1 Juan 1:1-10

1  Sinulatan mi kayo nipaakar ed salita a mangiiter na bilay, a wala la ed gapo, a nadngel mi, anengneng mi, inimano min maong tan abembenan mi,  (on, nipatnag so bilay, tan anengneng mi tan tatasian mi tan ipapakabat mi ed sikayo so bilay ya andi-anggaan a nanlapud Ama tan nipatnag ed sikami,)  tan ipapakabat mi met ed sikayo imay anengneng tan nadngel mi, ta pian makapikasakey kayo met ed sikami. Niarum ni, sayan pankakasakey tayo et pikakasakey ed Ama tan ed Anak ton si Jesu-Kristo.  Kanian insulat mi irayan bengatla pian manliket itayon maong.  Tan saya so mensahe a nadngel mi ed sikato tan ipapakabat mi ed sikayo, a say Dios et liwawa tan anggapon balot so kabilungetan ed sikato.  No ibaga tayon: “Mikakasakey itayo la ed sikato,” ingen ta manaakar itayo ni ed kabilungetan, mantitila tayo tan agtayo gagawaen so katuaan.  Balet, no manaakar itayo ed liwawa a singa sikato a walad liwawa, walaan itayo na pankakasakey, tan lilinisan itayo na dala nen Jesus ya Anak to ed amin a kasalanan.  No ibaga tayon: “Anggapoy kasalanan tayo,” papalikdoen tayoy inkasikatayo tan anggapo ed sikatayo so katuaan.  No ipatua tayo iray kasalanan tayo, sikatayoy perdonaen to tan linisan to ed amin ya ag-inkatunong lapud sikatoy matoor tan matunong. 10  No ibaga tayon: “Ag-itayo nankasalanan,” sikatoy gagawaen tayon matila, tan anggapo ed sikatayo so salita to.

Paimanod leksab