Maseli 22:1-29

  • Mea au aˈe te iˈoa maitai i te taoˈa rahi (1)

  • Eita e moˈehia i tei haapiihia mai te tamariiraa ra (6)

  • E mǎtaˈu te faatau i te liona i rapae (13)

  • E ore te maamaa i te aˈo (15)

  • E ohipa te taata aravihi no te mau arii (29)

22  Mea au aˈe te hoê iˈoa maitai* i te taoˈa rahi,+Mea maitai aˈe ia faaturahia* oe i te noaaraa mai te ario e te auro.   Hoê â* te taata taoˈa rahi e te taata veve: Na Iehova i hamani ia raua.+   E ite te taata feruriraa haroˈaroˈa i te tupuraa atâta e e tapuni oia,E haere noa ˈtu râ te maˈua a faaruru atu ai i te mau faahopearaa.*   Ta te haehaa e te mǎtaˈu ia Iehova e faatupu,O te taoˈa rahi ïa, te hanahana e te ora.+   E raau taratara e e marei to nia iho i te eˈa o te taata piˈo,E faaatea mai râ te taata o te haafaufaa i to ˈna ora i te reira.+   A haapii i te tamaroa* i te eˈa ia na reira oia i te haere,+Ua ruhiruhia anaˈe oia, eita oia e faarue i te reira.+   E faatere te taata taoˈa rahi i te taata veve,E e tavini tei tipee mai i tei horoa ˈtu.+   Te taata e ueue i te parau-tia ore, e ooti ïa i te ati,+E e mou te raau o to ˈna riri rahi.+   E haamaitaihia te taata horoa noa,*E tufa hoi oia i ta ˈna maa na te taata veve.+ 10  A tiahi i te taata faaooo,E e ore te vahavaha.E ore te tatamaˈiraa* e te faaino. 11  Te taata aau viivii ore e te parau nehenehe,E riro ïa ei hoa no te arii.+ 12  Te tiai ra te mata o Iehova i te ite,E faatahuri râ oia i te mau parau a te taata taiva.+ 13  Te parau ra te taata faatau: “E liona to rapae! E haapohehia vau i ropu i te mahora o te oire!”+ 14  E apoo hohonu te vaha o te vahine taivaiva.*+ Te taata ta Iehova i faautua, e topa ïa i roto. 15  Ua taamuhia te maamaa i te aau o te tamaroa.*+Na te raau râ o te aˈo e faaatea i te reira ia ˈna.+ 16  Tei taviri i te taata veve ia rahi ta ˈna taoˈa+E tei pûpû i te ô na te taata taoˈa rahi,E vevehia ïa i te hopea. 17  A fariu mai i to tariˈa e a faaroo i te mau parau a te feia feruriraa paari,+Ia farii to aau i to ˈu ite,+ 18  Mea au hoi ia tapea i te reira i roto ia oe,+Ia vai noa taua mau parau atoa ra i nia i to oe utu.+ 19  Ia riro to oe tiaturiraa ia Iehova ra,Te horoa nei au ia oe i te ite i teie mahana. 20  Aita anei au i papai aˈenei ia oeE i horoa ˈtu i te aˈoraa e te ite, 21  No te haapii ia oe i te parau mau e te nehenehe e tiaturihia,Ia nehenehe oe ia hoˈi e faatia i te parau mau i te taata tei tono ia oe? 22  Eiaha e eiâ i te taata veve no to ˈna veve,+E eiaha e taataahi i te taata riirii i te uputa o te oire,+ 23  Na Iehova iho hoi e paruru ia ratou ia haavahia ratou+E e haapohe oia i te feia e taviri ia ratou. 24  Eiaha e faaea noa i pihai iho i te taata iriaAore ra e amuimui i te taata riri hanoa 25  Ia ore oe ia haapii i to ˈna haereaA mau atu ai oe i roto i te marei.+ 26  Eiaha e parahi i rotopu i te feia o te horoa i te rima ei tapao e aufau ratou i te tarahu,O te farii e aufau i te tarahu a vetahi ê.+ 27  Aita anaˈe ta oe e moni no te aufau,E tatarahia mai to oe roˈi mai raro aˈe mai ia oe! 28  Eiaha e faanuu i te tahi tapao otia fenua tahitoTa to oe mau tupuna i tuu.+ 29  Ua ite anei oe i te hoê taata aravihi i ta ˈna ohipa? E tia oia i mua i te mau arii.+Eita oia e tia i mua i te taata riirii.

Nota i raro i te api

Aore ra “roo maitai.” Heb: “iˈoa.”
Heb: “farii-maitai-hia.”
Heb: “E farerei.”
Aore ra “te utua.”
Aore ra “tamarii,” “taata apî.”
Heb: “te taata mata maitai.”
Aore ra “te hororaa i te haavaraa.”
Heb: “vahine ê.” Hiˈo i te Mas 2:16.
Aore ra “tamarii,” “taata apî.”