Maseli 2:1-22
2 Ta ˈu tamaiti, ia farii oe i ta ˈu mau parauE ia poihere oe i ta ˈu mau faaueraa,+
2 Ma te horoa i te tariˈa faaroo i te paari+E ma te fariu mai i to aau i te haroˈaroˈa,+
3 Ia titau atoa oe i te maramarama+E ia faateitei oe i to reo ia noaa mai te haroˈaroˈa,+
4 Ia tamau oe i te imi i te reira mai te ario,+E ia tamau oe i te imi i te reira mai te taoˈa hunahia,+
5 E taa ïa ia oe eaha te mǎtaˈu ia Iehova,+E e noaa mai ia oe te ite no nia i te Atua.+
6 Na Iehova hoi e horoa i te paari.+No roto mai i to ˈna vaha te ite e te haroˈaroˈa.
7 E faaherehere oia i te paari mau no te feia afaro.E paruru oia no te feia haerea hapa ore.+
8 E haapao oia i te eˈa o te feia tia,E e tiai oia i te eˈa o to ˈna mau taata taiva ore.+
9 E taa ïa ia oe eaha te mea tia, te mea afaro e te mea tano,Eaha te eˈa maitai.+
10 Ia ô te paari i roto i to aau+E ia au oe i te ite,+
11 E haapao maitai te aravihi ia feruri ia oe,+E e paruru te haroˈaroˈa ia oe,
12 No te faaherehere ia oe i te haerea ino,I te taata o te faahiti i te parau piˈo,+
13 I te feia e faarue ra i te eˈa afaroNo te haere na te eˈa o te poiri,+
14 I te feia e oaoa ra i te rave i te ino,O te ite i te oaoa i roto i te mea piˈo e te ohipa ino,
15 I te feia mea tioioi to ratou eˈaE e haerea piˈo anaˈe to ratou.
16 E faaherehere te reira ia oe i te vahine taivaiva,*I te mau parau aminamina* a te vahine e peu taotoraa tia ore ta ˈna,*+
17 O te faarue i te hoa rahi* o to ˈna apîraa+E o te haamoˈe i te faufaa i rotopu ia ˈna e to ˈna Atua,
18 Te mure ra hoi to ˈna fare i raro i te pohe,E to ˈna mau eˈa, e tae atu ïa i te feia puai ore i roto i te pohe.+
19 Aita hoê o te taoto ia ˈna* e hoˈi mai,Eita atoa e ite faahou i te mau eˈa o te ora.+
20 No reira, a pee i te eˈa o te feia maitaiE a faaea noa i nia i te eˈa o te feia parau-tia,+
21 O te feia afaro anaˈe hoi te parahi i nia i te fenua,E o te feia hapa ore anaˈe te faaea noa i reira.+
22 Area te feia ino, e haamouhia ratou mai nia i te fenua,+E te feia haavarevare, e iriti-ê-hia ïa mai reira mai.+
Nota i raro i te api
^ Heb: “vahine ê.” Eita e ore e vahine tei atea ê i te Atua no nia i te mea maitai e te mea ino.
^ Aore ra “faahinaaro.”
^ Heb: “vahine ê.” Eita e ore e vahine tei atea ê i te Atua no nia i te mea maitai e te mea ino.
^ Aore ra “te tane faaipoipo.”
^ Heb: “o te haere atu ia ˈna ra.”
