கிறிஸ்தவர்களுக்கு அடையாளமே சிலுவைதான் என்று நிறைய பேர் நினைக்கிறார்கள். யெகோவாவின் சாட்சிகளாகிய நாங்கள் கிறிஸ்தவர்களாக இருந்தாலும், கடவுளை வணங்குவதற்கு சிலுவையைப் பயன்படுத்துவதில்லை. ஏன்?

 அதற்கு ஒரு காரணம், இயேசு சிலுவையில் அறைந்து கொல்லப்படவில்லை; மரக் கம்பத்தில் அறைந்து கொல்லப்பட்டார் என்றுதான் பைபிள் சொல்கிறது. அதுமட்டுமல்ல, “சிலை வழிபாட்டிலிருந்து விலகி ஓடுங்கள்” என்று கிறிஸ்தவர்களுக்கு பைபிள் கடுமையான எச்சரிப்பு கொடுக்கிறது. வணக்கத்தில் சிலுவையைப் பயன்படுத்தக் கூடாது என்பதை இது தெளிவாகக் காட்டுகிறது.—1 கொரிந்தியர் 10:14; 1 யோவான் 5:21.

 “நீங்கள் ஒருவர்மேல் ஒருவர் அன்பு காட்டினால், நீங்கள் என்னுடைய சீஷர்கள் என்று எல்லாரும் தெரிந்துகொள்வார்கள்” என்று இயேசு சொன்னதை யோசித்துப் பாருங்கள். (யோவான் 13:34, 35) இதன் மூலம், தன்னை உண்மையாகப் பின்பற்றுகிறவர்களுடைய அடையாளம் சிலுவையோ வேறு எந்த உருவமோ அல்ல, சுயநலமில்லாத அன்புதான் என்று இயேசு சுட்டிக்காட்டினார்.