Maseli 18:1-24
18 Te taata o te faaatea ê mai ia ˈna, te tapi ra ïa i to ˈna iho mau hinaaro miimii.Eita oia e farii* i te paari mau taatoa.
2 Eita te maamaa e au i te maramarama.Mea au aˈe na ˈna e faaite eaha to roto i to ˈna aau.+
3 Ia tae mai te taata ino, te vahavaha atoa,E e na muri mai te haama i te tura ore.+
4 E pape hohonu te mau parau o te vaha o te taata.+
E taheraa pape pihaahaa te puna o te paari.
5 E ere mea maitai ia farii maitai i te taata ino+Aore ra ia faaere i te taata parau-tia i te haavaraa tano.+
6 O te tatamaˈiraa ta te mau parau a te maamaa e faatupu,+E e titau to ˈna vaha i te tupairaa.+
7 Te vaha o te maamaa, o to ˈna ïa ati,+E e marei to ˈna utu no to ˈna ora.
8 E au te mau parau a te pari haavare i te maa rii monamona.*+E horomii-noa-hia te reira i roto roa i te vairaa maa.+
9 Te taata faatau i nia i ta ˈna ohipa,E taeae ïa no tei faatupu i te ati.+
10 Te iˈoa o Iehova, e pare etaeta ïa.+
E horo te taata parau-tia i roto a paruruhia ˈtu ai oia.*+
11 Te faufaa a te hoê taata taoˈa rahi, o to ˈna ïa oire auahia i te patu.E au te reira i te aua paruru i roto i to ˈna feruriraa.+
12 I te aau faateitei e ati ai te hoê taata,+E i te haehaa e noaa ˈi te hanahana.+
13 Ia faaite te hoê taata i to ˈna manaˈo hou a faaroo ai i te tupuraa,Mea maamaa e mea haama.+
14 E nehenehe te taata feruriraa* itoito e faaruru i te maˈi,+O vai râ te nehenehe e faaoromai i te hoê aau hepohepo?*+
15 E apo te aau o te taata maramarama i te ite,+E e imi te tariˈa o te taata feruriraa paari i te ite.
16 E matara te uputa i mua i te taata o te pûpû i te ô.+E tae oia i mua i te feia mana maoti te reira.
17 E au ra o te taata matamua te faahiti i to ˈna tupuraa tei tano,+E tae roa mai ai tei faahapa ia ˈna e e uiui* ia ˈna.+
18 E ore te tatamaˈi i te tuuraa kelero+E e afaro te hoê mârôraa i rotopu* e piti taata puai.
19 Mea etaeta aˈe te hoê taeae tei inoino i te tahi oire tei auahia i te patu.+E te vai ra te tatamaˈiraa mai te auri tarava o te uputa o te tahi pare.+
20 I ta ˈna mau parau* e î ai te opu o te hoê taata.+E fanaˈo oia i ta to ˈna utu e faatupu.
21 Tei te puai o te arero te pohe e te ora.+Te feia mea au na ratou e faaohipa i te reira, ia farii atoa ïa i te faahopearaa.+
22 Te taata e ite mai i te hoê vahine faaipoipo maitai, ua ite mai ïa ia ˈna te tahi haamaitairaa,+E e fanaˈo oia i ta Iehova farii maitai.+
23 E taparuparu te taata veve ia paraparau oia,Area te taata taoˈa rahi, e pahono ïa ma te etaeta.
24 Te vai ra te hoa ua ineine i te taataahi te tahi i te tahi,+Te vai ra râ te tahi hoa mea piri aˈe i te hoê taeae.+
Nota i raro i te api
^ Aore ra “E vahavaha oia.”
^ Aore ra “i te mau mea e horomiihia ma te haapuupuu.”
^ Heb: “a tuuhia ˈtu ai oia i nia,” oia hoi eita oia e noaahia, ua ora ïa oia.
^ Aore ra “hepohepo rahi?”
^ Aore ra “titorotoro.”
^ Heb: “e taa.”
^ Heb: “to ˈna vaha.”
