Maseli 16:1-33

  • E hiˈopoa Iehova i te mau manaˈo turai (2)

  • A tuu i ta oe mau ohipa atoa e rave i te rima o Iehova (3)

  • No ǒ mai te faito tia ia Iehova (11)

  • Hou te ati, o te teoteo ïa (18)

  • E hei upoo nehenehe te hinahina (31)

16  E faaineine te hoê taata i te mau manaˈo o to ˈna aau,*Area te pahonoraa ta ˈna e horoa,* no ǒ mai ïa ia Iehova.+   Mea tano* no te hoê taata to ˈna mau haerea atoa,+E hiˈopoa râ Iehova i te mau manaˈo turai.*+   A tuu i ta oe mau ohipa atoa e rave i roto i te rima o Iehova,+E e manuïa ta oe mau opuaraa.   E faaohipa Iehova i te mau mea atoa ia tupu ta ˈna opuaraa,E e haapao maitai oia ia haamouhia iho â te feia ino.+   Mea hae na Iehova pauroa te taata aau teoteo.+ Ia papu ia oe* e faautuahia iho â ratou.   I te here taiva ore e te haapao maitai, e faaorehia te hapa+E i te mǎtaˈu ia Iehova e fariu ê ai hoê taata i te ino.+   Ua au anaˈe ia Iehova te haerea o te hoê taata,E rave oia ia hau atoa te mau enemi o taua taata ra e o ˈna.+   Mea au aˈe te faufaa haihai e te parau-tia+I te rahi o te moni ohipa e te parau-tia ore.+   Ia faaineine noa ˈtu te hoê taata i to ˈna tere i roto i to ˈna aau,Na Iehova e aratai i to ˈna mau taahiraa avae.+ 10  Ei nia i te utu o te hoê arii te faaotiraa a te Atua.+Eiaha roa oia ia haava ma te parau-tia ore.+ 11  No ǒ mai te tapao faito tia e te faito tia ia Iehova.Na ˈna i hamani i te mau ofai faito atoa i roto i te pute.+ 12  Mea hae na te arii te ohipa ino,+E mau papu hoi te terono i te parau-tia.+ 13  Mea au na te arii te mau faahitiraa parau-tia. Mea au roa na ˈna te taata e paraparau ma te haavare ore.+ 14  E au te riri rahi o te arii i te hoê taata tonohia no te haapohe,+E tamǎrû* râ te hoê taata feruriraa paari i te reira.+ 15  E oraraa oaoa to te taata ta te arii i farii maitai.E au ta ˈna farii maitai i te hoê ata ûa i te tau uaaraa tiare.+ 16  Mea au roa ˈˈe ia noaa mai te paari i te auro!+ Mea maitai aˈe ia noaa mai te maramarama i te ario.+ 17  E ape te purumu rahi o te taata afaro i te mea ino. Te taata atoa e haapao maitai i to ˈna eˈa, e faaherehere ïa i to ˈna ora.*+ 18  Hou te ati, o te teoteo ïa,E na mua te manaˈo faateitei i te turoriraa.+ 19  Mea maitai aˈe ia riro ei taata haehaa* i rotopu i te feia mǎrû+I te fanaˈo i te hoê tuhaa o te taoˈa haruhia a te faahua. 20  E manuïa* te taata tei faaite i te haroˈaroˈa i roto i te tahi tupuraa,E e oaoa te taata e tiaturi ra ia Iehova. 21  E parauhia te taata aau paari e taata maramarama,+E e tiaturi-rahi-hia te parau a te taata e parau hamani maitai ta ˈna.*+ 22  E puna ora te haroˈaroˈa no te feia e fatu ra i te reira,E aˈohia râ te maamaa e to ratou iho maamaa. 23  E horoa te aau o te taata feruriraa paari i te haroˈaroˈa i to ˈna vaha+E e tiaturi-rahi-hia ta ˈna parau. 24  E topata meri te mau parau au maitai,Mea monamona no te taata* e e rapaauraa no te ivi.+ 25  Te vai ra te tahi eˈa mea maitai i te manaˈo o te hoê taata,I te hopea râ, e aratai te reira i te pohe.+ 26  No te hiaai o te rave ohipa e rave ai oia i te ohipa rohirohi,No to ˈna hoi poia* e rohi ai oia.+ 27  E paheru te taata faufaa ore i te mea ino.+E au ta ˈna mau parau i te auahi ura.+ 28  E faaamahamaha te taata faahuehue,*+E e taa roa te mau hoa piri i te taata pari haavare.+ 29  E râmâ te taata haavî uˈana i to ˈna taata tupuA aratai atu ai ia ˈna i nia i te eˈa ino. 30  E amo oia i te mata ia opua oia e rave i te ino. E hohoni oia i to ˈna utu ia rave oia i te ino. 31  E hei upoo nehenehe* te hinahina+Tei nia anaˈe te reira i te eˈa o te parau-tia.+ 32  Mea maitai aˈe te taata e ore e riri oioi+ i te taata puai,E te taata e haavî i to ˈna riri* i te taata o te haru i te hoê oire.+ 33  E tuuhia te kelero i roto i te opiraa o te ahu,+No ǒ mai râ ia Iehova te mau mea atoa tei faaotihia i te reira.+

Nota i raro i te api

Heb: “Tei te taata ra te mau faanahoraa o to ˈna aau.”
Aore ra “te pahonoraa tano.” Heb: “te pahonoraa a te arero.”
Heb: “viivii ore.”
Hebera rua. Hiˈo i te titionare.
Heb: “E rima e tapea ra i te rima.”
Aore ra “ape.”
Hebera nephe. Hiˈo i te titionare.
Heb: “manaˈo haehaa.”
Heb: “maitaihia.”
Aore ra “e parau au maitai ta ˈna.” Heb: “te mǎrû o te utu.”
Aore ra “ia tamata.”
Heb: “vaha.”
Aore ra “opuaraa ino.”
Aore ra “hanahana.”
Heb: “e faatere i to ˈna feruriraa.”