tano te oraraa fanaˈo no te maamaa.Hau atu â ïa no te tavini ia faatere i te huiarii!+ 11  Oia mau, i te feruriraa haroˈaroˈa e ore ai te hoê taata e riri hanoa,+E mea nehenehe ia ore oia ia tâuˈa* i te hara.*+ 12  E au te riri rahi o te arii i te uuru o te liona,+E au râ ta ˈna farii maitai i te hupe i nia i te aihere. 13  E haapeapea te tamaiti maamaa i to ˈna metua tane,+E e au te vahine faaipoipo imi hara* i te tahi tapoˈi fare e mǎmǎ noa.+ 14  No ǒ mai i te mau metua te fare e te faufaa,No ǒ mai râ ia Iehova te vahine faaipoipo haroˈaroˈa.+ 15  No te faatau e varea-roa-hia ˈi i te taoto,E e pohe te taata hupehupe i te poia.+ 16  E ora noa te taata o te haapao i te faaueraa.+E pohe râ te taata o te ore e tâuˈa i to ˈna mau eˈa.+ 17  Te taata o te farii maitai i te feia riirii, te horoa ra ïa ia Iehova,+E e faahoˈi mai oia i ta taua taata ra* no ta ˈna e rave ra.+ 18  A aˈo i ta oe tamaiti a vai noa ˈi te tiaturiraa e farii oia,+A ore atu ai oe e parihia no* to ˈna pohe.+ 19  E faaruru te taata iria i te faahopearaa o to ˈna huru.Ia tamata oe i te faaherehere ia ˈna, e na reira noa oe e e na reira faahou.+ 20  A faaroo i te aˈoraa e a farii i te aˈo+Ia noaa mai ia oe te paari a muri aˈe.+ 21  Mea rahi te opuaraa i roto i te aau o te taata,O te opuaraa* râ a Iehova te tupu.+ 22  Te mea au-roa-hia i ǒ te hoê taata, o to ˈna ïa here taiva ore.+E mea maitai aˈe ia ora ei taata veve i te ora ei haavare. 23  I te mǎtaˈu ia Iehova e noaa ˈi te ora.+Tei mǎtaˈu ia ˈna, e taoto ïa ma te hau e eita e roohia i te ati.+ 24  E patia te taata faatau i to ˈna rima i roto i te auˈa maa rahi,Eita râ oia e tamata aˈe i te faahoˈi mai i te reira i to ˈna vaha.+ 25  A tairi i te taata faaooo,+ ia noaa i te maˈua te feruriraa haroˈaroˈa,+E a tamaˈi i te taata maramarama, ia rahi to ˈna ite.+ 26  Te taata o te rave ino i to ˈna metua tane e o te tiahi i to ˈna metua vahine,E tamaiti ïa o te faatupu i te haama e te faahaamaraa.+ 27  Ta ˈu tamaiti, ia faaea oe i te faaroo i te aˈo,E atea ê oe i te mau parau e noaa ˈi te ite. 28  Eita te ite faufaa ore e tâuˈa i te haavaraa tano,+E e horomii te vaha o te taata ino i te ino.+ 29  E haavaraa te tiai mai ra i te feia faaooo,+E e tairiraa te tiai mai ra i te tua o te maamaa.+

Nota i raro i te api

Hebera nephe. Hiˈo i te titionare.
Heb: “e ru ma to ˈna avae.”
Aore ra “horoa noa.”
Heb: “te aau.”
Hebera nephe. Hiˈo i te titionare.
Heb: “maitaihia.”
Heb: “no ˈna ia na nia ˈtu.”
Aore ra “hapa.”
Aore ra “faahapahapa.”
Aore ra “haamaitai oia ia ˈna.”
Aore ra “E eiaha e hinaaro i.”
Aore ra “aˈoraa.”