Maseli 26:1-28
26 Mai te hiona i te tau veavea e te ûa i te tau ootiraa,Eita e tano te tura no te maamaa.+
2 Eita te manu e maue ê noa e te opea e rere noa aita e tumu,Oia atoa te ati, eita ïa e tupu noa aita e tumu mau.*
3 No te puaahorofenua te hui, no te asini te tavaha,+E no te tua o te maamaa te raau.+
4 Eiaha e pahono i te maamaa ia au i to ˈna maamaa,Ia ore oe e aifaito ia ˈna.
5 A pahono i te maamaa ia au i to ˈna maamaa,Ia ore oia ia manaˈo mea paari oia.+
6 Mai te taata o te haamutumutu i to ˈna iho avae e o te haamauiui ia ˈna iho*Te taata o te horoa i te tahi mea i te maamaa ra.
7 Mai na avae aueue* o te pirioi,Oia atoa te parau paari i roto i te vaha o te maamaa.+
8 Mai te ofai ia taamuhia i te mauhaa taora ofai,Oia atoa te faahanahanaraa i te maamaa.+
9 Mai te tahi raau taratara i roto i te rima o te hoê taero ava,Oia atoa te parau paari i roto i te vaha o te maamaa.
10 Mai te taata teˈa e haapepe i te taata na mua mai,*Oia atoa te taata o te tihepu mai i te maamaa aore ra te taata na mua mai.
11 Mai te urî e hoˈi i to ˈna pihaˈeTe maamaa e faahiti noa i ta ˈna parau maamaa.+
12 Ua ite anei oe i te hoê taata e manaˈo ra e feruriraa paari to ˈna?+
E tiaturiraa â no te maamaa, eiaha râ no ˈna.
13 Te parau ra te taata faatau: “E liona apî to nia i te purumu,E liona to te mahora o te oire!”+
14 E tioioi noa te tahi uputa i nia i to ˈna tamauraa,*E e taviriviri noa te taata faatau i nia i to ˈna roˈi.+
15 E patia te taata faatau i to ˈna rima i roto i te auˈa maa rahi,Ua rohirohi roa râ oia i te faahoˈi mai i te reira i to ˈna vaha.+
16 E manaˈo te taata faatau mea paari aˈe oiaI e hitu taata o te pahono ma te haroˈaroˈa.
17 Mai te hoê taata e mau ia ˈna te tariˈa o te urîTe taata* o te riri roa no* te hoê tatamaˈiraa e ere i te ohipa na ˈna.+
18 Mai te maamaa e taora haere i te mauhaa auahi e te teˈa haapohe
19 Te taata e totoa i to ˈna taata tupu a na ô atu ai: “Te hauti noa ra hoi au!”+
20 I te vahi aita e vahie, e pohe te auahi,E i te vahi aita e pari haavare, e ore te tatamaˈiraa.+
21 Mai te arahu no te pura auahi e te raau no te auahi,E na reira atoa te taata imi hara i te faarahi i te tatamaˈi.+
22 E au te mau parau a te pari haavare i te maa rii monamona.*E horomii-noa-hia te reira i roto roa i te vairaa maa.+
23 Mai te ario anaana i nia iho i te farii araeaTe mau parau mǎrû no roto i* te hoê aau ino.+
24 Te taata mea hae na ˈna ia vetahi ê, e huna ïa i te reira i to ˈna utu,I roto râ ia ˈna, o te haavare ta ˈna e faatupu noa.
25 Noa ˈtu mea navenave ta ˈna mau parau, eiaha e tiaturi atu,E hitu hoi ohipa faufau i roto i to ˈna aau.*
26 Noa ˈtu e moˈe to ˈna hae i te haavare,E vauvauhia to ˈna ino i roto i te amuiraa.
27 Te taata o te ô i te tahi apoo te topa i roto,E te taata o te turai ê i te tahi ofai, e hoˈi mai te reira i nia ia ˈna.+
28 Mea hae na te arero haavare te feia ta ˈna i haamauiui,E e tupu te ati i te vaha aminamina.+
Nota i raro i te api
^ Huri-atoa-hia “te ati tano ore, eita ïa e tupu.”
^ Heb: “o te inu i te haavîraa uˈana.”
^ Aore ra “rarerare.”
^ Aore ra “te taata atoa.”
^ Aore ra “hinere.”
^ Aore ra “taata e haere ra na reira.”
^ Huri-atoa-hia “e faaô i roto i.”
^ Aore ra “i te mau mea e horomiihia ma te haapuupuu.”
^ Heb: “Te utu uˈana e.”
^ Aore ra “Mea faufau hoi to ˈna aau taatoa.”
