Eimbiloelela laSalomo 1:1-17
-
Eimbilo dingi (1)
-
Omukainhu omunyasha (2-7)
-
Oukadona vomuJerusalem (8)
-
Ohamba (9-11)
-
“Ohatu ku ningile oulyenge voshingoli” (11)
-
-
Omukainhu omunyasha (12-14)
-
“Omuholike wange okwa fa edimba lokakutu komaadi omirha” (13)
-
-
Omufita (15)
-
“Oumuwa omuholike wange”
-
-
Omukainhu omunyasha (16, 17)
-
“Oumuwa omuholike wange” (16)
-
1 Eimbilo dingi* laSalomo:+
2 “Na xupite nge nexupito lomilungu daye,Osheshi onghedi omo ho ulike ohole oi dulife omaviinyu.+
3 Edimba lomaadi oye ohali nyika nawa.+
Edina loye ola fa edimba lomaadi a tilwashi.+
Nomolwaashi ovakainhu ovanyasha ve ku hole.
4 Nandi ye naave;* natu tondoke.
Ohamba oya twala nge meenduda dayo domeni!
Natu hafe nokunyakukwa omolwoye.
Natu tange* onghedi omo ho ulike ohole shi dulife omaviinyu.
Oshoshili ove* ku hole.
5 Nye oukadona vaJerusalem, ondimulaula, ashike ondimuwa,Nda fa omatwali aKedar,+ nda fa omalapi etwali+ laSalomo.
6 Inamu dakamena nge omesho, molwaashi ndimulaula,Osheshi onda pya omutenya.
Ovanamati vameme ova li va handukila nge;Ova li va pa nge oshinakuwanifwa shokufila oshisho oikunino yomandjebele,Ashike oshikunino shange shomandjebele inandi shi fila oshisho.
7 Lombwele nge, ove ou ndi hole* unene,Apa ho lifa oufita woye,+Apa ho u ombifa mokati komutenya.
Omolwashike ndi na okukala ngaashi omukainhu a uvikwa eluviluvi*Mokati koufita wookaume koye?”
8 “Ngeenge ku shi shii, ove ou umuwa u dule ovakainhu aveshe,Shikula omakondo oufita,Ndele to lifa oukombwena voye popepi nomatwali ovafita.”
9 “Omuholike wange, ohandi ku faafanifa nonghambe i li mokati komatemba aFarao.+
10 Eemhanda doye otadi monika nawa, eshi di li koshi youlyenge,*Nofingo yoye, eshi i na omaludimbo oilanda.
11 Ohatu ku ningile oulyenge voshingoli*Kwa tulwa oshisilveri.”
12 “Ofimbo ohamba i li omutumba poshitaafula shayo shongonga,Omaadi ange edimba liwa*+ otaa nyika nawa.
13 Kwaame, omuholike wange okwa fa edimba lokakutu komaadi omirha,+Oko haka kala oufiku pokati komavele ange.
14 Kwaame, omuholike wange okwa fa eshila leenhemo dohenna+Mokati koikunino yomandjebele yomuEn-gedi.”+
15 “Tala! Oumuwa omuholike wange.
Tala! Oumuwa. Omesho oye okwa fa oo eenghuti.”+
16 Tala! Oumuwa* omuholike wange, nowa wapala.+
Ombete yetu oi li mokati komafo.
17 Oipilangi yeumbo* letu oyomisederi,Oiti yomeembuli detu oyomidjenipa.
Omashangelo opedu
^ Ile “Eimbilo la denga mbada.”
^ Eln., “Shile nge.”
^ Ile “hokolole.”
^ Sha hala okutya, ovakainhu ovanyasha.
^ Ile “oshikaiwa sheefya.”
^ Ile “omwenyo wange u hole.”
^ Ile tashi dulika, “di li mokati komapando.”
^ Ile “vongonga.”
^ Eln., “O-spikenard yange.”
^ Ile “Ou na ondjelo iwa.”
^ Ile “yeumbo la kula.”
