Maseli 21:1-31
21 E au te aau o te arii i te taheraa pape i roto i te rima o Iehova.+
E aratai oia i te reira i te vahi atoa ta ˈna e hinaaro.+
2 Mea tano no te hoê taata to ˈna mau haerea atoa,+E hiˈopoa râ Iehova i te aau.*+
3 Te raveraa i te parau-tia e te mea afaro,Mea au aˈe ïa na Iehova i te reira i te tusia.+
4 Te mata faateitei e te aau teoteo,O te mori ïa e aratai i te feia ino, e hara râ te reira.+
5 E manuïa iho â te mau opuaraa a te taata itoito,+E vevehia râ te taata atoa e ru noa.+
6 Te taoˈa te noaahia mai i te arero haavare,Mai te mâhu ïa o te moˈe ra, te marei o te haapohe.*+
7 Na te haavîraa uˈana a te feia ino e faaore ia ratou,+Eita hoi ratou e hinaaro e rave i te ohipa afaro.
8 Mea piˈo te eˈa o te taata tei hara,Mea afaro râ te ohipa a te taata viivii ore.+
9 Mea maitai aˈe e parahi i te poro o te tafareI te parahi i roto i te hoê â fare e te hoê vahine faaipoipo imi hara.*+
10 E nounou te taata ino i te mea ino.+Eita oia e hamani maitai aˈe i to ˈna taata tupu.+
11 Ia faautuahia te taata faaooo, e rahi mai te paari o te maˈua,E ia noaa mai i te taata feruriraa paari te haroˈaroˈa, e noaa mai ia ˈna te ite.*+
12 E hiˈo te Atua parau-tia i te fare o te taata ino.E rave oia ia roohia te feia ino i te ati.+
13 Te taata o te tapiri i to ˈna tariˈa i te autâ a te taata riirii,Aita hoê e pahono ia tuô oia.+
14 E mǎrû te riri ia pûpûhia te ô ma te huna,+E e mǎrû te riri rahi uˈana ia petahia ma te huna.*
15 Mea oaoa na te feia parau-tia ia rave i te ohipa afaro,+Mea faufau râ na te feia ohipa ino.
16 Te taata e hahi ê i te eˈa o te haroˈaroˈa,E faafaaea ïa e te feia puai ore i roto i te pohe.+
17 E vevehia te taata mea au roa na ˈna e faaanaanatae.*+Eita te taata mea au na ˈna te uaina e te hinu e taoˈahia.
18 E hoo te taata ino no te taata parau-tia,E e ravehia te taata taiva ei mono i te taata afaro.+
19 Mea maitai aˈe e parahi i te medebaraI te parahi e te hoê vahine faaipoipo imi hara* e te riri hanoa.+
20 E taoˈa moni rahi e e monoˈi to roto i te fare o te taata feruriraa paari,+E haamâuˈa* râ te maamaa i ta ˈna mau taoˈa.+
21 Te taata e tapi i te parau-tia e te here taiva ore,E noaa mai ïa ia ˈna te ora, te parau-tia e te hanahana.+
22 E nehenehe te taata feruriraa paari e tauma na nia i te aua o* te oire o te feia puaiE e tuino i te puai ta ratou e tiaturi ra.+
23 Te taata e tiai i to ˈna vaha e to ˈna arero,E faaatea mai ïa ia ˈna i te fifi.+
24 Te taata faatietie teoteo e te faaoru, o te parauhia ïaNo te taata faaoru tâuˈa ore.+
25 Ta te taata faatau e nounou, na te reira e haapohe ia ˈna,Eita hoi to ˈna rima e hinaaro e rave i te ohipa.+
26 E nounou oia ma te popore i te mahana taatoa,Area te taata parau-tia, e horoa oia ma te ore e tapea i te tahi na ˈna.+
27 Mea au ore roa te tusia a te taata ino.+
Hau atu â ïa ia pûpû oia i te reira ma te manaˈo turai ino!*
28 E pohe te ite haavare,+E tiaturihia râ te parau a* te taata o te faatia i ta ˈna i faaroo.
29 Aita e haama i nia i te hohoˈa mata o te taata ino,+To te taata afaro râ te eˈa papu.*+
30 Aita e paari, aita e haroˈaroˈa, aita atoa e aˈoraa o te haafifi i te hinaaro o Iehova.+
31 Mea faaineinehia te puaahorofenua no te mahana aroraa,+Tei ia Iehova râ te faaoraraa.+
Nota i raro i te api
^ Aore ra “te mau manaˈo turai.”
^ Huri-atoa-hia “no te feia e hinaaro e pohe.”
^ Aore ra “faahapahapa.”
^ Aore ra “ua ite oia eaha te rave.”
^ Heb: “i te peta no nia mai i te ouma.”
^ Aore ra “te mau mea navenave.”
^ Aore ra “faahapahapa.”
^ Heb: “horomii.”
^ Aore ra “e upootia i nia i.”
^ Aore ra “ma te haerea haama!”
^ Heb: “E paraparau râ e a muri noa ˈtu.”
^ Aore ra “Na te taata afaro râ e haapapu i to ˈna eˈa.”
