Onhumwafo kOvakolossi 2:1-23
2 Osheshi onda hala mu shiive nghee handi longo noudiinini, opo ndi mu kwafele nosho yo ovo vokuLaodikea+ naaveshe ovo inava mona nge komudidi.*
2 Eshi ohandi shi ningi, opo omitima davo di hekelekwe+ nova hanganifwe filufilu kohole.+ Kungaho otava ka kala ve na eudeko lomoule notava ka shiiva filufilu oshiholekwa shiyapuki shaKalunga, noshiholekwa osho oKristus.+
3 Muye omo mwa holekwa nawanawa omamona aeshe ounongo nosho yo eshiivo.+
4 Ohandi popi ngaho, opo paha kale nande oumwe te mu yulu neendjovo domaheka.
5 Nonande kandi li pamwe nanye palutu, pamhepo otu lyeni pamwe, nonda hafa, eshi mu na elandulafano+ naashi mu na eitavelo la kola muKristus.+
6 Onghee hano ngaashi ashike mwa tambula Kristus Jesus Omwene, twikileni okweenda mwa hangana naye,
7 mwa mena omidi nomwa tungilwa muye,+ nomwa pamenena meitavelo+ ngaashi ashike mwa li mwa hongwa, notamu twikile okupandula.+
8 Lungameni, opo muha yulwe* nande okomunhu nomahongo opanhu nosho yo omatomhafano oipupulu+ oo a kanghamena keenghulunghedi dovanhu nokomadiladilo oo taa dana onghandangala mounyuni, ndele hakuKristus,
9 molwaashi omaukwatya aKalunga oku liwetikile filufilu muye.+
10 Omu na keshe shimwe omolwaau e li omutwe womapangelo noweenghonopangelo adishe.+
11 Omu na ekwatafano naye, molwaashi inamu pitifwa etanda kovanhu, ndele omwa pita etanda, eshi mwa efa po omahalo opambelela,+ osheshi ovapiya vaKristus ove na okupita etanda monghedi ya tya ngaho.+
12 Osheshi omwa li mwa pakwa pamwe naye peninginifo laye,+ nomolwekwatafano leni naye omwa nyumunwa yo+ pamwe omolweitavelo leni moilonganghono yaKalunga, oo a nyumuna Kristus koufi.+
13 Kakele kaasho, nonande omwa li mwa fya omolwomanyono eni nomolwokuhapita etanda, Kalunga okwe mu nyumuna pamwe naKristus.+ Kalunga okwe tu dimina po nehalo liwa omanyono etu aeshe+
14 nokwa dima po* onhumwafo ya shangwa komake,+ oyo ya li i na oipango+ noya li i li omhinge nafye.+ Kalunga okwe i xulifa po moku i valela komuti womahepeko.*+
15 Okwa finda omapangelo, novakwanepangelo okwe va nyaneka pomutenya, nokwe shi ulika moipafi kutya okwe va finda,+ e va kwatela komesho mefindano okupitila mulo.*
16 Onghee hano inamu efa mu tokolwe nande okomunhu shi na sha naasho tamu li, ile tamu nu,+ ile shi na sha nokudana oivilo, ile omwedi mupe,+ ile eshabata.+
17 Oinima oyo oi li omudidimbe waayo tai ke uya,+ ndele olutu lo vene oKristus.+
18 Inamu efa nande mu imbwe ondjabi+ komunhu oo ha hafele elininipiko loipupulu noha longele ovaengeli, “mokupopila”* oinima oyo a mona. Okwe litumbaleka nopehe na etomheno la yuka omolwomadiladilo aye,
19 noke na ekwatafano nomutwe,+ sha hala okutya ke na ekwatafano naau ha pe olutu alishe osho la pumbwa, olo la kwatelwa kumwe komatwikinino omakipa nokomakindji,* na Kalunga oha kulike olutu alishe okupitila muye.+
20 Omwa fya pamwe naKristus, eshi inamu tambula ko omadiladilo ounyuni ou.+ Ngeenge osho shi li ngaho, omolwashike natango hamu lihumbata mwa fa mu li oshitukulwa shounyuni ou, nohamu diinine oipango ei:+
21 “Ino shi kwata, ino shi makela, ile ino shi kuma”?
22 Oinima oyo otai xulu po nosho yo okulongifwa kwayo, noi li oipango nomahongo opanhu.+
23 Nonande oipango oyo otai monika ya fa i na ounongo, itai kwafele ovanhu va kondjife omahalo avo opambelela. Osho osho shi li ngaho, molwaashi ovanhu ova hoolola vo vene onghedi yavo yokulongela Kalunga, have liningifa va fa ovalininipiki nohava hepeke omalutu avo vene.+
