Ku bokona mu madisá

Ku bokona mu madisá

 DISÁ 80

Jezú u Sola o 12 Kia Jipoxolo

Jezú u Sola o 12 Kia Jipoxolo

Kioso Jezú kia boko ku muvu umoxi ni kaxaxi, muene ua kexile ni kima phala kubhanga mba kusola. A nanhi eji ku a sola phala kukalakala né? A nanhi eji ku a longa phala kukala kupholo dia kilunga kia Jikidistá? Phala kubhanga kiki, Jezú ua mesenene o kikuatekesu kia Jihova. Mu kiki, muene uai ku mulundu ubheka uê, ua sambe usuku uoso. Mu kamene Jezú uexana o maxibulu mê, iu ua solo o kuinhi ni kiiadi kia Jipoxolo. O kuila, sai iâ ua lembalala hanji o majina mâ? O majina mâ enhá: Phetele, Mandele, Tiiaku, Nzuá, Filipe, Matulu, Tomé, Matesu, Tiiaku mon’a Lufeu, Tadeu, Ximá ni Juda dia Kadiota.

Mandele, Phetele, Filipe, Tiiaku

O Kuinhi ni Kiiadi kia jipoxolo eji kuenda ni muene. Kioso kia a longo, ene a kexile polondo phala ku a tumikisa ni kuboka mudiâ. Jihova ua a bhana o kutena kua kukaiesa madimonho, ni kusaka athu a kate.

Nzuá, Matesu, Matulu, Tomé

Jezú ua tumbula o Kuinhi ni Kiiadi kia jipoxolo kála makamba, ua a dielele ue. O Jifalizeu a banzele kuila, o jipoxolo exile akua-tutu,  ka zubha kudilonga madivulu mba iôua. Maji Jezú ua a bhana o milongi ia tokalele phala kubhanga o kikalakalu kiâ. Ene eji tena kukala ni Jezú, mu ithangana ia betele kota ku muenhu uê, kala ande dia kúfua ni kioso kia fukunuka. Kála Jezú, mu kaxi ka kuinhi ni kiiadi kia jipoxolo, avulu exile akuâ Ngalileia. Sai iâ, exile makaza.

Tiiaku mon’a Lufeu, Juda dia Kadiota, Tadeu, Ximá

O jipoxolo exile akua ituxi. Sai iâ, a zuelele ima sé kuxinganeka, amukuá ka solele kiambote. Amukuá ka kexile ni muanhu. Sai ithangana ene a zokele ni maka a lungu se nanhi ua betele o kota mudiâ. Maji ene exile athu ambote, a zolele Jihova. Ene eji kala kupholo dia kilunga kia Jikidistá, kioso Jezú kieji vutuka ku diulu.

“Enu nga m’ixana-phe mu makamba, mukonda ima ioso i ngevu kua Tata iami, nga m’ijidisa-iu.”—Nzuá 15:15