Jihova ua kanene Jakobo kuila, ueji mu langa kala kia langele Mbalahamu ni Izake. Jakobo uai mu tunga mu kididi a kixana Halane, kuenhoko ua kazala, ua kexile ni muiji ua dikota, ua kituka ue mvuama.

Mu kubhita thempu iavulu, Jihova uambela Jakobo: ‘Vutuka mu ixi ia jitata jê’. Jakobo ni muiji ue anga endele njila ia dikanga. Mu njila íii, uévu kuila: ‘Phang’ê Izau ua kexile mu kuiza ni 400 ja maila phala kudisanga ni muene!’ Jakobo ua kexile ni uôma uavulu, ua xinganeka, se Izau ubhanga kima kiaiibha ku muiji uami? Muene ua sambe kua Jihova: ‘Nga ku dióndo, ngi bhulule bhu maku a phang’iami.’ Mu kizuua kia kaiela, Jakobo ua tumikisa jimbudi, jihombo, jikamelu, jibûlu kala ujitu phala Izau.

Mu usuku uenhó, Jakobo ua kexile ubheka uê, anga u mona anju! o anju íii ia mateka kubhânga ni muene. Ene a bhânge katé mu kimene. Jakobo ua di kuama mu kubhânga maji né kiki ka lembua, muene ua bhingile phala o anju ku mu besoala. O anju anga i muambela: ‘Ngehe, kala ng’ia.’ Maji Jakobo uambe: ‘Kana, nga-nda kueha ngó, se u ngi besoala.’

Mu kusuka-ku o anju ua besoala Jakobo. Mu kiki, Jakobo uejiidile kuila ka bhingile kukala ni uôma ua Izau.

Mu kimene, Jakobo ua mono Izau ni 400 ja mala a mu kuiza. Kioso Jakobo ni muiji uê kia zukama kua Izau, Jakobo ua fukama  sambuadi dia jiveji. Izau ua lenge katé bhua kexile Jakobo anga a dibhubhala. O jiphange jiiadi a didi kiavulu ia a bhange paze. U tena kuxinganeka kiebhi Jihova kia divu mu kumona o ukexilu ua Jakobo kubatula o maka?

Mu kubhita thembu, Izau ua vutuka ku bhata diê, Jakobo ua suluka kuenda o njila iê. Jakobo ua kexile ni 12 kia tuana. O an’â Jakobo o majina mâ enhá: Lubene, Ximinhá, Levi, Judá, Isakale, Nzebulone, Zuze, Bejamì, Dane, Nafitali, Ngadi ni Asele. Mona umoxi​—Zuze​—Jihova ua mu bhangesa kubhulula o mundu Uê. Uejiia kiebhi kia bhange kiki? Tu mone.