Ku bokona mu madisá

Ku bokona mu madisá

 DISÁ 77

O Muhatu Bhu Fixi ia Menha

O Muhatu Bhu Fixi ia Menha

Kioso kiabhu o fesa ia Phasu, Jezú ni maxibulu mê, a tundu mu mbanza ia Samádia, a vutuka ku Ngalileia. Mu kuzukama mu mbanza ia Sikale, Jezú ua nhoha mu kididi a kixanene kixima kia Jakobo. Kioso kia kexile mu nhoha, o maxibulu mê aile mu sumba kúdia.

Sai muhatu uaile mu sunga menha. Jezú ua mu ambela, uixi: “Ngi bhane-ku tu menha, ngi-nue.” Muene uixi: ‘Mukonda diahi eie ua mu zuela n’eme? Eme ngi mukuá Samádia. Akuá Judeia ni akuá Samádia a di zemba.’ Jezú u mu vutuila uixi: ‘O ua ku bhingi o menha se ua muijiidile, eie ueji ku mu bhinga n’a ku bhane menha ma muenhu.’ O muhatu uebhuidisa: ‘O menha a muenhu a lombolola ihi?’ ‘Eie kuala ni kizenzu.’ Jezú uambe: ‘Uoso u nua menha u ngi mu bhana nuka ua-nda kala dingi ni dinhota.’ O muhatu uambe: ‘Ngana, ngi bhane-ku ku menha enhá.’

Jezú ua mu ambela: ‘Ndé ua k’exane munumi’ê, uíze-nê bhabha.’ O muhatu uixi: ‘Eme ki ngala ni diiala.’ Jezú uambe: ‘Kidi ki ua zuela. Mukonda ua kexile kiá ni mala atanu, o ió uala-nê kindala ki muadi uê.’ O muhatu uixi: ‘Kindala nga kijiia kuila eie u polofeta. O mundu uami u xikina kuila, tu tena kubheza jinga Nzambi ku mulundu kuku, maji enu mu Jijudé muambe kuma kididi kia kubhezela Nzambi, mu Jeluzaleme. Ngejiia kuma kioso o Mexiia kia-nda kuiza, muène ua-ndu tu longa kiebhi ki tua tokala kubheza.’ Mu kiki Jezú ua zuela kima ka ki tangele luua muthu, uixi: ‘Eme muéne ngi Mexiia.’

 O muhatu anga uia mu sanzala, anga uambela akuá Samádia, uixi: ‘Nga sange o Mexiia. Muene uejiia o ima ioso ia lungu n’eme. Zenu mu tale!’ Ene ai ni muhatu katé ku fixi ia menha anga evua maka oso a longo Jezú.

O akuá Samádia a dionda Jezú phala kuxala-nâ mu mbanza iâ. Muene anga uxala-nâ izuua iiadi ni kua longa, anga athu avulu a xikana mukonda dia maka mê. Ene anga ambela o muhatu ua mukuá Samádia, exi: ‘Etu enioso tua muívu, tua muijiia ni kidi kiene, kuma iú muene o mubhuludi ua mundu.’

“Izá! Uoso o dinhota dia mu kuata, eze. Uoso uandala, a tambule o menha ma muenhu mu ngoho.”—Dijingunuinu 22:17