Maseli 4:1-27
4 A faaroo, ta ˈu mau tamaiti, i te aˈo a te hoê metua tane.+A haapao maite ia noaa mai te maramarama,
2 E aˈoraa maitai hoi ta ˈu e horoa ˈtu.Eiaha e faarue i ta ˈu haapiiraa.*+
3 E tamaiti maitai na vau na to ˈu metua tane+E tei here-roa-hia e to ˈu metua vahine.+
4 I haapii na oia ia ˈu e i parau na: “Ia tapea maite to aau i ta ˈu mau parau.+
A haapao i ta ˈu mau faaueraa e ia ora noa oe.+
5 Ia noaa mai ia oe te paari, ia noaa mai ia oe te maramarama.+
Eiaha e haamoˈe, e eiaha e fariu ê i ta ˈu parau.
6 Eiaha e faarue i te reira, e na te reira e paruru ia oe.
A poihere i te reira, e na te reira e faaherehere ia oe.
7 O te paari te mea faufaa roa ˈˈe,+ ia noaa mai ïa ia oe te paari,E hau atu i te mau mea atoa e noaa mai ia oe, ia noaa atoa mai ia oe te maramarama.+
8 A haafaufaa i te reira, e na te reira e faateitei ia oe.+
E faahanahana te reira ia oe no te mea te tauahi ra oe i te reira.+
9 E tuu te reira i te tahi hei tiare nehenehe i nia i to oe upoo.E faaunauna te reira ia oe i te tahi hei upoo nehenehe mau.”
10 A faaroo, ta ˈu tamaiti, e a farii i ta ˈu mau parau,E rahi ïa te mau matahiti o to oe oraraa.+
11 E haapii au ia oe i te eˈa o te paari.+E aratai au ia oe na te mau eˈa o te afaro.+
12 Ia haere oe, eita to oe mau taahiraa e haafifihia,E ia horo oe, eita oe e turori.
13 A tapea maite i te aˈo, eiaha e tuu.+
A faaherehere i te reira, o to oe ïa ora.+
14 Eiaha e na nia i te eˈa o te feia ino,Eiaha atoa e haere na te eˈa o te feia ohipa ino.+
15 A ape i te reira, eiaha e haere na reira.+A fariu ê atu, a haere noa eiaha e tapea.+
16 Eita hoi e haere ia ratou ia taoto aita â anaˈe ratou i rave atura i te mea ino.
Eita to ratou taoto e topa aita â anaˈe te tahi taata i hiˈa ˈtura ia ratou.
17 E amu ratou i te maa o te ino,E e inu ratou i te uaina o te haavîraa uˈana.
18 E au râ te eˈa o te feia parau-tia i te maramarama anaana o te poipoiO te anaana noa ˈtu â e avatea noa ˈtu.+
19 E au te eˈa o te feia ino i te poiri.Aita ratou i ite na te aha e faaturori ia ratou.
20 Ta ˈu tamaiti, a haapao maite i ta ˈu mau parau.A faaroo maitai* i ta ˈu e parau atu.
21 Eiaha te reira ia moˈe i to mata.A vaiiho i te reira i te hohonuraa o to aau,+
22 E ora hoi te feia e ite mai i te reira+E e maitai to ratou tino taatoa.
23 Hau aˈe i te tahi atu mau mea atoa, a paruru i to oe aau,+Tei to oe hoi aau to oe ora.
24 A faaatea ê atu i te parau haavare,+E ia atea ê noa te parau haavarevare ia oe.
25 Ia hiˈo tia ˈtu to mata i mua,Oia mau, a tiatonu i mua ia oe.+
26 A haamanina* i te eˈa e na reira ˈi to avae i te haere,+E e riro to oe mau eˈa ei mea papu.
27 Eiaha e fariu i te pae atau e i te pae aui.+
Ia atea ê to avae i te mea ino.
Nota i raro i te api
^ Aore ra “ture.”
^ Heb: “fariu mai i to tariˈa.”
^ Huri-atoa-hia “feruri maitai.”
