Maseli 3:1-35
3 Ta ˈu tamaiti, eiaha e haamoˈe i ta ˈu haapiiraa,*E ia haapao to aau i ta ˈu mau faaueraa,
2 No te mea e rahi atu â to oe mau mahanaE te mau matahiti o to oe oraraa e to oe hau i te reira.+
3 Eiaha e vaiiho i te here taiva ore e te haapao maitai* ia faarue ia oe.+
A taamu i te reira i nia i to arapoa,A papai i te reira i nia i te pǎpǎ o to aau,+
4 E fanaˈo ïa oe i te farii maitai e te feruriraa haroˈaroˈaI te hiˈoraa a te Atua e te taata.+
5 A tiaturi ia Iehova+ ma to aau atoa,E eiaha e turui i nia i to oe iho maramarama.+
6 A haapao i to ˈna manaˈo i roto i ta oe mau ohipa atoa e rave,+E na ˈna e faatitiaifaro i to oe mau eˈa.+
7 Eiaha oe ia paari i ta oe iho hiˈoraa.+
A mǎtaˈu ia Iehova e a fariu ê i te ino.
8 E rapaauraa te reira no to oe tino*E e tamǎrûraa no to oe mau ivi.
9 A faahanahana ia Iehova i ta oe mau faufaa,+I te mau hotu matamua* o te mau mea atoa i noaa mai ia oe.*+
10 E î roa ïa ta oe mau fare vairaa maa,+E e î ta oe mau tura* i te uaina apî.
11 Ta ˈu tamaiti, eiaha e patoi i te aˈo a Iehova,+Eiaha atoa e haafaufau ia faaite oia i te hapa,+
12 E aˈo hoi Iehova i te feia ta ˈna e here ra,+Mai te hoê metua tane o te na reira i ta ˈna tamaiti mea here na ˈna.+
13 E oaoa te taata o te ite mai i te paari+E te taata e noaa mai ia ˈna te haroˈaroˈa.
14 Mea au aˈe ia noaa mai te paari i te noaaraa mai te ario,E mea au aˈe te fanaˈoraa i te reira ei faufaa i te fanaˈoraa i te auro.+
15 Mea faufaa aˈe te reira i te toˈa.*Aita hoê aˈe mea ta oe e hinaaro e nehenehe e faaauhia i te reira.
16 E oraraa roa tei to ˈna rima atau.E taoˈa rahi e te hanahana tei to ˈna rima aui.
17 Mea au mau to ˈna mau eˈa,E mea hau to ˈna mau purumu atoa.+
18 E tumu raau o te ora te reira no te feia atoa e rave mai i te reira,E e oaoa te feia o te tapea maite i te reira.+
19 Ua haamau Iehova i te fenua ma te paari.+
Ua haamau papu oia i te raˈi i te haroˈaroˈa.+
20 I to ˈna ite i amaha ˈi te mau pape hohonuE i topatapata mai ai te hupe mai nia mai i te raˈi tapoˈipoˈi.+
21 Ta ˈu tamaiti, eiaha te reira* ia moˈe i to mata.
A tapea maite i te paari mau e te aravihi ia feruri.
22 I te reira e noaa ˈi ia oe* te oraE ei faaunauna te reira no to arapoa.
23 I reira ïa oe e haere ai na to eˈa ma te taiâ ore,E e ore roa to avae e turori.*+
24 Ia haere oe e taoto, eita oe e mǎtaˈu.+Ua taoto anaˈe oe, mea au mau to oe taotoraa.+
25 Eita oe e mǎtaˈu i te tahi mea riaria e tupu taue mai,+I te vero atoa e farara mai i nia i te feia ino.+
26 E nehenehe hoi ta oe e tuu i to tiaturiraa taatoa ia Iehova.+Na ˈna e paruru i to avae i te mau marei.+
27 Eiaha e tapea i te maitai i te feia mea tano ia hamani maitai oe*+Mai te peu e nehenehe ta oe* e tauturu atu.+
28 Eiaha e parau i to oe taata tupu: “A haere atu. A hoˈi mai ananahi, i reira vau e horoa ˈtu ai,”
Mai te peu e nehenehe ta oe e horoa i teie nei.
29 Eiaha e opua i te ino i to oe taata tupu+O te parahi ra i pihai iho ia oe ma te taiâ ore.
30 Eiaha e tatamaˈi aita e tumu e te hoê taata+Mai te peu aita oia i rave ino ia oe.+
31 Eiaha e pohehae i te taata ohipa ino,+Eiaha atoa e pee i to ˈna mau haerea,
32 Mea au ore roa hoi na Iehova te taata haavarevare,+E hoa rahi râ o ˈna no te taata afaro.+
33 E faatae Iehova i te ino i nia i te utuafare o te taata ino,+E haamaitai râ oia i te fare o te feia parau-tia.+
34 E vahavaha hoi oia i te feia faaooo,+E farii maitai râ oia i te feia haehaa.+
35 E fanaˈo te feia feruriraa paari i te hanahana,Area te feia maamaa, e haafaufaa ïa i te mau mea e faatae mai i te haama.+
Nota i raro i te api
^ Aore ra “ture.”
^ Aore ra “parau mau.”
^ Heb: “pito.”
^ Aore ra “maitai roa ˈˈe.”
^ Aore ra “o ta oe moni ohipa atoa.”
^ Aore ra “apoo taataahiraa vine.”
^ Eita e ore o te mau huru maitatai o te Atua tei faahitihia i te mau irava na mua ˈtu.
^ Aore ra “tote.”
^ Aore ra “to oe rima.”
^ Aore ra “te feia e au ia ratou te reira.”
