AKPASUA 4
“I sɔ’n ti yɛ n bali-ɔ”
(Dɔ ng’ɔ di’n: 54:56)
Zezi yoli tukpacifuɛ’m be juejue, ɔ fuannin mmusu mun, yɛ ɔ kpɛli i akoto 12 mun. Sa nga be yili be nglo akpasua nga nun’n be yɛ:
Zezi kleli like Kapɛɛnaɔmun lɔ Ɲanmiɛn sulɛ sua’n nun; ɔ fuannin mmusu kun. (Marki 1:21-29; Liki 4:31-37)
Zezi yoli Piɛli i sia bla’n i juejue. (Liki 4:38, 39; Matie 8:14, 15; Marki 1:30, 31)
Zezi yoli sran kpanngban kpa ekun be juejue. (Liki 4:40, 41; Matie 8:16, 17; Marki 1:32-34)
Zezi ɔli lika diin kun nun ko srɛli Ɲanmiɛn. (Marki 1:35-38; Liki 4:42, 43)
Zezi boli jasin’n, ɔ kleli sran’m be like, yɛ ɔ yoli be juejue. (Matie 4:23-25; Marki 1:39)
Zezi yoli kokowefuɛ kun i juejue. (Marki 1:40-45; Matie 8:1-4; Liki 5:12-15)
Zezi kunndɛli lika diin kun naan ɔ́ srɛ́ Ɲanmiɛn. (Liki 5:16)
Zezi yoli bubuwafuɛ kun i juejue yɛ ɔ yacili i tɛ’n cɛli i Kapɛɛnaɔmun lɔ. (Marki 2:1-12; Matie 9:1-8; Liki 5:17-26)
Zezi seli Matie kɛ ɔ kaci i sɔnnzɔnfuɛ. (Marki 2:13, 14; Matie 9:9; Liki 5:27-28)
Zezi nin lapo defuɛ’m be dili like Matie i awlo lɔ. (Marki 2:15-17; Matie 9:10-13; Liki 5:29-32)
Be usali nglɛmun cilɛ’n i su ndɛ. (Matie 9:14-17; Liki 5:33-39; Marki 2:18-22)
Zezi boli jasin’n Zide lɔ Ɲanmiɛn sulɛ sua’m be nun. (Liki 4:44)
Zezi yoli bian kun i juejue Bɛtzata nzue gble’n i nuan. (Zan 5:1-9)
Zifu’m be usali bian nga be yoli i juejue’n i kosan. (Zan 5:10-13)
Zezi wunnin bian ng’ɔ yoli i juejue’n Ɲanmiɛn sua’n nun. (Zan 5:14, 15)
Zezi kannin kwlalɛ nga i Si fa mɛnnin i’n i ndɛ. (Zan 5:16-24)
Sɛ be nga ɔ ti kɛ b’a wu sa’n be tie Zezi i aniɛn’n, bé ɲán nguan. (Zan 5:25-27)
Be nga be o ndia’m be nun’n, bé wá cɛ́n. (Zan 5:28-30)
Zan Batɛmun yofuɛ’n nin ninnge nga Zezi yoli be’n nin Siɛ’n ɔ nin Ɲanmiɛn Ndɛ’n be kwlaa be di Zezi i ti lalo. (Zan 5:31-47)
Zezi ti “Wunmiɛn-lolɛ-cɛn’n i Min.” (Marki 2:23-28; Matie 12:1-8; Liki 6:1-5)
Zezi yoli bian kun mɔ i sa ti wuwa’n i juejue Wunmiɛn-lolɛ-cɛn’n nun. (Liki 6:6-11; Matie 12:9-14; Marki 3:1-6)
Sran kpanngban be yiali jenvie nuan; Zezi ti Ɲanmiɛn i sufuɛ m’ɔ ti i awlɛn su sran’n; ɔ yoli sran kpanngban be juejue (Marki 3:7-12; Matie 12:15-21)
Zezi kpɛli i akoto 12 mun. (Liki 6:12-16; Marki 3:13-19a)
