Josua 16:1-10
16 Oshitukulwa osho sha pewa oludalo laJosef+ pashihoololifo,+ osha dja komulonga waJordan, kuJeriko, fiyo okomeva oo e li koushilo waJeriko, nosha pita mombuwa oyo ya dja kuJeriko ya finda koshitukulwa sheemhunda shaBetel.+
2 Osha dja kuBetel shomuLus nosha ya fiyo okeengaba dOvaarkati muAtarot,
3 osha ya sha finda koushilo wongaba yOvafleti fiyo okongaba yaBet-horon+ shomefilu nokuGeser,+ ndele tashi ka xulila kefuta.
4 Onghee oludalo laJosef,+ Manasse naEfraim, ova nangala edu lavo.+
5 Ongaba yoludalo laEfraim pamaludi avo oyo ngaha: Ongaba yefyuululo lavo kombinga yokoushilo oya li Atarot-addar+ fiyo okuBet-horon, osho shi li koshikulundudu,+
6 nongaba oyo oya ya fiyo okefuta. Mikmetat+ osha li kolundume, nongaba oya dingilila koushilo ya finda kuTaanat-silo, ndele tai piti koushilo fiyo okuJanoak.
7 Natango, ongaba oyo oya ya okudja kuJanoak ya finda kuAtarot nokuNaara, ya ya fiyo okuJeriko+ noya twa komulonga waJordan.
8 Okudja kuTappua,+ ongaba oyo oya twikila ya yuka koushilo kEfilu laKana noya ka xulila kefuta.+ Olo efyuululo lepata laEfraim pamaludi avo.
9 Oludalo laEfraim oli na yo oilando ye likalekelwa mokati kefyuululo laManasse,+ oilando aishe nomikunda dayo.
10 Ashike inava taataa mo Ovakaanan ovo va li hava di muGeser,+ nOvakaanan ova twikila okukala mokati kOvaefraim fiyo okunena+ nova kala tava longifwa oilonga idjuu.+
