အခန်း ရှစ်
စိတ်ပျက်ခဲ့ရပေမဲ့ သူ ခံနိုင်ရည်ရှိ
၁။ ရှိလောမြို့က လူအားလုံး ဘာကြောင့် ဝမ်းနည်းပူဆွေး နေကြသလဲ။
ရှမွေလဟာ ရှိလောမြို့သားတွေလိုပဲ ဝမ်းနည်းပူဆွေး နေပါလိမ့်မယ်။ အမျိုးသမီးတွေ၊ ကလေးတွေဟာ အိမ်ပြန်မလာနိုင်တော့တဲ့ ဖခင်တွေ၊ ခင်ပွန်းတွေ၊ သားတွေ၊ အစ်ကိုတွေ၊ မောင်တွေရဲ့ သတင်းဆိုးကြောင့် ဝမ်းနည်းပူဆွေးပြီး ငိုယိုနေကြတယ်။ ဘာကြောင့်လဲ။ ဖိလိတိလူတွေနဲ့ တိုက်ခဲ့တဲ့ စစ်ပွဲမှာ အစ္စရေးစစ်သား ၄,၀၀၀ ကျဆုံးခဲ့တာ သိပ်မကြာသေးဘူး။ အခုလည်း စစ်သား ၃၀,၀၀၀ လောက် ထပ်ကျဆုံးပြန်ပြီ။—၁ ရှ. ၄:၁၊ ၂၊ ၁၀။
၂၊ ၃။ ဘယ်အဖြစ်ဆိုးတွေက ရှိလောမြို့အပေါ် ရှက်စရာ၊ ဂုဏ်ကျက်သရေ ဆုံးရှုံးစရာ ဖြစ်စေခဲ့သလဲ။
၂ အဲဒါက အဖြစ်ဆိုးတွေ အများကြီးထဲက တစ်ခုပဲ ရှိသေးတယ်။ ပုရောဟိတ်မင်း ဧလိရဲ့ သားဆိုး နှစ်ယောက် ဟောဖနိနဲ့ ဖိနဟတ်တို့ဟာ ပဋိညာဉ်သေတ္တာကို ရှိလောမြို့ကနေ စစ်မြေပြင်ဆီ သယ်သွားကြတယ်။ တဲတော်ရဲ့ အသန့်ရှင်းဆုံး အခန်းထဲမှာ ထားနေကျ သေတ္တာတော်ဟာ ဘုရားသခင် ရှိနေတယ်ဆိုတာကို တင်စားတယ်။ အစ္စရေးတွေက အဲဒီသေတ္တာတော်ကို စစ်နိုင်ဖို့ အဆောင်လက်ဖွဲ့အနေနဲ့ ရှေ့တန်းကို မိုက်မိုက်မဲမဲ သယ်သွားကြတယ်။ ဒါပေမဲ့ သူတို့ ထင်သလိုမဖြစ်ဘဲ ဖိလိတိလူတွေက သေတ္တာတော်ကို သိမ်းယူသွားပြီး ဟောဖနိနဲ့ ဖိနဟတ်တို့ကို သတ်ပစ်လိုက်ကြတယ်။—၁ ရှ. ၄:၃-၁၁။
၃ ရှိလောမြို့က ဝတ်ပြုရာတဲတော်မှာ သေတ္တာတော်ရှိနေလို့ ဂုဏ်ယူခဲ့တာ ရာစုနှစ်ချီ ရှိခဲ့ပြီ။ အခုတော့ သေတ္တာတော် မရှိတော့ဘူး။ အဲဒီသတင်းကိုလည်းကြားရော အသက် ၉၈ နှစ်ရှိတဲ့ ဧလိဟာ ခုံပေါ်ကနေ နောက်ပြန်လှန်ကျပြီး သေဆုံးသွားတယ်။ အဲဒီနေ့မှာပဲ မုဆိုးမဖြစ်သွားတဲ့ သူ့ရဲ့ချွေးမလည်း ကလေးမွေးရင်း သေဆုံးသွားရှာတယ်။ သူမသေခင်မှာ “အစ္စရေးတို့ရဲ့ ဘုန်းအသရေဟာ တိုင်းတစ်ပါးကို ပါသွားပြီ” လို့ပြောခဲ့တယ်။ သူပြောတဲ့အတိုင်းပဲ ရှိလောမြို့ရဲ့ အခြေအနေဟာ အကြီးအကျယ် ပြောင်းလဲသွားတယ်။—၁ ရှ. ၄:၁၂-၂၂။
၄။ ဒီအခန်းမှာ ဘယ်အကြောင်းကို ဆွေးနွေးမလဲ။
၄ ဒီလိုစိတ်ပျက်စရာ အခြေအနေတွေကို ရှမွေလ ဘယ်လို ခံရပ်နိုင်မလဲ။ ယေဟောဝါဘုရားရဲ့ ကာကွယ်မှုနဲ့ မျက်နှာသာတော်ကို ဆုံးရှုံးလိုက်ရတဲ့ လူတွေကို ကူညီပေးဖို့ သူ့ရဲ့ ယုံကြည်ခြင်းက တောင့်ခံနိုင်ပါ့မလား။ ကျွန်တော်တို့ အားလုံးလည်း အခက်အခဲတွေ၊ စိတ်ပျက်စရာတွေကြောင့် ယုံကြည်ခြင်း စမ်းသပ်ခံရနိုင်တယ်။ ဒါကြောင့် ရှမွေလဆီကနေ ဘာတွေ ထပ်သင်ယူနိုင်မလဲဆိုတာ ကြည့်ကြစို့။
“ဖြောင့်မတ်ခြင်း ဆောင်ကြဉ်းပေးခဲ့”
၅၊ ၆။ အနှစ် ၂၀ ကာလအကြောင်း ကျမ်းစာမှတ်တမ်းက ဘာကို အာရုံစိုက် ဖော်ပြသလဲ။ အဲဒီအတောအတွင်း ရှမွေလ ဘာတွေ လုပ်နေသလဲ။
၅ ကျမ်းစာမှတ်တမ်းက ရှမွေလအကြောင်းကို ဒီမှာရပ်ထားပြီး ပဋိညာဉ်သေတ္တာတော်အကြောင်း ဆက်ဖော်ပြတယ်။ သေတ္တာတော်ကို ယူသွားမိလို့ ဖိလိတိလူတွေ ဒဏ်ခတ်ခံရပြီး ဘာကြောင့် ပြန်ပေးကြရတဲ့အကြောင်း ဖော်ပြတယ်။ ရှမွေလအကြောင်းကို နောက်အနှစ် ၂၀ လောက်ကြာမှ ကျမ်းစာက ပြန်ဖော်ပြတယ်။ (၁ ရှ. ၇:၂) အဲဒီနှစ်တွေအတွင်း သူ ဘာတွေလုပ်နေသလဲ။ ကျမ်းစာမှာ ဖော်ပြထားပါတယ်။
၆ အဲဒီနှစ်တွေ မတိုင်ခင် “ရှမွေလက အစ္စရေးတွေကို ဘုရားရဲ့စကားတော်တွေ ပြန်ပြောပြ” နေတယ်လို့ ကျမ်းစာမှာ ဖော်ပြထားတယ်။ (၁ ရှ. ၄:၁) ရှမွေလဟာ အစ္စရေးမြို့ သုံးမြို့ကို နှစ်တိုင်း လည်ပတ်ပြီး အငြင်းပွားမှုတွေ၊ ပြဿနာတွေကို ဖြေရှင်းပေးတယ်။ အဲဒီနောက် သူ့ရဲ့ဇာတိမြို့ဖြစ်တဲ့ ရာမမြို့ကို ပြန်လာလေ့ရှိတယ်လို့ မှတ်တမ်းက ဖော်ပြတယ်။ (၁ ရှ. ၇:၁၅-၁၇) ရှမွေလဟာ အမြဲတမ်း အလုပ်များနေတဲ့သူ ဖြစ်တယ်။ အဲဒီအနှစ် ၂၀ အတွင်း သူ့မှာ လုပ်စရာတွေ အများကြီးရှိတာ သေချာတယ်။
ကျမ်းစာက ရှမွေလရဲ့ အသက်တာ အနှစ် ၂၀ လောက်ကို မဖော်ပြပေမဲ့ အဲဒီအတောအတွင်း ယေဟောဝါဘုရားရဲ့အမှုတော်မှာ သူ အလုပ်များနေမယ်ဆိုတာ သေချာတယ်
၇၊ ၈။ (က) အနှစ် ၂၀ ကြိုးစားအလုပ်လုပ်ပြီးတဲ့နောက် လူတွေကို ရှမွေလ ဘာပြောခဲ့သလဲ။ (ခ) ရှမွေလရဲ့ အာမခံချက်ကို လူတွေ ဘယ်လို တုံ့ပြန်ခဲ့သလဲ။
၇ ဧလိရဲ့သားတွေဟာ လိင်အကျင့်ယိုယွင်းပြီး အကျင့်ပျက်ခဲ့တဲ့အတွက် လူတွေရဲ့ ယုံကြည်ခြင်းလည်း တဖြည်းဖြည်း လျော့နည်းလာတယ်။ အဲဒါကြောင့် လူအတော်များများက ရုပ်တုတွေကို ကိုးကွယ်လာကြပုံရတယ်။ ဒါပေမဲ့ အနှစ် ၂၀ ကြိုးစားအလုပ်လုပ်ပြီးနောက် လူတွေကို ရှမွေလ ဒီသတင်းကို ပေးခဲ့တယ်– “ယေဟောဝါဘုရားဆီ စိတ်စွမ်းရှိသမျှနဲ့ ပြန်လာချင်တယ်ဆိုရင် တိုင်းတစ်ပါးဘုရားတွေ၊ အာရှတရက် ရုပ်တုတွေကို ဖယ်ရှားလိုက်ပါ။ ယေဟောဝါဆီမှာပဲ စိတ်ပုံအပ်ထားပါ၊ စိတ်မယိုင်ကြနဲ့။ ကိုယ်တော်တစ်ပါးတည်းကိုပဲ ဝတ်ပြုပါ။ ဒါဆိုရင် ဖိလိတိလူတွေလက်ကနေ ကယ်တင်လိမ့်မယ်။”—၁ ရှ. ၇:၃။
၈ “ဖိလိတိလူတွေလက်” ကြောင့် အစ္စရေးလူတွေဟာ အကြီးအကျယ် ဒုက္ခရောက်နေကြတယ်။ အစ္စရေးစစ်တပ် မရှုမလှ ရှုံးနိမ့်သွားတဲ့အတွက် ဖိလိတိလူတွေဟာ ဒဏ်ခတ်မခံရဘဲ ဘုရားရဲ့ လူမျိုးကို နှိပ်စက်နိုင်ပြီလို့ ထင်နေကြတယ်။ ဒါပေမဲ့ အစ္စရေးလူတွေ ယေဟောဝါဘုရားဆီ ပြန်လှည့်လာရင် အခြေအနေတွေ ပြောင်းလဲသွားမယ်လို့ ရှမွေလ အာမခံခဲ့တယ်။ သူတို့ ပြန်လှည့်လာချင်ကြပါသလား။ သူတို့ဟာ ရုပ်တုတွေကို ဖယ်ရှားပြီး “ယေဟောဝါ တစ်ပါးတည်းကိုပဲ ဝတ်ပြုကြတော့” တဲ့အတွက် ရှမွေလ အားရကျေနပ်ခဲ့တယ်။ ဒါနဲ့ ဂျေရုဆလင်မြောက်ဘက်က တောင်တန်းထူထပ်တဲ့ မိဇပါမြို့မှာ စုဝေးဖို့ လူတွေကို ရှမွေလ မှာလိုက်တယ်။ လူတွေ စုဝေးလာပြီး အစာရှောင်ကြတယ်၊ ရုပ်တုကိုးကွယ်တဲ့ သူတို့ရဲ့ အပြစ်တွေအတွက် နောင်တယူခဲ့ကြတယ်။—၁ ရှမွေလ ၇:၄-၆ ကိုဖတ်ပါ။
ယေဟောဝါဘုရားရဲ့ လူတွေ နောင်တရပြီး စုဝေးနေတဲ့အချိန်က သူတို့ကို တိုက်ခိုက်ဖို့ အခွင့်ကောင်းပဲလို့ ဖိလိတိလူတွေ ထင်ခဲ့
၉။ ဖိလိတိလူတွေ ဘာအခွင့်ကောင်းကို မြင်ခဲ့သလဲ။ အန္တရာယ် ကျရောက်လာတဲ့အခါ ဘုရားလူမျိုး ဘာလုပ်ခဲ့ကြသလဲ။
၉ ဒါပေမဲ့ အဲဒီလို စုဝေးနေတဲ့အကြောင်း ဖိလိတိလူတွေ သိသွားပြီး အစ္စရေးလူတွေကို ၁ ရှ. ၇:၇-၁၀။
တိုက်ခိုက်ဖို့ အခွင့်ကောင်းပဲလို့ ယူဆခဲ့ကြတယ်။ ယေဟောဝါကို ကိုးကွယ်သူ အစ္စရေးလူတွေကို ချေမှုန်းဖို့ မိဇပါမြို့ကို စစ်တပ်လွှတ်လိုက်တယ်။ ဖိလိတိစစ်တပ် လာနေတဲ့သတင်းကို အစ္စရေးလူတွေ ကြားတဲ့အခါ ထိတ်လန့်သွားပြီး သူတို့အတွက် ဆုတောင်းပေးဖို့ ရှမွေလကို တောင်းဆိုခဲ့ကြတယ်။ ဒါနဲ့ ရှမွေလက ဆုတောင်းပေးတဲ့အပြင် ပူဇော်သက္ကာ ဆက်သပေးခဲ့တယ်။ အဲဒီလို ပူဇော်နေတဲ့အချိန်မှာပဲ ဖိလိတိစစ်တပ်က မိဇပါမြို့ကို တိုက်ခိုက်ဖို့ ရောက်လာတယ်။ အဲဒီအခါ ရှမွေလရဲ့ ဆုတောင်းချက်ကို ယေဟောဝါဘုရား အဖြေပေးခဲ့တယ်။ ယေဟောဝါဟာ ဒေါသထွက်ပြီး “အကြီးအကျယ် မိုးခြိမ်းစေတဲ့အတွက် ဖိလိတိလူတွေ ကစဉ့်ကလျားဖြစ်ကုန်ပြီး စစ်ရှုံးသွားတယ်” လို့ မှတ်တမ်းက ဆိုတယ်။—၁၀၊ ၁၁။ (က) ယေဟောဝါဘုရားဖြစ်ပေါ်စေခဲ့တဲ့ မိုးခြိမ်းသံက ထူးခြားတယ်လို့ ဘာကြောင့် ပြောနိုင်သလဲ။ (ခ) မိဇပါမြို့ကနေ စတိုက်ခဲ့တဲ့ စစ်ပွဲကြောင့် ဘာတွေ ဖြစ်ပျက်ခဲ့သလဲ။
၁၀ ကျယ်လောင်တဲ့ မိုးခြိမ်းသံကြောင့် ဖိလိတိလူတွေဟာ ကလေးတွေလို ပြေးပုန်းမယ်လို့ ထင်သလား။ ဒီလူတွေဟာ သန်မာထွားကျိုင်းပြီး စစ်ရည်ဝနေတဲ့ စစ်သားတွေပါ။ ဒါကြောင့် အဲဒီမိုးခြိမ်းသံက သူတို့ကြားဖူးတဲ့ မိုးခြိမ်းသံနဲ့ လုံးဝမတူတာ ဖြစ်ရမယ်။ မိုးခြိမ်းသံက ကျယ်လွန်းလို့လား။ အဲဒီအသံက တိမ်ကင်းစင်တဲ့ ကောင်းကင်ကနေ ထွက်လာတာလား။ ဒါမှမဟုတ် ပတ်ပတ်လည်မှာရှိတဲ့ တောင်စောင်းတွေကနေ ပဲ့တင်ထပ်ပြီး ထွက်ပေါ်လာတာလား။ ဘာပဲဖြစ်ဖြစ် အဲဒီအသံကြီးကြောင့် ဖိလိတိလူတွေဟာ အရမ်းကြောက်သွားကြတယ်။ အလန့်တကြားဖြစ်သွားလို့ တိုက်မယ်ခိုက်မယ်ဆိုတဲ့ သူတို့ရဲ့ အကြံအစည်က ချက်ချင်းပဲ ပြောင်းလဲသွားတယ်။ ဒီတော့ အစ္စရေးအမျိုးသားတွေဟာ မိဇပါမြို့ကနေ ထွက်လာကြပြီး ဖိလိတိလူတွေကို ဂျေရုဆလင်မြို့ အနောက်တောင်ဘက်၊ အတော်ဝေးဝေးအထိ လိုက်တိုက်ခိုက်ခဲ့ကြတယ်။—၁ ရှ. ၇:၁၁။
၁၁ အဲဒီစစ်ပွဲဟာ ဘုရားသခင့်လူမျိုးတော်အတွက် သိပ်အရေးပါတဲ့ အပြောင်းအလဲတစ်ခု ဖြစ်ခဲ့ပါတယ်။ တရားသူကြီးအဖြစ် ရှမွေလ အုပ်ချုပ်တဲ့ နောက်ပိုင်းနှစ်တွေမှာ ဖိလိတိလူတွေဟာ ဆက်တိုက် တပ်ဆုတ်ခဲ့ကြရတယ်။ သူတို့ သိမ်းယူထားတဲ့မြို့ တစ်မြို့ပြီးတစ်မြို့ အစ္စရေးလူတွေလက်ထဲ ပြန်ရောက်လာတယ်။—၁ ရှ. ၇:၁၃၊ ၁၄။
၁၂။ ရှမွေလဟာ “ဖြောင့်မတ်ခြင်း ဆောင်ကြဉ်းပေးခဲ့တယ်” ဆိုတဲ့ အဓိပ္ပာယ်က ဘာလဲ။ ဘယ်အရည်အသွေးတွေက သူ့ကို ဆက်အောင်မြင်စေခဲ့သလဲ။
၁၂ ရာစုနှစ်အတော်ကြာပြီးနောက် တမန်တော်ပေါလုက “ဖြောင့်မတ်ခြင်း ဆောင်ကြဉ်းပေးခဲ့” ကြတဲ့ တရားသူကြီးတွေနဲ့ ပရောဖက်တွေ စာရင်းထဲမှာ ရှမွေလကို ထည့်သွင်းဖော်ပြတယ်။ (ဟီ. ၁၁:၃၂၊ ၃၃) ရှမွေလဟာ ဘုရားရှေ့မှာ မှန်ရာကို လုပ်ဆောင်ခဲ့သလို တခြားသူတွေကိုလည်း အဲဒီအတိုင်းလုပ်ဖို့ အားပေးခဲ့တယ်။ သူ့မှာ စိတ်ပျက်စရာတွေ ရှိပေမဲ့ ကိုယ့်တာဝန်ကို သစ္စာရှိရှိ ထမ်းဆောင်ရင်း ယေဟောဝါဘုရားကို စိတ်ရှည်ရှည် စောင့်ဆိုင်းခဲ့တယ်။ ဒီလိုနည်းနဲ့ ဖြောင့်မတ်ခြင်းတရားကို ဆက်ကျင့်သုံးနိုင်ခဲ့တယ်။ ဒါ့အပြင် သူ့မှာ ကျေးဇူးတင် လေးမြတ်တတ်စိတ် ရှိတယ်။ မိဇပါမြို့မှာ အောင်ပွဲခံပြီးတဲ့နောက် ယေဟောဝါဘုရား ကူညီပေးတာကို သတိရဖို့ အထိမ်းအမှတ်ကျောက်တိုင်တစ်ခု စိုက်ထူခဲ့တယ်။—၁ ရှ. ၇:၁၂။
၁၃။ (က) ရှမွေလကို အတုယူချင်တယ်ဆိုရင် ဘယ်အရည်အသွေးတွေကို မွေးမြူဖို့ လိုသလဲ။ (ခ) အရည်အသွေးကောင်းတွေကို ဘယ်အချိန်မှာ မွေးမြူတာက အကောင်းဆုံးဖြစ်သလဲ။
၁၃ သင်ကော “ဖြောင့်မတ်ခြင်း ဆောင်ကြဉ်းပေး” ချင်ပါသလား။ ဒီလိုဆိုရင် ရှမွေလရဲ့ စိတ်၁ ပေတရု ၅:၆ ကိုဖတ်ပါ။) အဲဒီအရည်အသွေးတွေ မွေးမြူဖို့ မလိုအပ်တဲ့သူ ဘယ်သူရှိသလဲ။ ရှမွေလဟာ အဲဒီအရည်အသွေးတွေကို ငယ်ငယ်ကတည်းက မွေးမြူခဲ့လို့ သူ့အတွက် အထောက်အကူ ဖြစ်ခဲ့တယ်။ ဘာကြောင့်လဲဆိုတော့ သူ အသက်ကြီးလာတဲ့အခါ ပိုစိတ်ပျက်စရာကောင်းတဲ့ အခြေအနေတွေကို ကြုံတွေ့ခဲ့ရလို့ပါပဲ။
ရှည်မှု၊ စိတ်နှိမ့်ချမှုနဲ့ ကျေးဇူးတင်လေးမြတ်မှုတို့ကို သင်ယူသင့်တယ်။ (“သခင့်သားတွေလည်း သခင့်လမ်းစဉ် မလိုက်ကြဘူး”
၁၄၊ ၁၅။ (က) ရှမွေလ “အသက်ကြီး” လာတဲ့အခါ ဘယ်လို အကြီးအကျယ် စိတ်ပျက်ခဲ့ရသလဲ။ (ခ) ရှမွေလဟာ ဧလိလို ရှုတ်ချပြစ်တင်ခံထိုက်တဲ့ ဖခင်လား။ ရှင်းပြပါ။
၁၄ ရှမွေလအကြောင်း နောက်တစ်ခါ ဖော်ပြချိန်မှာတော့ သူ “အသက်ကြီး” နေပြီ။ ဒီအချိန်မှာ သူ့သား ယောလနဲ့ အဘိယတို့လည်း အရွယ်ရောက်နေကြပြီ။ ဒါနဲ့ ရှမွေလက သူတရားစီရင်တဲ့အခါ ကူညီပေးဖို့ တာဝန်ပေးတယ်။ ဒါပေမဲ့ သူယုံစားမိတာ အကြီးအကျယ် မှားသွားတယ်။ ရှမွေလက ရိုးသားဖြောင့်မတ်သလောက် သူ့သားတွေကတော့ အခွင့်အရာကို အလွဲသုံးစားလုပ်ကြတယ်၊ တရားမျှတမှု မရှိတဲ့အပြင် လာဘ်စားကြတယ်။—၁ ရှ. ၈:၁-၃။
၁၅ တစ်နေ့ကျတော့ အစ္စရေးအကြီးအကဲတွေက သက်ကြီးရွယ်အို ရှမွေလဆီလာပြီး “သခင့်သားတွေလည်း သခင့်လမ်းစဉ် မလိုက်ကြဘူး” လို့ လာတိုင်ကြတယ်။ (၁ ရှ. ၈:၄၊ ၅) အဲဒါကို ရှမွေလ သိသလား။ မှတ်တမ်းမှာ မဖော်ပြထားဘူး။ ဒါပေမဲ့ ရှမွေလဟာ ဧလိလိုတော့ မဟုတ်ပါဘူး။ သူဟာ ရှုတ်ချပြစ်တင်ခံထိုက်တဲ့ ဖခင် မဟုတ်ခဲ့ဘူး။ ဧလိကျတော့ သူ့သားတွေ ဆိုးသွမ်းနေတာကို မဆုံးမတဲ့အပြင် ဘုရားသခင်ထက် သားတွေကို ပိုချီးမြှောက်တဲ့အတွက် ယေဟောဝါဘုရား က သူ့ကို အပြစ်ပေး ဆုံးမခဲ့ရတယ်။ (၁ ရှ. ၂:၂၇-၂၉) ရှမွေလဆီမှာတော့ အဲဒီလို အပြစ်တင်စရာ ယေဟောဝါဘုရား မတွေ့ခဲ့ဘူး။
၁၆။ ကလန်ကဆန်လုပ်တဲ့ သားသမီးတွေကြောင့် မိဘတွေ ဘယ်လိုခံစားရသလဲ။ မိဘတွေဟာ ရှမွေလရဲ့ စံနမူနာကနေ နှစ်သိမ့်မှုနဲ့ လမ်းညွှန်မှု ဘယ်လိုရနိုင်မလဲ။
၁၆ သားတွေ ဆိုးသွမ်းနေတာကို ရှမွေလ သိလိုက်ရတဲ့အခါ အရှက်ကွဲသွားတယ်၊ စိုးရိမ်ပူပန်ပြီး စိတ်ပျက်ခဲ့ရတယ်လို့ ကျမ်းစာမှတ်တမ်းမှာ မဖော်ပြထားဘူး။ ဒါပေမဲ့ ရှမွေလ ဘယ်လို ခံစားခဲ့ရမယ်ဆိုတာ ဒီနေ့ခေတ် မိဘတွေ ကောင်းကောင်း သိနားလည်ပါလိမ့်မယ်။ ဆိုးသွမ်းတဲ့ ဒီခေတ်မှာ မိဘရဲ့ အခွင့်အာဏာနဲ့ ဆုံးမမှုကို သားသမီးတွေ ကလန်ကဆန်လုပ်တာ နေရာတကာမှာ တွေ့နေရတယ်။ (၂ တိမောသေ ၃:၁-၅ ကိုဖတ်ပါ။) စိတ်သောကရောက်နေကြတဲ့ မိဘတွေဟာ ရှမွေလရဲ့ စံနမူနာကနေ နှစ်သိမ့်မှုနဲ့ လမ်းညွှန်မှု ရနိုင်တယ်။ သားတွေက သစ္စာမရှိကြပေမဲ့ ရှမွေလကတော့ ဆက်သစ္စာရှိခဲ့တယ်။ ပြောဆိုဆုံးမတာကို သားသမီးတွေ နားမထောင်ပေမဲ့ မိဘရဲ့ ပုံသက်သေက သူတို့တွေအတွက် စွဲမှတ်စရာ ဖြစ်ပါလိမ့်မယ်။ ပြီးတော့ မိဘတွေဟာ ရှမွေလ လုပ်ခဲ့တဲ့အတိုင်း ကောင်းကင်ဖခင် ယေဟောဝါရဲ့စိတ်တော်ကို ရွှင်လန်းအောင် လုပ်နိုင်တဲ့ အခွင့်အရေး အမြဲရှိပါတယ်။
“ကျွန်တော်တို့ကို အုပ်ချုပ်မယ့် ဘုရင်တစ်ပါး ခန့်အပ်ပေးပါ”
၁၇။ အစ္စရေး အကြီးအကဲတွေက ရှမွေလဆီမှာ ဘာကို မရမက တောင်းဆိုကြသလဲ။ ဒါကို ရှမွေလ ဘယ်လိုတုံ့ပြန်ခဲ့သလဲ။
၁၇ ရှမွေလရဲ့ သားတွေဟာ ကိုယ့်ရဲ့လောဘကြီးမှု၊ ကိုယ်ကျိုးရှာမှုက လူတွေကို ဘယ်လောက် ထိခိုက်မယ်ဆိုတာ မစဉ်းစားကြဘူး။ အစ္စရေး အကြီးအကဲတွေက “တခြားလူမျိုးတွေလို ကျွန်တော်တို့ကို အုပ်ချုပ်မယ့် ဘုရင်တစ်ပါး ခန့်အပ်ပေးပါ” လို့ ရှမွေလကို လာပြောကြတယ်။ ဒီလိုတောင်းဆိုတဲ့အတွက် အပယ်ခံလိုက်ရပြီလို့ ရှမွေလ ခံစားခဲ့ရသလား။ ယေဟောဝါဘုရားကိုယ်စား အစ္စရေးတွေကို တရားသူကြီးအနေနဲ့ ရှမွေလ အုပ်စိုးလာတာ ဆယ်စုနှစ်ချီ ရှိနေပြီ။ အခု သူတို့ဟာ ရှမွေလလို သာမန်ပရောဖက်တစ်ယောက် မဟုတ်ဘဲ သူတို့ကို တရားစီရင်ဖို့ ဘုရင်တစ်ပါး လိုချင်နေတယ်။ အိမ်နီးချင်းနိုင်ငံတွေမှာ ဘုရင်တွေ ရှိသလို အစ္စရေးတွေကလည်း ဘုရင်တစ်ပါး ရချင်နေတယ်။ အဲဒီအခါ ရှမွေလ ဘယ်လိုတုံ့ပြန်ခဲ့သလဲ။ အဲဒီကိစ္စကို ရှမွေလ “သဘောမကျ” ဘူးလို့ ကျမ်းစာမှာ ဖတ်ရတယ်။—၁ ရှ. ၈:၅၊ ၆။
၁၈။ ယေဟောဝါဘုရားက ရှမွေလကို ဘယ်လို နှစ်သိမ့်ပေးသလဲ။ အစ္စရေးတွေရဲ့ ကြီးလေးတဲ့အပြစ်ကို ဘယ်လို ဖော်ပြခဲ့သလဲ။
၁၈ ဒီကိစ္စကို ယေဟောဝါဘုရားဆီ ရှမွေလ ဆုတောင်းတင်ပြတဲ့အခါ ကိုယ်တော် ဒီလိုဖြေကြားခဲ့တယ်– “လူတွေ တောင်းဆိုတဲ့အတိုင်း လိုက်လျောပေးလိုက်ပါ။ တကယ်တော့ သူတို့က မင်းကိုငြင်းပယ်တာ မဟုတ်ဘူး။ ငါ့ကို ဘုရင်အဖြစ် လက်မခံဘဲ ငြင်းပယ်လိုက်တာ။” ဒီစကားတွေက ရှမွေလကို စိတ်သက်သာစေခဲ့ပါလိမ့်မယ်။ ဒါပေမဲ့ အစ္စရေးလူတွေက အနန္တတန်ခိုးရှင် ဘုရားသခင်ကို တကယ်စော်ကားနေကြတာပဲ။ အစ္စရေးတွေဟာ လူသားရှင်ဘုရင် တောင်းဆိုတဲ့အတွက် အကြီးအကျယ် ပေးဆပ်ရလိမ့်မယ်လို့ ရှမွေလကို ယေဟောဝါဘုရား သတိပေးခိုင်းတယ်။ ဘုရားသခင် ပြောခိုင်းတဲ့အတိုင်း ရှမွေလ ပြောပြတဲ့အခါ အစ္စရေးတွေက “ဘာပဲဖြစ်ဖြစ်၊ ကျွန်တော်တို့ကို အုပ်ချုပ်မယ့် ဘုရင်ရှိမှ ဖြစ်မယ်” ဆိုပြီး မရမက တောင်းဆိုကြတယ်။ ဘုရားသခင်ရဲ့စကား၁ ရှ. ၈:၇-၁၉။
ကို အမြဲနာခံတဲ့ ရှမွေလဟာ ဘုရားရွေးပေးတဲ့ ဘုရင်ကို ဘိသိက်ပေးလိုက်ပါတယ်။—၁၉၊ ၂၀။ (က) အစ္စရေးဘုရင်အဖြစ် ရှောလုကို ဘိသိက်ပေးဖို့ ယေဟောဝါဘုရားရဲ့ ညွှန်ကြားချက်ကို ရှမွေလ ဘယ်လို နာခံခဲ့သလဲ။ (ခ) ယေဟောဝါရဲ့ လူမျိုးကို ရှမွေလ ဘယ်လို ဆက်ကူညီပေးခဲ့သလဲ။
၁၉ ဒါပေမဲ့ ရှမွေလ ဘယ်လိုပုံစံမျိုးနဲ့ နာခံမှုပြခဲ့ပါသလဲ။ မကျေမနပ်နဲ့ ဝတ်ကျေတမ်းကျေ နာခံခဲ့ပါသလား။ စိတ်ပျက်သွားပြီး နာကြည်းတဲ့စိတ်တွေ ဝင်ခဲ့ပါသလား။ တခြားသူတွေသာဆိုရင် အဲဒီလို ဖြစ်သွားနိုင်ပေမဲ့ ရှမွေလကတော့ မဖြစ်ခဲ့ပါဘူး။ ရှောလုကို ဘိသိက်ပေးပြီး သူဟာ ယေဟောဝါဘုရားကိုယ်တိုင် ရွေးချယ်တဲ့သူပဲလို့ ရှမွေလ အသိအမှတ်ပြု ပြောဆိုခဲ့တယ်။ ဘုရင်အသစ် ရှောလုကို ကြိုဆိုပြီး လက်အောက်ခံတဲ့အနေနဲ့ သူ့ကို ရှမွေလ နမ်းခဲ့တယ်။ အဲဒီနောက် အစ္စရေးတွေကို ရှမွေလက “ဒီမှာကြည့်ကြ။ ယေဟောဝါဘုရား ရွေးချယ်တာ သူပဲ။ လူတွေထဲမှာ သူ့လိုလူ မရှိဘူး” ဆိုပြီး ပြောတယ်။—၁ ရှ. ၁၀:၁၊ ၂၄။
၂၀ ရှမွေလဟာ ယေဟောဝါရွေးချယ်ထားသူရဲ့ အမှားတွေကို မဟုတ်ဘဲ ကောင်းကွက်တွေကိုပဲ အာရုံစိုက်ခဲ့တယ်။ သူကိုယ်တိုင်လည်း စိတ်အပြောင်းအလဲမြန်တဲ့ လူတွေရဲ့ မျက်နှာသာရဖို့ထက် ဘုရားသခင်အပေါ် သစ္စာတည်ကြည်ဖို့ကိုပဲ အာရုံစိုက်ခဲ့တယ်။ (၁ ရှ. ၁၂:၁-၄) ရှမွေလဟာ သူရရှိထားတဲ့ တာဝန်ကို သစ္စာရှိရှိ ထမ်းဆောင်ဖို့ ကြိုးစားခဲ့တယ်။ ယေဟောဝါဘုရားနဲ့ ဆက်ဆံရေး ပျက်ပြားသွားနိုင်တဲ့ အန္တရာယ်တွေအကြောင်း အစ္စရေးတွေကို သတိပေးတယ်။ ယေဟောဝါဘုရားအပေါ် ဆက်သစ္စာရှိကြဖို့ အားပေးတိုက်တွန်းခဲ့တယ်။ ရှမွေလပြောတဲ့ ဆုံးမစကားတွေက အစ္စရေးတွေရဲ့ စိတ်နှလုံးကို ထိမိသွားလို့ သူတို့ကိုယ်စား ဘုရားသခင်ဆီ ဆုတောင်းပေးဖို့ တောင်းပန်ခဲ့ကြတယ်။ အဲဒီအခါ သူဒီလိုပြောခဲ့တာက မှတ်သားစရာပါပဲ– “ခင်ဗျားတို့အတွက် ကျွန်တော် ဆုမတောင်းပေးတော့ဘူးဆိုရင် ယေဟောဝါဘုရားကို ပြစ်မှားရာရောက်မှာပေါ့။ အဲဒီလို ပြစ်မှားဖို့ဆိုတာ စဉ်းတောင် မစဉ်းစားဝံ့ပါဘူး။ ကောင်းမွန်မှန်ကန်တဲ့ လမ်းကို ကျွန်တော် ဆက်ပြီး သွန်သင်ပေးဦးမှာပါ။”—၁ ရှ. ၁၂:၂၁-၂၄။
မနာလိုစိတ်၊ နာကြည်းစိတ်တွေ မရှိဖို့ ရှမွေလရဲ့ စံနမူနာက သတိပေး
၂၁။ အခွင့်အရေးတစ်ခုကို တခြားသူတစ်ယောက် ရသွားလို့ သင်စိတ်ပျက်ခဲ့ရတယ်ဆိုရင် ရှမွေလရဲ့ စံနမူနာက ဘယ်လို အကူအညီ ဖြစ်စေနိုင်သလဲ။
၂၁ အခွင့်အရေးတစ်ခုကို တခြားသူတစ်ယောက် ရသွားလို့ သင် စိတ်ပျက်ဖူးသလား။ မနာလိုဖြစ်တာ၊ စိတ်နာကြည်းတာမျိုး ဘယ်တော့မှ မဖြစ်ဖို့ ရှမွေလရဲ့ စံနမူနာက သတိပေးတယ်။ (ပညာအလိမ္မာ ၁၄:၃၀ ကိုဖတ်ပါ။) ဘုရားသခင်အပေါ်သစ္စာရှိတဲ့ ကျေးကျွန် တစ်ယောက်စီကို စိတ်ကျေနပ်အားရစေမယ့် အလုပ်တွေ ကိုယ်တော်ပေးနိုင်ပါတယ်။
“ရှောလုအတွက် မင်း ဘယ်လောက်ကြာကြာ ပူဆွေးနေမှာလဲ”
၂၂။ ရှမွေလဟာ ရှောလုရဲ့ ဘယ်ကောင်းကွက်တွေကို တွေ့မြင်ခဲ့သလဲ။
၂၂ ရှမွေလဟာ ရှောလုရဲ့ ကောင်းကွက်တွေကို တွေ့မြင်ခဲ့တယ်။ တွေ့လည်း တွေ့မြင်သင့်ပါတယ်။ ဘာကြောင့်လဲဆိုတော့ သူဟာ တကယ် ထူးခြားတဲ့သူဖြစ်လို့ပဲ။ အရပ်ရှည်ပြီး ခန့်ညားချောမောတဲ့ ရှောလုဟာ ရဲစွမ်းသတ္တိရှိတဲ့အပြင် လုပ်ရည်ကိုင်ရည်လည်း ရှိတယ်။ အစပိုင်းမှာ ကျိုးနွံမှုရှိတယ်၊ ဘဝင်လည်း မမြင့်ဘူး။ (၁ ရှ. ၁၀:၂၂၊ ၂၃၊ ၂၇) အဲဒီလို အရည်အသွေးကောင်းတွေ သူ့မှာ ရှိတဲ့အပြင် လွတ်လပ်စွာ ရွေးချယ်ခွင့်လည်း ရှိတယ်။ တစ်နည်းအားဖြင့် ကိုယ့်ဘဝကိုယ် ရွေးချယ်ဆုံးဖြတ်ပိုင်ခွင့်ရှိတယ်။ (တရား. ၃၀:၁၉) အဲဒီအခွင့်အရေးကို သူကောင်းကောင်း အသုံးပြုခဲ့ပါသလား။
၂၃။ ရှောလုမှာ တန်ဖိုးရှိတဲ့ ဘယ်အရည်အသွေး အရင်ဆုံး ပျောက်ဆုံးသွားသလဲ။ ဘယ်လို ဆက်ပြီး မာနထောင်လွှားခဲ့သလဲ။
၂၃ လူတစ်ယောက်ဟာ အာဏာရလာပြီဆိုရင် ကျိုးနွံမှုအရည်အသွေး အရင်ဆုံး ပျောက်သွားတတ်တာက ဝမ်းနည်းစရာပါပဲ။ အာဏာရပြီး သိပ်မကြာခင်မှာ ရှောလဟာ မာနထောင်လွှားလာတယ်။ ရှမွေလကနေတစ်ဆင့် ယေဟောဝါဘုရားပေးတဲ့ ညွှန်ကြားချက်တွေကို ရှောလု မလိုက်နာတော့ဘူး။ တစ်ခါကဆိုရင် ရှောလု စိတ်မရှည်တော့လို့ ရှမွေလဆက်သရမယ့် ပူဇော်သက္ကာကို သူကိုယ်တိုင် ပူဇော်လိုက်တယ်။ အဲဒီအတွက် ရှောလုကို ရှမွေလ ပြင်းပြင်းထန်ထန် သတိပေးခဲ့ပြီး ရှောလုရဲ့မိသားစုမှာ မင်းဆက် မတည်ရဘူးလို့ ကြိုပြောလိုက်တယ်။ အဲဒီလို ဆုံးမတာကို ရှောလု လက်ခံမယ့်အစား ပိုဆိုးတဲ့ လုပ်ရပ်တွေကိုတောင် ဆက်လုပ်ခဲ့တယ်။—၁ ရှ. ၁၃:၈၊ ၉၊ ၁၃၊ ၁၄။
၂၄။ (က) အာမလက်လူတွေနဲ့ စစ်တိုက်တဲ့အခါ ယေဟောဝါဘုရားကို ရှောလု မနာခံဘဲ ဘာလုပ်ခဲ့သလဲ။ (ခ) ဆုံးမခံရတဲ့အခါ ရှောလု ဘယ်လို တုံ့ပြန်ခဲ့သလဲ။ ယေဟောဝါဘုရား ဘယ်လို ဆုံးဖြတ်ခဲ့သလဲ။
၂၄ အာမလက်လူတွေကို စစ်သွားတိုက်ဖို့ ရှောလုကို ရှမွေလကနေတစ်ဆင့် ယေဟောဝါဘုရား မိန့်မှာတယ်။ ယေဟောဝါ ညွှန်ကြားတဲ့အထဲမှာ မင်းဆိုးအာဂတ်ကို သတ်ပစ်ဖို့လည်း ပါတယ်။ ဒါပေမဲ့ ရှောလုဟာ အာဂတ်မင်းကို အသက်ချမ်းသာပေးတဲ့အပြင် ဖျက်ဆီးပစ်ရမယ့် လက်ရပစ္စည်းတွေထဲက အကောင်းဆုံးတွေကို ချန်ထားတယ်။ ရှောလုကို ရှမွေလ ဆုံးမတဲ့အခါ သူ အရင်လိုမဟုတ်တော့ဘဲ ပြောင်းလဲသွားပြီဆိုတာ သိလိုက်ရတယ်။ လက်ခံမယ့်အစား ရှာကြံအကြောင်းပြတယ်၊ ဆင်ခြေပေးတယ်၊ ရှင်းချက်တွေထုတ်တယ်၊ အပြစ်လွတ်အောင် ရှောင်တိမ်းပြောဆိုတဲ့အပြင် လူတွေအပေါ် အပြစ်ပုံချဖို့ ကြိုးစားလိုက်သေးတယ်။ လက်ရပစ္စည်းတချို့က ယေဟောဝါဘုရားကို ပူဇော်ဖို့ပါလို့ ပြောပြီး ဆုံးမပဲ့ပြင်မှုကို အလေးအနက်မထားဘဲ ငြင်းပယ်ဖို့ ရှောလု ကြိုးစားခဲ့တယ်။ အဲဒီအခါ ရှမွေလက “ယေဟောဝါဘုရားကို နာခံတာဟာ ပူဇော်သက္ကာထက် ပိုကောင်းတယ်” လို့ ပြောလိုက်တယ်။ ရှောလုကို ရှမွေလ သတ္တိရှိရှိ ပြစ်တင်ပြောဆိုခဲ့ပြီး ယေဟောဝါဘုရားရဲ့ ဆုံးဖြတ်ချက်ကိုလည်း ပြောလိုက်တယ်။ အဲဒါက ဘုရင့်အာဏာကို ရှောလုဆီကနေ ရုပ်သိမ်းပြီး သူ့ထက် ပိုထိုက်တန်သူကို ပေးမှာဖြစ်တယ်။ *—၁ ရှ. ၁၅:၁-၃၃။
၂၅၊ ၂၆။ (က) ရှမွေလဟာ ရှောလုအတွက် ဘာကြောင့် ပူဆွေးခဲ့သလဲ။ ယေဟောဝါဘုရားက ရှမွေလကို ဘယ်လို ညင်ညင်သာသာ ဆုံးမခဲ့သလဲ။ (ခ) ယေရှဲအိမ်ကို ရောက်တော့ ရှမွေလ ဘာသင်ခန်းစာ ရခဲ့သလဲ။
၂၅ ရှောလုရဲ့ မနာခံမှုကြောင့် ရှမွေလ အရမ်းဝမ်းနည်းခဲ့တယ်။ အဲဒီကိစ္စနဲ့ပတ်သက်ပြီး ၁ ရှ. ၁၅:၃၄၊ ၃၅။ ၁၆:၁။
ယေဟောဝါဘုရားရှေ့ တစ်ညလုံး ငိုကြွေးခဲ့တယ်။ ရှောလုရဲ့ အရည်အသွေးကောင်းတွေကို ရှမွေလ မြင်တွေ့ခဲ့လို့ သူ့ဆီကနေ အများကြီး မျှော်လင့်ခဲ့ပေမဲ့ အခုတော့ တစ်စစီ ပျက်စီးသွားပါပြီ။ အရင်က သူသိခဲ့တဲ့ ရှောလုဟာ အခုတော့ အများကြီး ပြောင်းလဲသွားပြီ။ သူ့ရဲ့ အရည်အသွေးကောင်းတွေ ပျောက်ဆုံးကုန်ပြီ။ ယေဟောဝါဘုရားကို ဖီဆန်တဲ့အထိပဲ။ ဒါကြောင့် ရှောလုကို ရှမွေလ ထပ်အတွေ့မခံတော့ဘူး။ ဒါပေမဲ့ နောက်ပိုင်းမှာ ရှမွေလကို ယေဟောဝါဘုရားက ဒီလို ညင်ညင်သာသာ တည့်မတ်ပေးခဲ့ရတယ်– “ရှောလုအတွက် မင်း ဘယ်လောက်ကြာကြာ ပူဆွေးနေမှာလဲ။ အခု၊ သူ့ကို အစ္စရေးဘုရင်အဖြစ်ကနေ ငါပယ်လိုက်ပြီ။ ဒါကြောင့် သိုးချိုထဲ ဆီဖြည့်ပြီး ဘက်သလီဟင်မြို့သား ယေရှဲဆီကို သွားပါ။ သူ့သားတစ်ယောက်ကို ဘုရင်အဖြစ် ငါရွေးချယ်ထားတယ်။”—၂၆ ယေဟောဝါဘုရားရဲ့ ရည်ရွယ်ချက် ပြည့်စုံဖို့ဆိုတာ သစ္စာမရှိတဲ့ မစုံလင်သူ လူသားတွေအပေါ် မမူတည်ဘူး။ လူတစ်ယောက် သစ္စာမရှိတော့ရင် ယေဟောဝါက တခြားသူတစ်ယောက်ကို မိမိအလိုတော် ထမ်းဆောင်စေပါလိမ့်မယ်။ ဒါနဲ့ပဲ သက်ကြီးရွယ်အို ရှမွေလဟာ ရှောလုကြောင့် ဝမ်းနည်းမနေတော့ဘူး။ ယေဟောဝါဘုရား ညွှန်ကြားတဲ့အတိုင်း ဗက်လင်မြို့က ယေရှဲရဲ့အိမ်ကိုသွားပြီး ရုပ်ရည်ခန့်ညားတဲ့ သားတွေနဲ့ တွေ့လိုက်တယ်။ အပြင်ပန်း အသွင်အပြင်ကိုပဲ မကြည့်ဖို့ အစကတည်းက ရှမွေလကို ဘုရားသခင် သတိပေးထားတယ်။ (၁ ရှမွေလ ၁၆:၇ ကိုဖတ်ပါ။) နောက်ဆုံး ယေရှဲရဲ့သား အငယ်ဆုံး၊ ဒါဝိဒ်ကို ရှမွေလတွေ့ခဲ့တယ်။ သူက ယေဟောဝါဘုရား ရွေးချယ်ထားတဲ့သူပါပဲ။
စိတ်ပျက်စရာကောင်းတဲ့ ဘယ်အခြေအနေမျိုးကိုမဆို ယေဟောဝါဘုရား ဖြေရှင်းနိုင်တဲ့အပြင် ကောင်းချီးအဖြစ်တောင် ပြောင်းလဲပေးနိုင်တယ်ဆိုတာ ရှမွေလ တွေ့မြင်ခဲ့
၂၇။ (က) ဘာက ရှမွေလရဲ့ ယုံကြည်ခြင်းကို ပိုပြီး ခိုင်မြဲလာစေသလဲ။ (ခ) ရှမွေလ ချမှတ်ခဲ့တဲ့ စံနမူနာကို သင် ဘယ်လို သဘောထားသလဲ။
၂၇ ရှမွေလ မကွယ်လွန်ခင် နောက်ပိုင်းနှစ်တွေမှာ ရှောလုအစား ဒါဝိဒ်ကို ရွေးချယ်ခဲ့တဲ့ ယေဟောဝါဘုရားရဲ့ ဆုံးဖြတ်ချက် မှန်တယ်ဆိုတာ ပိုပြီး ရှင်းရှင်းလင်းလင်း သိမြင်လာတယ်။ ရှောလုဟာ ဒါဝိဒ်ကို သတ်ပစ်ချင်တဲ့အထိ မနာလိုဖြစ်လာပြီး အယူဖောက်ပြန်တဲ့သူတောင် ဖြစ်သွားတယ်။ ဒါဝိဒ်ကျတော့ ရဲရင့်သူ၊ တည်ကြည်သူ၊ ယုံကြည်ခြင်းရှိပြီး သစ္စာစောင့်သိသူဖြစ်ကြောင်း ဖော်ပြခဲ့တယ်။ ရှမွေလလည်း ကွယ်လွန်ခါနီးလေ ယုံကြည်ခြင်း ပိုခိုင်ခံ့လေပဲ။ စိတ်ပျက်စရာကောင်းတဲ့ ဘယ်အခြေအနေမျိုးကိုမဆို ယေဟောဝါဘုရား ဖြေရှင်းပေးနိုင်တယ်။ အဲဒီအပြင် ကောင်းချီးအဖြစ်တောင် ပြောင်းလဲပေးနိုင်တယ်ဆိုတာ ရှမွေလ တွေ့မြင်လိုက်ရတယ်။ အနှစ်တစ်ရာ နီးပါး အသက်ရှင်ခဲ့တဲ့ ရှမွေလရဲ့ ဘဝမှတ်တမ်းဟာ တကယ်ထူးခြားပြီး မှတ်သားစရာကောင်းပါတယ်။ ဒါကြောင့် သစ္စာရှိတဲ့ ရှမွေလ ကွယ်လွန်သွားတဲ့အခါ အစ္စရေးတစ်မျိုးလုံး ဝမ်းနည်းပူဆွေးခဲ့ကြတယ်။ ဒီနေ့ ယေဟောဝါရဲ့ ကျေးကျွန်တွေဟာ “ရှမွေလရဲ့ယုံကြည်ခြင်းကို ငါ အတုယူမလား” ဆိုပြီး ကိုယ့်ကိုယ်ကိုယ် မေးသင့်တယ်။
^ အပိုဒ်၊ 24 ရှမွေလကိုယ်တိုင် အာဂတ်ဘုရင်ကို သတ်ပစ်ခဲ့တယ်။ ဒီဆိုးသွမ်းတဲ့ ဘုရင်ရော သူ့မိသားစုပါ သနားကြင်နာမှု မရထိုက်ဘူး။ ရာစုနှစ်တွေ ကုန်လွန်ပြီးနောက်ပိုင်းမှာ “အာဂတ်လူမျိုး ဟာမန်” ဟာ ဘုရားလူမျိုးကို မျိုးဖြုတ် သတ်ပစ်ချင်တဲ့အထိ ဆိုးခဲ့တယ်။—ဧသ. ၈:၃။ ဒီစာအုပ်ရဲ့ အခန်း ၁၅ နဲ့ ၁၆ တို့ကို ကြည့်ပါ။