Josua 21:1-45
21 Omitwe domaukwaneumbo Ovalevi oda ya komupristeri Eliaser,+ kuJosua, omonamati waNun, nokomitwe domaukwaneumbo omapata Ovaisrael,
2 noda popya navo muSilo+ medu laKaanan da ti: “Jehova okwa popya okupitila muMoses kutya natu pewe oilando nomaulifilo ayo, omo tu na okukala pamwe noimuna yetu.”+
3 Onghee palombwelo laJehova, Ovaisrael ova pa Ovalevi oilando oyo+ nomaulifilo ayo va kufa mefyuululo lavo.+
4 Eshi oshihoololifo sha umbwa, osha kwata omaludi Ovakohat+ nOvalevi, ovo va li oludalo lomupristeri Aron, ova li va pewa oilando 13 pashihoololifo, ya dja mepata laJuda,+ mepata laSimeon+ nomepata laBenjamin.+
5 Ovakohat vakwao ova li va pewa oilando omulongo pashihoololifo, ya dja moludi lepata laEfraim,+ lepata laDan noletata lepata laManasse.+
6 NOvagerson+ ova li va pewa oilando 13 pashihoololifo, ya dja moludi lepata laIsaskar, lepata laAsser, lepata laNaftali noletata lepata laManasse, muBasan.+
7 Ovamerari+ pamaludi avo ova li va pewa oilando 12, ya dja mepata laRuben, mepata laGad nomepata laSebulon.+
8 Kungaho, Ovaisrael ova li va pa Ovalevi oilando oyo nomaulifilo ayo pashihoololifo, ngaashi ashike Jehova a li a popya okupitila muMoses.+
9 Opo nee mepata laJuda nomepata laSimeon, ova yandja mo oilando ei tai shikula ya tumbulwa pamadina,+
10 nove i pa ovanamati vaAron vomomaludi Ovakohat, ovo va dja mOvalevi, molwaashi ovo va kwatwa koshihoololifo osho sha umbwa tete.
11 Ove va pa Kiriat-arba+ (Arba oye a li xe yaAnak), sha hala okutya, Hebron,+ koshitukulwa shokeemhunda shaJuda nomaulifilo oo e shi dingilila.
12 Ashike omudingonoko woshilando nomikunda dasho ove i yandja kuKaleb, omonamati waJefunne, i li emona laye.+
13 Ovanamati vomupristeri Aron ova pewa oshihondamenolando shoku ka hondama ovo va dipaa,+ Hebron+ nomaulifilo asho, ova weda ko yo Libna+ nomaulifilo asho,
14 Jattir+ nomaulifilo asho, Estemoa+ nomaulifilo asho,
15 Holon+ nomaulifilo asho, Debir+ nomaulifilo asho,
16 Ain+ nomaulifilo asho, Jutta+ nomaulifilo asho nosho yo Bet-semes nomaulifilo asho, oilando omuwoi ya dja momapata oo avali.
17 Mepata laBenjamin omwa dja: Gibeon+ nomaulifilo asho, Geba nomaulifilo asho,+
18 Anatot+ nomaulifilo asho, naAlmon nomaulifilo asho, oilando ine.
19 Oilando aishe oyo ya pewa oludalo lomupristeri Aron oya li 13 pamwe nomaulifilo ayo.+
20 Omaludi makwao Ovakohat oo a li mokati kOvalevi okwa li a pewa oilando pashihoololifo, ya dja mepata laEfraim.
21 Ove va pa oshihondamenolando shoku ka hondama ovo va dipaa,+ Sekem+ nomaulifilo asho, oo e li koshitukulwa shokeemhunda shaEfraim, Geser+ nomaulifilo asho,
22 Kibsaim nomaulifilo asho, naBet-horon+ nomaulifilo asho, oilando ine.
23 Nomepata laDan omwa dja: Elteke nomaulifilo asho, Gibbeton nomaulifilo asho,
24 Aijalon+ nomaulifilo asho, Gat-rimmon nomaulifilo asho, oilando ine.
25 Nometata lepata laManasse omwa dja: Taanak+ nomaulifilo asho, Gat-rimmon nomaulifilo asho, oilando ivali.
26 Oilando aishe kumwe nomaulifilo ayo, oyo ya pewa omaludi Ovakohat oo a xupa ko, oya li omulongo.
27 Ovagerson+ vomomaludi Ovalevi ova pewa oshihondamenolando shoku ka hondama ovo va dipaa, sha dja metata lepata laManasse, Golan,+ muBasan, nomaulifilo asho, ova wedelwa ko yo Beestera nomaulifilo asho, oilando ivali.
28 Nomepata laIsaskar+ omwa dja: Kision nomaulifilo asho, Daberat+ nomaulifilo asho,
29 Jarmut nomaulifilo asho, naEn-gannim nomaulifilo asho, oilando ine.
30 Nomepata laAsser+ omwa dja: Misal nomaulifilo asho, Abdon nomaulifilo asho.
31 Helkat+ nomaulifilo asho, naRehob+ nomaulifilo asho, oilando ine.
32 Nomepata laNaftali omwa dja: oshihondamenolando+ shoku ka hondama ovo va dipaa, Kedes+ shomuGalilea nomaulifilo asho, nova weda ko yo Hammot-dor nomaulifilo asho, naKartan nomaulifilo asho, oilando itatu.
33 Oilando aishe yOvagerson pamaludi avo oya li 13 pamwe nomaulifilo ayo.
34 Omaludi Ovamerari,+ sha hala okutya, Ovalevi vamwe, mepata laSebulon+ ova pewa mo: Jokneam+ nomaulifilo asho, Karta nomaulifilo asho,
35 Dimna nomaulifilo asho, naNahalal+ nomaulifilo asho, oilando ine.
36 Nomepata laRuben omwa dja: Beser+ nomaulifilo asho, Jahas nomaulifilo asho,+
37 Kedemot nomaulifilo asho, naMefat nomaulifilo asho, oilando ine.
38 Nomepata laGad+ omwa dja: oshihondamenolando shoku ka hondama ovo va dipaa, Ramot shomuGilead+ nomaulifilo asho, nova weda ko yo Mahanaim+ nomaulifilo asho,
39 Hesbon+ nomaulifilo asho, naJaser+ nomaulifilo asho, oilando aishe kumwe oya li ine.
40 Oilando aishe oyo ya li ya pewa pashihoololifo Ovamerari pamaludi avo, omaludi makwao Ovalevi, oya li 12.
41 Oilando aishe yOvalevi, oyo ya dja mefyuululo lOvaisrael, oya li 48 pamwe nomaulifilo ayo.+
42 Oshilando keshe shomoilando oyo osha li shi na omaulifilo asho e shi dingilila ashishe, noilando aishe osho ya li ngaho.
43 Onghee Jehova okwa pa Ovaisrael edu alishe olo a ana oku li pa ooxekulululwa,+ nove li nangala, ndele tava kala omo hava di.+
44 Natango, Jehova okwe va pa etulumuko keembinga adishe, ngaashi a li a udanekela ooxekulululwa,+ nokape na nande oumwe womovatondi vavo e va finda.+ Jehova okwa yandja ovatondi vavo aveshe momake avo.+
45 Kape na eudaneko* lomomaudaneko aeshe mawa, oo Jehova a udanekela eumbo laIsrael, inali wanifwa po; aeshe okwa wanifwa po.+
Omashangelo opedu
^ Ile “ondjovo.”
