Ku bokona mu madisá

Ku bokona mu madisá

 DISÁ 85

Jezú u Saka Kia Sábhalu

Jezú u Saka Kia Sábhalu

O Jifalizeu a zembele Jezú, ia a kexile mu sota ndunge phala ku mu kuta. Ene ambe kuila muene ka tokalele kusaka o jihaxi Kia Sábhalu. Sai Sábhalu, Jezú ua sange kifôfo ua kexile mu bhinga jimola mu kikoka. Muene uambela ku maxibulu mê: ‘Tale-nu kiebhi o kutena kua Nzambi kua-nda kuatekesa o diiala didi.’ Jezú u ta mathé bhoxi, u bhanga-bhu malôua ni mathé-mê, o malôua ua a te mu mesu a kifôfo. Jezú ua mu ambela: ‘Ndé kà di sukule mu dizanga dia Silôua.’ Muene anga uia-ku, ua di sukula, tundé kia mu vuala, kiki kiene o kithangana kia dianga ku muenhu uê kia mateka o kumona.

O athu a diuanene. Ene ambe: ‘Ki muenhú ua xikamene jinga mu bhinga jimola, inga muthu ua difuangana-né ngó?’ O diiala uambe: ‘Eme muene a ng’ivuala kifôfo!’ O athu a muibhuidisa: ‘Mesu-mê phe, a jikuka kiebhi?’ Kioso kia jimbuluila ioso ia bhitile, ene a muambata ku Jifalizeu.

O diiala diambela o Jifalizeu: ‘Jezú ua ngi te malôua mu mesu iu ua ngi tumina ku di sukula. Eme nga disukula, mu kiki nga mu mona.’ O Jifalizeu ambe: ‘Se Jezú u saka kia Sábhalu, o kutena kuê ki ku tundu kua Nzambi.’ Maji amukuá ambe: ‘Se o kutena kuê ki ku tundile kua Nzambi, muene keji tena kusaka.’

O Jifalizeu exana o jitata jê exi: ‘Kiebhi mon’enu kindala ua mu mona?’ O jitata jê  akexile ni uôma, mukonda o Jifalizeu a tele kiá kikutu kia kuila uoso u xikina kua Jezú, eji mu kaia mu malombe. Mu kiki ene ambe: ‘Ki tu kijiia. Mu ibhuidisie-nu muene.’ O Jifalizeu a bhange ibhuidisu ku diiala katé muene kia zuela uixi: ‘Eme nga mi a mbela kiá ioso ia bhiti. Phala-hi mua-ndala dingi kuívua lua mukuá?’ O Jifalizeu a kexile ni njinda, ia a mu kaie mu malombe.

Jezú u takana-nê he u muambela: ‘Eie uala ni kixikanu kua Mexiia?’ O diiala diambe: ‘Ngeji kala ni kixikanu, se nga muijidile.’ Jezú ua muambela: ‘Eme ngi Mexiia.’ O kuila iú uene uexile o ukexilu ua Jezú? Muene ka sake ngó o diiala, maji ua mu kuatekesa ue kukala ni kixikanu.

‘Enu mua tondala, mukonda Madivulu Makôla ki mua ejiia, ni kutena kua Nzambi ki mua kuijiia.’—Matesu 22:29