Maseli 7:1-27
7 Ta ˈu tamaiti, a auraro i ta ˈu mau parau,E a poihere i ta ˈu mau faaueraa.+
2 A auraro i ta ˈu mau faaueraa, e ora ïa oe.+A poihere i ta ˈu haapiiraa* mai te orio o to mata.
3 A taamu i te reira i nia i to manimani rima.A papai i te reira i nia i te pǎpǎ o to aau.+
4 A parau i te paari: “E tuahine oe no ˈu,”
E a pii i te maramarama: “To ˈu fetii,”
5 Ia paruruhia oe i te vahine taivaiva,*+I te vahine e peu taotoraa tia ore ta ˈna* e i ta ˈna mau parau aminamina.*+
6 Na te haamaramarama o to ˈu fare,Na roto i te varavara o to ˈu haamaramarama, ua hiˈo vau i raro,
7 E ia ˈu i hiˈo i te feia vare hanoa,*Ite ihora vau i rotopu i te feia apî i te hoê taurearea o te ere ra i te haroˈaroˈa.*+
8 Te haere ra oia na pihai iho i te poro aroâ o tera vahine,E te haere tia ˈtu ra oia i to ˈna fare
9 I te arehurehuraa, i te ahiahi,+A fatata ˈi i te po e te poiri.
10 Ite ihora vau i tera vahine i te farereiraa ia ˈna,Mai to te vahine taiata ra to ˈna ahu,+ ma te aau haavarevare.
11 Mea ahoahoa oia e te faahinaaro.+
Eita oia* e mau aˈe i te fare.
12 I te tahi taime tei rapae oia, i muri iho tei te mau mahora o te oire,E moemoe oia na te mau poro aroâ atoa.+
13 Haru ihora tera vahine ia ˈna e apa maira.Ma te haama ore, parau maira oia ia ˈna:
14 “I titauhia na ia ˈu ia pûpû i te tusia no te hau.+
Ua haapao vau i ta ˈu mau euhe i teie mahana.
15 No reira vau i haere mai ai e farerei ia oe,No te imi ia oe, e ua itehia mai oe e au!
16 Ua hohora vau i te tapoˈi nehenehe roa i nia i to ˈu roˈi,E lino û araaraa no Aiphiti mai.+
17 Ua pîpî au i to ˈu roˈi i te mura, te aloe e te kinamo.+
18 Mai, e inu anaˈe i te here e ao noa ˈˈe.E faanavenave roa anaˈe ia tâua i te here,
19 Aita hoi ta ˈu tane faaipoipo i te fare.Ua reva oia no te hoê tere maoro.
20 Ua rave oia i te tahi pute moni ia ˈna ra,E eita oia e hoˈi mai e tae roa i te atiraa avaˈe.”
21 Ua faahahi ê oia ia ˈna i ta ˈna mau parau haavarevare.+
Ua arapae oia ia ˈna i ta ˈna mau parau aminamina.
22 I reira iho, pee atura oia i taua vahine ra, mai te tahi puaatoro e haere ra i te tupairaa,Mai te tahi maamaa e afaihia ra i te tapearaa* no te faautua ia ˈna,+
23 E ia puta roa to ˈna upaa i te tahi teˈa,Mai te tahi manu e ru ra i roto i te marei, aita oia i ite o te pohe te hopearaa.+
24 I teie nei, ta ˈu* tamaiti, a faaroo mai ia ˈu.A haapao mai i ta ˈu mau parau.
25 Eiaha e vaiiho i to aau ia fariu i to ˈna mau haerea.
Eiaha e tioi i to ˈna mau eˈa ra,+
26 Mea rahi hoi tei pepe ia ˈna e ua pohe,+E mea rahi ta ˈna i haapohe.+
27 O to ˈna fare te eˈa e tae atu ai i te Apoo.*E pou te reira i te mau piha poiri o te pohe.
Nota i raro i te api
^ Aore ra “ture.”
^ Aore ra “faahinaaro.”
^ Aore ra “maˈua.”
^ Heb: “aau.”
^ Heb: “to ˈna avae.”
^ Aore ra “i te fifi veo.”
^ Heb: “ta ˈu mau.”
