Eimbiloelela laSalomo 5:1-16
5 “Onda ya moshikunino shange,+Okamwamemekadona, omufuko wange.
Onda kufa omirha yange nosho yo oshihemba shange.+
Onda lya eshila lange lomaadi eenyiki nosho yo omaadi ange eenyiki;Onda nwa omaviinyu ange nomashini ange.”+
“Lyeni, ookaume kange.
Nweni nokukolwa keendjovo dohole.”+
2 “Onda kofa, ashike omutima wange ou li oupafi.+
Ondi udite omuholike wange ta konghola.
‘Yeulule nge, okamwamemekadona, omuholike wange,Onghuti yange, ove ou uhe na okapefili kasha.
Osheshi omutwe wange owa tuta komume,Omapando eexwiki dange okwa ninga oshituto shoufiku.’+
3 Onda dula mo oshikutu shange.
Nandi shi djale vali?
Onda kosha eemhadi dange.
Nandi di ningile vali omadu?
4 Omuholike wange okwa kufa mo eke laye mombululu yomuvelo,Nonda li nda halelela oku mu mona.
5 Onda penduka ndi ka yeulule omuholike wange;Eenyala dange oda li tadi ndoda omirha,Nominwe dange omaadi omirha,Koshikwatelo shomuvelo.
6 Onda yeulula omuholike wange,Ashike omuholike wange okwa dja po, a shuna.
Onda mongoshoka,* eshi a ya.*
Onde mu konga, ashike inandi mu mona.+
Onde mu ifana, ndele ina itavela nge.
7 Ovanangeli tava undju* oshilando ova hanga nge.
Ova denga nge, va ninga nge oipute.
Ovanangeli vomakuma ova kufa nge eluviluvi* lange.
8 Ohandi mu anifa, nye oukadona vomuJerusalem:
Ngeenge omwa mono omuholike wange,Mu lombweleni kutya onde mu djuulukwa.”
9 “Omuholike woye oku dule ngahelipi vakwao,Ove ou umuwa unene u dule ovakainhu aveshe?
Omuholike woye oku dule ngahelipi vakwao,Opo u tu anife ngaho?”
10 “Omuholike wange omuwa, ye omutilyana;Okwe likalekelwa mokati komayovi omulongo.
11 Omutwe waye oo oshingoli, oshingoli elela.
Omapando eexwiki daye oku li ngaashi oshivale tashi pepwa komhepo,*Alaula a fa ekola.
12 Omesho aye oku li ngaashi oo eenghuti di li pomatondokelo omeva,Tadi likosho momashini,Di li petale li yadi omeva.*
13 Eemhanda daye odi li ngaashi oshikunino shoimeno yedimba liwa,+Eenduba doihemba tai nyika nawa.
Omilungu daye odo eengala tadi ndoda omaadi omirha.+
14 Eenyala daye odo oitetela yoshingoli sha tulwa oumanya vokrisolit.
Edimo laye olo omayoo eendjaba a kweywa, a tulwa oumanya vosafire.
15 Omaulu aye oo eengudi demanya londilo la tulwa koikwatelwamhadi yoshingoli elela.
Eholokepo laye oli li ngaashi Libanon, ngaashi omiti domisederi, itali dulu okuyelekwa nasha.+
16 Okanya* kaye oka nyenye,Nakeshe shimwe kombinga yaye oshiwa.+
Ou oye omuholike wange, ou oye omumati wange, nye oukadona vomuJerusalem.”
