Onhumwafo kOvakolossi 3:1-25
3 Ashike ngeenge omwa nyumunwa pamwe naKristus,+ twikileni okulalakanena oinima yomeulu, omo Kristus e li omutumba kolulyo laKalunga.+
2 Kaleni hamu yandje elitulemo koinima yomeulu,+ ndele hakoinima yokombada yedu.+
3 Osheshi omwa fya, neemwenyo deni odi li mepashukilo laKristus, molwaashi osho oshi li metwokumwe nehalo laKalunga.
4 Ngeenge Kristus, oo e li omwenyo wetu,+ okwa hololwa, nanye otamu ka hololwa pamwe naye moshinge.+
5 Onghee hano dipaeni omahalo eni mai opambelela+ ngaashi oluhaelo,* okuhenoukoshoki, omahalo opamilele a pitilila,+ okahalu nosho yo olwisho olo tali faafanifwa nokulongela oikalunga.
6 Kalunga ota ka handukila ovanhu ovo hava longo oilonga ya tya ngaho.
7 Nanye omwa li hamu lihumbata* ngaho monghedi yeni yonale yokukalamwenyo.*+
8 Ndele paife omu na okweefa po filufilu oinima ngaashi: onya, ehandu, owii,+ okupopya inaku koshoka+ nomashendjo oulai+ inai pita mo mokanya keni.
9 Inamu lombwelafana oipupulu.+ Liduleni omunhu mukulu+ pamwe noilonga yaye,
10 ndele djaleni omunhu mupe,+ oo a shitululwa a ninge mupe okupitila meshiivo lashili, opo a kale a fa Omushiti waye.+
11 Kungaho itapa ka kala vali eyooloko pokati kOmugreka nOmujuda, kaao a pita etanda naao ina pita etanda, komunailongo nOmuskiti* nopokati komupika nomudalwa, osheshi amushe omwa hangana muKristus.+
12 Molwaashi omu li ovahoololwa vaKalunga,+ ovayapuki vaye novana vaye ovaholike, djaleni ohole mokukala mu na olukeno,+ olune, elininipiko,*+ omwenyo muwa+ nosho yo onheni.+
13 Twikileni okulididimikilafana nokudiminafana po nehalo liwa,+ ngeenge mwa ningafana nai.+ Ngaashi ashike Jehova* he mu dimine po nehalo liwa, nanye yo osho mu na okuninga.+
14 Kakele koinima aishe oyo, djaleni ohole,+ molwaashi oyo hai hanganifa ovanhu filufilu.+
15 Ombili yaKristus nai pangele momitima deni,+ osheshi Kalunga okwe mu ifana mu ninge olutu limwe nomu kale mu na ombili. Kaleni yo mu na olupandu.
16 Eendjovo daKristus nadi longe munye pauyadi, opo di mu pe ounongo aushe. Twikileni okuhongafana nokutwaafana omukumo* neendjovo domapsalme,+ tamu tange Kalunga, tamu imbi nolupandu* omaimbilo opamhepo nokwiimbila Jehova* momitima deni.+
17 Keshe osho tamu popi, ile tamu ningi, ashishe shi ningeni okupitila medina lOmwene Jesus, tamu pandula Kalunga Tate okupitila muye.+
18 Nye ovakulukadi, dulikeni kovashamane veni,+ ngaashi sha wapalela Omwene.
19 Nye ovashamane, kaleni mu hole ovakulukadi veni,+ ndele inamu va handukila unene.*+
20 Nye ounona, dulikeni kovakulunhu veni moinima aishe,+ osheshi osho osha wapalela Omwene.
21 Nye ootate, inamu nyemateka* ovana veni,+ opo vaha wililwe po.*
22 Nye ovapiya, dulikeni koovene veni vopanhu* moinima aishe,+ hangeenge ashike ve mu wete, opo mu hafife ashike ovanhu,* ndele shi ningeni nomutima aushe mokutila Jehova.*
23 Keshe osho tamu longo, shi longeni nomwenyo* aushe, ngaashi tamu longele Jehova,*+ ndele havanhu,
24 osheshi omu shi shii kutya otamu ka pewa efyuululo kuJehova* li li ondjabi.+ Longeleni Omwene weni, Kristus.
25 Ndele ou ta longo owii ota ka handukilwa omolwowii oo a longa,+ osheshi Kalunga ke na okatongo.+
Omashangelo opedu
^ MOshigreka, porneia. Tala Omafatululo oitya.
^ Ile “hamu ende.”
^ Ile “eshi mwa li hamu kala ngaho.”
^ “Omuskiti” sha hala okutya omunhu ehe na oukwashiwana.
^ Ile “elixupipiko.”
^ Ile “nokukumaidafana.”
^ Ile “nolukeno.”
^ Ile “ungaunga navo nonyanya.”
^ Ile “shinda; handukifa.”
^ Ile “teke omukumo.”
^ Eln., “vopambelela.”
^ Eln., “hanomesho ovanhu mu pandike.”
^ Tala Omafatululo oitya, “Omwenyo.”
