Maseli 15:1-33

  • E faaore te pahonoraa mǎrû i te riri rahi (1)

  • Tei te mau vahi atoa to Iehova mata (3)

  • Mea au na te Atua te pure a te feia afaro (8)

  • E ore te mau opuaraa e tupu ia ore ia anihia te manaˈo (22)

  • Feruriruri hou a pahono ai (28)

15  E faaore te pahonoraa mǎrû* i te riri rahi,+Area te parau etaeta,* e faatupu ïa i te riri.+   E faaohipa maitai te arero o te feia feruriraa paari i te ite,+Area te vaha o te feia maamaa, e puhara ïa i te parau maamaa.   Tei te mau vahi atoa to Iehova mata,A hiˈo ai i te feia ino e te feia maitai atoa.+   E tumu raau o te ora te arero hau,*+Area te parau piˈo, e faatupu ïa i te hepohepo.*   Eita te taata maamaa e faatura i te aˈo a to ˈna metua tane,+Area te taata feruriraa haroˈaroˈa, e farii ïa ia faatitiaifarohia* oia.+   Mea rahi te taoˈa i roto i te fare o te taata parau-tia,Area te faahopearaa o te ohipa a te taata ino, e fifi ïa.+   E haaparare utu o te feia feruriraa paari i te ite,+Area te aau o te feia maamaa, eita ïa.+   Mea hae na Iehova te tusia a te feia ino,+Area te pure a te feia afaro, mea au ïa na ˈna.+   Mea hae na Iehova te haerea o te taata ino,+Area te taata e tapi ra i teparau-tia, mea here ïa na ˈna.+ 10  Mea ino* te aˈo i te hiˈoraa a te taata o te faarue i te eˈa maitai.+Te taata atoa mea hae na ratou ia faaitehia ta ratou hapa, e pohe ïa.+ 11  Ua ite Iehova o vai to roto i te Apoo* e te vahi haamouraa,*+ Hau atu â ïa eaha to roto i te aau o te taata!+ 12  Eita te taata faaooo e au i te taata e faatitiaifaro* ia ˈna.+ Eita oia e ani i te aˈoraa a te taata feruriraa paari.+ 13  E faatupu te aau oaoa i te mata ataata,Area te aau oto, e faatoaruaru ïa i te feruriraa.*+ 14  E imi te aau maramarama i te ite,+Area te vaha o te feia maamaa, e au* ïa i te parau maamaa.+ 15  Mea ino anaˈe te mau mahana o te taata hepohepo,+Area te taata e aau oaoa* to ˈna, e tamaaraa noa ïa ta ˈna.+ 16  Mea au aˈe te faufaa haihai ma te mǎtaˈu ia Iehova+I te faufaa rahi e te haapeapearaa.*+ 17  Mea au aˈe ia amu i te maa tupu te vai ra anaˈe te here+I te puaatoro haaporiahia* te vai ra anaˈe te hae.+ 18  E faatupu te taata iria i te mârôraa,+Area te taata o te ore e riri oioi, e tamǎrû ïa i te tatamaˈiraa.+ 19  E au te eˈa o te taata faatau i te hoê anairaa raau taratara,+Area te eˈa o te taata afaro, e au ïa i te purumu rahi tei haamaninahia.+ 20  E faaoaoa te tamaiti feruriraa paari i to ˈna metua tane,+Area te taata maamaa, e vahavaha ïa i to ˈna metua vahine.+ 21  E oaoaraa te maamaa no te taata e ere ra i te haroˈaroˈa,*+Area te taata haroˈaroˈa, e haere afaro noa ïa i mua ia ˈna.+ 22  E ore te mau opuaraa e tupu ia ore ia anihia te manaˈo,*E tupu râ te reira mea rahi anaˈe te taata aˈo.+ 23  E oaoa te hoê taata i te horoa i te pahonoraa tano,*+E te hoê parau e faahitihia i te taime tano, auê te au e!+ 24  Tei nia te taata feruriraa haroˈaroˈa i te eˈa o te ora, e tae atu ai i nia,+A ape atu ai oia i te Apoo* i raro.+ 25  E vavahi Iehova i te fare o te taata teoteo,+E faaherehere râ oia i te otia fenua o te vahine ivi.+ 26  Mea hae na Iehova te mau opuaraa a te taata ino,+Area te mau parau au maitai, mea viivii ore ïa no ˈna.+ 27  Te taata o te imi i te apî i te ohipa taviri, e faatae mai ïa i te fifi* i nia i to ˈna iho utuafare,+Area te taata mea hae na ˈna te peta, e ora noa ïa.+ 28  Te aau o te taata parau-tia, e feruriruri ïa hou a pahono ai,*+Area te vaha o te feia ino, e puhara ïa i te mea ino. 29  Tei te atea ê Iehova i te feia ino,Area te pure a te feia parau-tia, e faaroo ïa oia.+ 30  E oaoa te aau i te mata oaoa.*E etaeta* te ivi i te parau apî oaoa.+ 31  Te taata o te faaroo i te faaiteraa hapa o te horoa mai i te ora,Tei rotopu ïa oia i te feia feruriraa paari.+ 32  Te taata atoa o te patoi i te aˈo, te haafaufaa ore ra ïa i to ratou ora,*+Area te taata atoa o te faaroo ia faaitehia mai ta ratou hapa, e noaa ïa ia ratou te maramarama.*+ 33  E haapii mai te mǎtaˈu ia Iehova i te paari,+E i te haehaa e noaa ˈi te hanahana.+

Nota i raro i te api

Aore ra “hamani maitai.”
Aore ra “mauiui.”
Aore ra “te arero o te rapaau.”
Heb: “e haaperehu ïa i te varua.” Hebera rua. Hiˈo i te titionare.
Aore ra “tamaˈihia.”
Aore ra “etaeta.”
Aore ra “Hade,” oia hoi te menema o te huitaata. Hiˈo i te titionare.
Aore ra “e ia Abadona.”
Aore ra “tamaˈi.”
Hebera rua. Hiˈo i te titionare.
Aore ra “tapi.”
Aore ra “maitai.”
Aore ra “ahoaho.”
Heb: “faaamuhia i te fare vairaa animara.”
Heb: “aau.”
Aore ra “aita anaˈe e aparauraa.”
Heb: “i te pahonoraa a to ˈna vaha.”
Aore ra “Hade,” oia hoi te menema o te huitaata. Hiˈo i te titionare.
Aore ra “haama.”
Aore ra “e feruri maitai ïa e nafea ia pahono,” “e feruri ïa hou a paraparau ai.”
Aore ra “mata ataata.”
Heb: “E miihia.”
Hebera nephe. Hiˈo i te titionare.
Heb: “aau.”