Ku bokona mu madisá

Ku bokona mu madisá

 DISÁ 8

Mbalahamu ni Sala a belesela Nzambi

Mbalahamu ni Sala a belesela Nzambi

Ule iexile mbanza ia zukamene ku mbanza ia Betele, o athu a mbanza íii, akexile mu bheza jinzambi javulu ja makutu, ka kexile mu bheza Jihova. Mu mbanza ia Ule muexile mubhezi ua kidi ua Jihova. Dijina diê Mbalahamu.

Jihova uambela Mbalahamu: ‘Tunda ku bhata diê, xisa o jindandu jê, úie ku ixi i nga mesena ku kulondekesa.’ Nzambi ua mu kanena: ‘Muiji ué ua-nda kituka mundu uavulu, athu mu ngongo ioso a-nda tambula mabesá mukonda di’eie.’

Mbalahamu kejiidile o kididi kueji mu tumikisa kuala Jihova, maji né muene kiki, ua dielele kua Jihova iu ua belesela. Mu kiki Mbalahamu ni muhatu uê Sala, a bhongolola o ima, iá a mateka kuenda o njila ia dikanga. O tat’ê ni muebhu’ê ai ni muene, o tat’ê dijina diê Tela o muebhu’ê a muixanene Lote.

 Kioso Mbalahamu kiexile ni 75 ia mivu, muene ni muiji uê, a bhixila bhu kididi kia mesenene kua londekesa Jihova. O kididi kiki, kiexile o mbanza ia Kanana. Kuene Jihova kua bhanene o kikanenu kua Mbalahamu: ‘Nga-nda ku bhana o kididi kiki, phala o tuana tuê ni aláulê.’ Maji Mbalahamu ni Sala, a kukile kiá, kexile ni tuana. Kiebhi-phe Jihova kieji kumbidila o kikanenu kiê?

“Kiejila mu kuxikana Mbalahamu . . . u xikina kuia mu kusota o ixi ia polomesa, I’ambe Nzambi o ku mu bhana. Hé u xia oxi iê-muéne, u katuka, sé kuijiia kuoso kuanda kuia.”​—Jihebeleu 11:8